Populāri Bībeles panti no Juan 13

Dalīties

Ginahatag ko sa inyo ang isa ka bag-o nga sugo: maghigugmaanay kamo. Subong nga ako nagahigugma sa inyo, sa amo man nga bagay dapat kamo maghigugmaanay. Kon nagahigugmaanay kamo, dayon ang tanan nga mga tawo makahibalo nga mga gintuton-an ko kamo.”

Ako amo ang inyo Ginoo kag Manunodlo, kag bag-o lang ako maghugas sang inyo mga tiil. Gani kamo man dapat maghinugasay sang inyo mga tiil. Ginhatagan ko kamo sing sulondan, agod nga inyo man himuon ang ginhimo ko sa inyo.

Si Jesus nagsabat sa iya, “Indi pa ikaw makahangop subong sang ginahimo ko, pero mahangpan mo ini sa ulihi.”

Nagasiling ako sa inyo sang matuod: wala sing ulipon nga labaw pa sang sa iya agalon, kag wala sing ginsugo nga labaw pa sang sa nagsugo sa iya.

Karon nga nahibaluan na ninyo ini nga kamatuoran, malipayon kamo kon inyo ini buhaton!

Gani sang nagakaon sila nagtindog si Jesus, nag-uba sang iya kunop, nagkuha sang tualya kag ginwagkos ini sa iya hawak. Dayon nagbubo sia sang tubig sa labador, kag nagsugod sa paghugas sang mga tiil sang mga gintuton-an kag ginpahiran sang tualya nga iya ginwagkos.