Andinin-tSoratra Masina malaza indrindra nalaina tao amin'ny LUKAS 19

Hizara

Anak Kelunan tuai ke' Néh pitah ngan pepurip kekat kelunan éh tawang, ha' Néh.

Ka' ha' réh, Mejing ngaran Allah, jian mu'un Iah éh tuai dalem ngaran Allah. Petunuk tong seruga ngan peparen Allah, ha' réh.

La'ah ka' ha' Yésus kepéh, Dau iteu' irah tong lamin iteu' pu'un alaa' urip, la'ah lakei' inah iah péh jah anak jin pohoo' Abraham, éh pohoo' Yahudi.

Hun Yésus avéé' sinah Iah na'at kebau ngan bara' ka' ngan Sakheus, O Sakheus, tuhun ke', rigah ke', adang dau iteu' akeu' juk tai tong lamin ko', ha' Néh. Tioo tuhun Sakheus alaa' Yésus ngan murung kenin.

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

La'ah kelunan éh kivu adet Parisi éh pu'un pemung ngan kelunan pinaa' nah bara' ngan Yésus. Ka' ha' réh, O Guru, jian ke' nyohoo' kekat bakéh ko' inah kelem awah, ha' réh. Ha' Yésus ngan réh, Akeu' bara' ngan keh, hun kekat irah kelem, adang kekat bateu' pu'un ngelahap, ha' Néh.