Andinin-tSoratra Masina malaza indrindra nalaina tao amin'ny Jon 5

Hizara

“Trubala ai dalim yumob. If enibodi irrim main wed en bilib main Dedi hubin jandim mi, wal im garram det olagijawan laif, en nobodi kaan panishim im, dumaji main Dedi bin larramgo im fri brom det olbalawei weya bina meigim im dai olagijawan, en im jidan garram det olagijawan laif na.

en wen Jisas bin kamat deya, imbin luk det men leidanbat deya, en imbin sabi imbin kripulwan longtaim, en imbin askim im, “Yu wandi jidan gudbala?”

Yumob oldei ridimbat det oltestaman, dumaji yumob reken detlot wed na garra gibit yumob det olagijawan laif, en nomeda detlot wed witnis blanga mi, bat stil yumob kaan kaman langa mi blanga gedim det olagijawan laif.

Wal Jisas bin dalim det kripulwan men, “Yu gidap en gajim yu sweig en wok.” En streidawei det men bin gudbala, en imbin gidap, en imbin gajim im sweig, en imbin wok. Wal wen Jisas bin meigim det kripulwan men gidap en wok, imbin det Sebathdei.

Wal Jisas bin gibit ensa langa detlot serramonimen hubin wandi kilim im ded. Imbin tok, “Trubala ai dalim yumob. Mi na det San blanga God, en ai kaan dum enijing miselp. Oni detlot ting weya mi luk main Dedi dumbat ai gin dum, dumaji mi oldei dum detlot ting weya main Dedi oldei dum.