Populāri Bībeles panti no Juan 12

Dalīties

Ang bisan sin-o nga luyag mag-alagad sa akon dapat magsunod sa akon, agod nga kon diin ako didto man ang akon alagad. Ang akon Amay magapasidungog sa bisan kay sin-o nga nagaalagad sa akon.

Ang bisan sin-o nga nagahigugma sang iya kabuhi madula niya ini. Ang bisan sin-o nga nagasikway sang iya kabuhi sa sining kalibutan magatipig sini sa kabuhi nga wala sing katapusan.

Nagasiling ako sa inyo sang matuod: ang isa ka binhi sang humay indi magdamo kon indi pag-ipanggas sa duta kag mapatay. Kon mapatay ini, ti, magapamunga ini sing madamo.

Nag-abot ako sa kalibutan subong kapawa, agod ang bisan sin-o nga magtuo sa akon indi magpabilin sa kadudulman.

Kon ang bisan sin-o nga nagapamati sang akon mensahe kag wala nagatuman sini, indi ako ang magahukom sa iya. Nag-abot ako indi sa paghukom sang kalibutan, kundi sa pagluwas sini.

Dayon nagkuha si Maria sing pahumot nga malahalon nga nahimo halin sa puraw nga nardo nga ang kadamuon mga tunga sa litro. Ginbuboan niya sini ang mga tiil ni Jesus kag ginpahiran sang iya buhok. Ang kahamot sang agwa nagtugob sa bug-os nga balay.

Gani nagkuha sila sang mga paklang sang palma kag naggwa sa pagsugata sa iya nga nagasinggit, “Dayawon ang Dios! Pakamaayuhon sang Dios ang nagaabot sa ngalan sang Ginoo! Pakamaayuhon sang Dios ang Hari sang Israel!”

Si Jesus nagsabat sa ila, “Karon nag-abot na ang tion nga ipakita sang Dios kon daw ano ka makatilingala ang Anak sang Tawo.