Juan 12
12
Si Jesus Ginhaplasan sa Betania
(Mat. 26:6-13; Mar. 14:3-9)
1Anom ka adlaw sa wala pa ang Piesta sang Pascua, si Jesus nagkadto sa Betania, sa diin nagaestar si Lazaro nga ginbanhaw ni Jesus. 2Gin-amanan nila sia sing panihapon kag si Marta nagsirbe, samtang si Lazaro isa sang mga nagkaon upod kay Jesus sa lamisa. 3Dayon#Luc. 7:37-38. nagkuha si Maria sing pahumot nga malahalon nga nahimo halin sa puraw nga nardo nga ang kadamuon mga tunga sa litro. Ginbuboan niya sini ang mga tiil ni Jesus kag ginpahiran sang iya buhok. Ang kahamot sang agwa nagtugob sa bug-os nga balay. 4Si Judas Iscariote nga isa sang mga gintuton-an ni Jesus, kag amo ang magaluib sa iya, nagsiling, 5“Ngaa wala pag-ibaligya ini nga agwa sing 300 ka denario#12:5 DENARIO: Tan-awa ang 6:7. kag ang kwarta ipanghatag sa mga imol?” 6Ginsiling niya ini indi kay nagakabalaka sia sa mga imol, kundi bangod kay isa sia ka makawat. Sia ang nagatago sang ila kwarta kag kon kaisa nagakuha sia sa sini.
7Pero si Jesus nagsiling, “Pabay-i lang sia! Kay gintigana niya ini para sa adlaw sang akon lubong. 8Ang#Deut. 15:11. mga imol kaupod ninyo sa gihapon, pero ako indi manginkaupod ninyo sa dalayon.”
Ang Plano batok kay Lazaro
9Madamo nga mga Judio ang nakahibalo nga si Jesus yara sa Betania, gani nagkadto sila didto. Nagkadto sila indi lamang bangod kay Jesus, kundi sa pagtan-aw man kay Lazaro nga ginbanhaw niya. 10Gani ang pangulo nga mga pari nagplano man sa pagpatay kay Lazaro, 11bangod sa iya madamo nga mga Judio ang nagbiya sa ila mga pangulo kag nagtuo kay Jesus.
Ang Madinalag-on nga Pagsulod ni Jesus sa Jerusalem
(Mat. 21:1-11; Mar. 11:1-11; Luc. 19:28-40)
12Sang madason nga adlaw, ang madamo nga mga tawo nga nag-abot sa pagpamiesta nakabati nga si Jesus nagapakadto sa Jerusalem. 13Gani#Sal. 118:25-26; 1 Mac. 13:51. nagkuha sila sang mga paklang sang palma kag naggwa sa pagsugata sa iya nga nagasinggit, “Dayawon ang Dios! Pakamaayuhon sang Dios ang nagaabot sa ngalan sang Ginoo! Pakamaayuhon sang Dios ang Hari sang Israel!”
14Nakakita si Jesus sang isa ka tinday nga asno kag iya ini ginsakyan, suno sa ginasiling sang kasulatan:
15“Indi#Zac. 9:9. kamo magkahadlok, mga katawhan sang Jerusalem!
Yari, nagapadulong ang imo hari,
nga nagasakay sa tinday nga asno.”
16Sadtong tion, ang iya mga gintuton-an wala makahangop sini, pero sang mabanhaw na si Jesus, nadumdoman nila nga ang kasulatan nagsiling sini nahanungod sa iya, kag ila ini ginhimo para sa iya.
17Ang madamo nga mga tawo nga nakaupod kay Jesus sang iya pagtawag kay Lazaro nga maggwa sa lulobngan kag sang iya pagbanhaw sa iya, nagpanugid sang nahanabo. 18Ang kabangdanan nga ginsugata sia sang madamo nga mga tawo, amo nga nakabati sila nga nakahimo sia sining gamhanan nga buhat. 19Gani, ang mga Fariseo nagsinilingay, “Kita ninyo, wala kita sing mahimo! Tan-awa, ang tanan nga mga tawo nagasunod sa iya!”
May mga Griego nga Nagapangita kay Jesus
20Karon may ara man nga mga Griego nga nag-upod sa pagtaklad pakadto sa Jerusalem sa pagsimba sa tion sang piesta. 21Nagkadto sila sa kay Felipe (nga taga-Betsaida sa Galilea) kag nagsiling, “Sir luyag kami magpakigkita kay Jesus.”
22Si Felipe naglakat kag nagsugid kay Andres, kag sila nga duha naglakat kag nagsugid kay Jesus. 23Si Jesus nagsabat sa ila, “Karon nag-abot na ang tion nga ipakita sang Dios kon daw ano ka makatilingala ang Anak sang Tawo. 24Nagasiling ako sa inyo sang matuod: ang isa ka binhi sang humay indi magdamo kon indi pag-ipanggas sa duta kag mapatay. Kon mapatay ini, ti, magapamunga ini sing madamo. 25Ang#Mat. 10:39; 16:25; Mar. 8:35; Luc. 9:24; 17:33. bisan sin-o nga nagahigugma sang iya kabuhi madula niya ini. Ang bisan sin-o nga nagasikway sang iya kabuhi sa sining kalibutan magatipig sini sa kabuhi nga wala sing katapusan. 26Ang bisan sin-o nga luyag mag-alagad sa akon dapat magsunod sa akon, agod nga kon diin ako didto man ang akon alagad. Ang akon Amay magapasidungog sa bisan kay sin-o nga nagaalagad sa akon.
Naghambal si Jesus Nahanungod sang Iya Kamatayon
27“Karon natublag gid ang akon tagipusoon, kag ano bala ang akon isiling? Masiling bala ako, ‘Amay, ipaiway sa akon ini nga tion’? Pero amo ini ang tinutuyo sang akon pag-abot, agod sa pag-antos sa sining tion sang kasakitan. 28O Amay, ipakita sa mga tawo kon daw ano ka makatilingala sa imo!”
Dayon may tingog gikan sa langit nga nagasiling, “Ginpakita ko na sa mga tawo ang akon pagkamakatilingala kag akon ini ipakita liwat.”
29Ang mga tawo nga nagatambong didto nakabati sang tingog kag nagsiling, “Nagdaguob!” Samtang ang iban nagsiling, “Naghambal sa iya ang isa ka anghel!”
30Pero si Jesus nagsiling sa ila, “Ini nga mga pulong ginhambal indi tungod sa akon, kundi tungod sa inyo. 31Tion na ini nga pagahukman ang kalibutan. Karon ang nagagahom sining kalibutan pagalutoson. 32Kon ako mabayaw na halin sa duta, buyokon ko ang tanan nga mga tawo nga magpalapit sa akon.” 33Sa iya pagsiling sini, ginpakilala niya ang sahi sang kamatayon nga iya pagaantuson.
34Ang#Sal. 110:4; Isa. 9:7; Ezeq. 37:25; Dan. 7:14. mga tawo nagsabat sa iya, “Ang amon Kasugoan nagasiling nga ang Cristo magakabuhi sing dayon. Ngaa bala nagasiling ka nga ang Anak sang Tawo dapat bayawon? Sin-o bala ining Anak sang Tawo?”
35Si Jesus nagsabat, “Ang kapawa magapabilin sa tunga ninyo sa malip-ot pa nga tinion. Padayuna ang inyo paglakat samtang ang kapawa yara pa sa inyo, agod indi kamo maabtan sang kadudulman, kay ang nagalakat sa kadudulman indi makahibalo kon diin sia nagapadulong. 36Gani magtuo kamo sa kapawa samtang ang kapawa yara pa sa inyo, agod nga kamo mangin-anak sang kapawa.”
Ang Indi Pagkamatinuohon sang mga Judio
Sa tapos mahambal ini ni Jesus nagpalayo sia sa ila kag nagpanago. 37Bisan pa nga nakita na gid nila ang madamo nga gamhanan nga mga buhat nga ginhimo ni Jesus, sa gihapon wala sila magtuo sa iya, 38agod#Isa. 53:1 (LXX). nga ang ginsiling ni Isaias nga propeta mapamatud-an:
“Ginoo, sin-o bala ang nagpati sang balita nga amon ginsugid?
sin-o bala ang ginpakitaan sang Ginoo sang iya gahom?”
39Sa sini nga kabangdanan indi sila makatuo, tungod kay si Isaias nagsiling man:
40“Ginbulag#Isa. 6:10 (LXX). sang Dios ang ila mga mata,
gintakpan niya ang ila mga hunahuna,
agod nga ang ila mga mata indi makakita;
ang ila mga hunahuna indi makahangop,
kag indi sila magliso sa akon,
agod nga ayuhon ko sila.”
41Ginsiling ini ni Isaias kay nakita niya ang kadungganan nga agumon ni Jesus sa ulihi, kag naghambal sia nahanungod sa iya.
42Wala sapayan sini madamo nga mga pangulo sang mga Judio ang nagtuo kay Jesus, ugaling tungod sang kahadlok sa mga Fariseo wala sila magpabutyag sang ila pagtuo, agod indi sila pagsikwayon sa sinagoga. 43Ginpasulabi pa nila ang pagdayaw sang mga tawo sang sa pagdayaw sang Dios.
Ang Paghukom paagi sa mga Pulong ni Jesus
44Si Jesus naghambal sa mabaskog nga tingog, “Ang nagatuo sa akon, indi lamang nagatuo sa akon, kundi nagatuo man sa nagpadala sa akon. 45Ang nakakita sa akon nakakita man sa nagpadala sa akon. 46Nag-abot ako sa kalibutan subong kapawa, agod ang bisan sin-o nga magtuo sa akon indi magpabilin sa kadudulman. 47Kon ang bisan sin-o nga nagapamati sang akon mensahe kag wala nagatuman sini, indi ako ang magahukom sa iya. Nag-abot ako indi sa paghukom sang kalibutan, kundi sa pagluwas sini. 48Pagahukman ang bisan sin-o nga nagasikway sa akon kag wala nagabaton sang akon mensahe. Ang mga pulong nga akon ginhambal amo ang magahukom sa iya sa katapusan nga adlaw! 49Kay ang akon ginhambal indi akon, kundi ang Amay nga nagpadala sa akon nagsugo sa akon kon ano ang akon dapat isiling. 50Kag nahibaluan ko nga ang iya sugo nagadala sang kabuhi nga wala sing katapusan. Gani ang ginasiling ko, amo ang ginsiling sang Amay nga akon ihambal.”
Pašlaik izvēlēts:
Juan 12: MBBHIL12
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Maayong Balita nga Biblia © Philippine Bible Society, 2012