Andinin-tSoratra Masina malaza indrindra nalaina tao amin'ny Yohani 5

Hizara

<<So'linen Ako a somowal kamo, o mitngilay to sowal Ako o paso'linay a miti'er to miocoray Takowanan i, ci'orip to mida'ocay. Caayto ko mamapastek i raraw, maliyasayto ningra ko patay. O caci'orip cingra to mida'ocay.

Ma'araw ni Yis ko nika foti' ningra itira. Mafana' ci Yis to nika halafinto no adada ningra saka, <<Mangalay kiso a maadah haw?>> han Ningra a milicay.

Pakayni i Fangcalay Cudad ko sakaci'orip niyam to mida'ocay saan ko harateng namo saka, mikadkad kamo to Fangcalay Cudad. So'linay, onini a Fangcalay Cudad ko pawacayay to pakayniay i Takowanan. 'Arawhani, ma'osi kamo a tayni i Takowanan to sakaci'oripaw.

Pasowal sa ci Yis i cingraan, <<Kalomowad. Alaento ko kafoti'an iso a romakat,>> han Ningra. Itiya i, tangsol sa a maadah koya tamdaw. Ala hanto ningra ko kafoti'an ningra a romakat. O Pasla'an a Romi'ad itiya.

Orasaka, pasowal sa ci Yis i cangraan, <<So'linen Ako a somowal kamo, lonok caay ko sasaan Kako o Wawa a midmak to maamaan. O dmak no Wama ko pi'arawan Ako a midmak. Ano o maan ko nidmakan no Wama Ako i, mahaento ko dmak Ako o Wawa.