Andinin-tSoratra Masina malaza indrindra nalaina tao amin'ny LUKAS 18

Hizara

Pu'un Yésus bara' jah ha' tapan ngan réh ke' réh omok jam adang tekep irah mekat sebayang ngan mai putui pengelan. Ka' ha' Néh

kineu' Tuhan, bé' Tuhan keloo' nolong kelunan éh kivu pengeloo' Néh éh sebayang putung dau ngan putung merem péh. Kineu', leko Éh nolong réh. Akeu' bara' mu'un ngan keh, adang Iah nolong réh ngan rigah mu'un. Kineu' hun Anak Kelunan tuai kepéh, pu'un kelunan éh petem dalem pengelan néh, kineu', bé', ha' Yésus ngan réh.

Ha' Yésus mipa réh, Éh bé' omok neu' kelunan péh, omok éh neu' Allah, ha' Néh.

Avéé' lebéé' péh redo inah menyat kenat, bé' lakei' inah keloo' nolong éh. La'o inah kepéh boh lakei' inah seruh, kelem néh, Na' péh akeu' bé' medai tong Allah ngan bé' pegunah kelunan, bang uban redo inah liwet-liwet tuai petusah ku', tekep ku' nolong éh dai éh ngelayau tuai kepéh ngan ngemutau ku', kelem néh.

Seruh keh jian-jian, séé'-séé' éh bé' alaa' Allah Pengeja'au néh pekua' barei' irah anak si'ik, kelunan inah bé' omok tai lem nihau néh, ha' Yésus.

Bang Yésus tebai kekat irah anak tavin Éh, ka' ha' Néh, Kejeraa' kekat irah anak tuai tavin Akeu', mai meta' réh, uban Allah éh Pengeja'au kekat kelunan éh pu'un kenin barei' kenin irah anak inah.

Boh Yésus bara' kepéh ngan néh ka', Pengelan ko' éh peka'o ke' nah, ha' Néh.

Ka' ha' Yésus ngan néh, Kineu' ko' bara' Akeu' jian, kelunan bé' éh pu'un jian, Allah awah éh jian.