Andinin-tSoratra Masina malaza indrindra nalaina tao amin'ny Salamo 143

Hizara

Ampianaro hanao ny sitraponao aho fa Ianao no Andriamanitro; aoka ny Fanahinao tsara no hitarihanao ahy amin’izay tany marina.

Ampandreneso ny famindramponao aho nony maraina fa Ianao no itokiako. Ampahalalao ahy izay lalana tokony halehako fa Aminao no anandratako ny fanahiko.

TOMPO ô, afaho amin’ny fahavaloko aho; ao Aminao no iereko.

Noho ny anaranao, TOMPO ô, dia velomy aho; araka ny fahamarinanao dia avoahy ho afaka amin’ny fahoriana ny fanahiko.

TOMPO ô, henoy ny vavaka ataoko ary atongilano amin’ny fifonako ny sofinao; valio araka ny teninao marina sy ny fahamarinanao aho.

Faingàna hamaly ahy, TOMPO ô, fa reraka ny fanahiko. Aza manafina ny tavanao amiko, fandrao ho tahaka izay midina any am-pasana aho.

Mahatsiaro ny andro fahiny aho ary misaina ny asanao rehetra; ny asan’ny tananao no eritreretiko.