Matthew 1
1
1Neħ ne gaˑya'dösˑhäħ ne wat'hyu'oˑwih ne daˑga''waˑji'yäˑdaˑdyĭëħ' neħˑhuh' ho'na̱ˑgääˑdöh ne Jeˑsus Christ, ne ho'a wak ne Daˑvid, neeħ ho'a wak ne Aˑbraˑham.
2Aˑbraˑham hoˑdeħ'dösˑöh ne Iˑsaac; Iˑsaac hoˑdeħ'dösˑöh ne Jaˑcob; Jaˑcob hoˑdeħ'dösˑöh ne Juˑdas, kuh neh dä̱'nönˑdä̱'nönˑdeeħ.
3Juˑdas hoˑdeħ'dösˑöh ne Phaˑrez, kuh ne Zaˑra, nöˑwa̱n'diˑaˑwak ne Thaˑmar; Phaˑrez hoˑdeħ'dösˑöh ne Esˑrom; Esˑrom hoˑdeħ'dösˑöh ne Aˑram;
4Aˑram hoˑdeħ'dösˑöh ne Aˑminˑaˑdab; Aˑminˑaˑdab hoˑdeħ'dösˑöh ne Naasˑson; Naasˑson hoˑdeħ'dösˑöh ne Salˑmon;
5Salˑmon hoˑdeħ'dösˑöh ne Boˑoz, neh Raˑchab höˑwa̱'wa̱k; Boˑoz hoˑdeħ'dösˑöh ne Oˑbed, neħ ne Ruth höˑwa̱n'deħˑdöħ; Oˑbed hoˑdeħ'dösˑöh ne Jesˑse.
6Jesˑse hoˑdeħ'dösˑöh ne Daˑvid, ne go'wähˑgoˑwaah; Daˑvid, ne go'wähˑgoˑwaah hoˑdeħ'dösˑöh ne Solˑoˑmon, neħ nöˑwa̱'wa̱k ne Uˑriˑas yaeħˑtyòħ'gä̱'a̱a̱ħ.
7Solˑoˑmon hoˑdeħ'dösˑöh ne Roˑboˑam; Roˑboˑam hoˑdeħ'dösˑöh ne Aˑbiˑa; Aˑbiˑa hoˑdeħ'dösˑöh ne Aˑsa.
8Aˑsa hoˑdeħ'dösˑöh ne Joˑsaˑphat; Joˑsaˑphat hoˑdeħ'dösˑöh ne Joˑram; Joˑram hoˑdeħ'dösˑöh ne Oˑziˑas;
9Oˑziˑas hoˑdeħ'dösˑöh ne Joˑaˑtham; Joˑaˑtham hoˑdeħ'dösˑöh ne Aˑchaz; Aˑchaz hoˑdeħ'dösˑöh ne Ezˑeˑchiˑas;
10Ezˑeˑchiˑas hoˑdeħ'dösˑöh ne Maˑnasˑses; Maˑnasˑses hoˑdeħ'dösˑöh ne Aˑmon; Aˑmon hoˑdeħ'dösˑöh ne Joˑsiˑas.
11Joˑsiˑas hoˑdeħ'dösˑöh ne Jechˑoˑniˑas, kuh ne dä̱'nönˑdä̱'nönˑdeeħ, neħ hóˑöˑweh chiˑga'aˑwiħs neh sha'öˑwa̱nˑdi'aaħ ne Babˑyˑlon.
12Neħ noˑnä̱h' neħˑhuh' chiˑö'wa̱nˑdi'yaħˑtheeh ne Babˑyˑlon, Jechˑoˑniˑas waˑóˑdeħˑdööħ ne Salˑaˑthiˑel; Salˑaˑthiˑel hoˑdeħ'dösˑöh ne Zoˑroˑbaˑbel;
13Zoˑroˑbaˑbel hoˑdeħ'dösˑöh ne Aˑbiˑud; Aˑbiˑud hoˑdeħ'dösˑöh ne Eˑliˑaˑkim; Eˑliˑaˑkim hoˑdeħ'dösˑöh ne Aˑzor;
14Aˑzor hoˑdeħ'dösˑöh ne Saˑdoc; Saˑdoc hoˑdeħ'dösˑöh ne Aˑchim; Aˑchim hoˑdeħ'dösˑöh ne Eˑliˑud;
15Eˑliˑud hoˑdeħ'dösˑöh ne Eˑleˑaˑzar; Eˑleˑaˑzar hoˑdeħ'dösˑöh ne Matˑthan; Matˑthan hoˑdeħ'dösˑöh ne Jaˑcob.
16Jaˑcob hoˑdeħ'dösˑöh ne Joˑseph ne' yòħ ne Maˑry, neħ' hoˑwa̱'deħˑdöħ ne Jeˑsus, neħ Christ höˑwa̱'yasˑdöh.
17Da neħ' ne gaˑgwe'göh he'niˑyo''waˑji'yäˑnet, dyiuhˑsaaħ' ne Aˑbraˑham kuh he'niˑyo'oˑweħ'' ne Daˑvid, wʋsˑhä̱' geˑih' sga'eħ niˑyo''waˑji'yäˑneet; neħˑhuh', deˑdyiuh'saaħ ne Daˑvid, kuh he'niˑyò'oˑweħ'' ne Babˑyˑlon gëh sha'öˑwanˑdi'aaħ, wʋsˑhä̱' ge'ih sga'eħ niˑyo''waˑji'yäˑneet; neħˑhuh', kuh, deˑdyiuh'saaħ neh shaˑö'wanˑdi''aaħ ne Babˑyˑlon, kuh heˑniˑyo'oˑweħ'' ne Christ, wʋsˑhä̱' geˑih'' sgaˑeħ niˑyo''waˑji'yäˑneet.
18Da neħ, dih, neh shaˑä̱'na̱ˑgääd' ne Jeˑsus Christ, nä̱ dah' niˑya'wä̱ħˑöh; Neħ no'noħ''ä̱h Maˑry chiˑo'nonˑdi''wihˑsaħ'öh nä̱'oˑdiˑnyaak' ne Joˑseph, ahˑsöh', sho, daħˑde'oˑnön'diħˑheħˑöh, onˑda'deˑgaħ'ä̱ˑyös'öh heh deħˑja'goˑyaħ'dosˑgaħ'ah, neħ neħˑhuh' niˑyuˑye'ä̱h Notˑwais'häˑdoˑgä̱h'diħ.
19Neħ, dih, ne Joˑseph, ne' yòħ, heh tgai'waˑye'iħ niˑö'gweħˑdoħˑdä̱ä̱h, heh tä̱ħ'ä̱h de'óˑgaˑyä̱s' na'shaˑguh'sä̱ˑna̱'etˑgä̱nt nöˑgwe'neh, haˑweħ'öh, oˑdah'sehˑdöħ'gëh ä̱ˑske'yatˑgaħ, ä̱ntˑkhe''yaˑdös'yöħ heh ä̱ˑskhe'yatˑgaħ.
20Neħ, dih, nah'söh deˑa'yaħˑdo'wehˑda'nöh nä̱ˑgä̱, nä̱' na̱ħˑa̱'wä̱h, hoˑö'yaħˑge'oˑnöħ Naˑyaħ'daˑgwënˑni'yuħ ot'ha'daħt' he'aˑgaħt, oˑe'sä̱hˑdaˑgö, haˑwä̱'a̱hˑseeh, haˑwä̱, Joˑseph, iis, ne' ya'aˑwak' ne Daˑvid, sä̱ˑnöh ä̱hˑsah'dyöħk na'sheˑguħ ne Maˑry ne deˑsnii, neħ sä̱ħ'ä̱h, heˑniˑya'goˑdyaħ'daˑdye'ä̱h heh deħˑja'goˑyaħ'dusˑgaħ'ah neeħ neħˑhuh' dyaˑweh'dahˑgöh Notˑwais'häˑdoˑgä̱h'diħ.
21Neħ na'jiˑnöh nä̱'yön'deħˑdööħ, Jeˑsus, [chaˑgo'yaħˑdaˑgwʋs,] äˑeh'syasˑdʋk; neħ, sä̱ħˑä̱ħ, ha̱'öˑhwa̱ħ' ä̱ˑcha'goˑyaħ'daˑgwaˑöħ na̱ˑö'gweħˑdaħ he'ga'yä̱ħ noˑdi'wa'neħˑak'shäħˑshöħ'.
22Gaˑgwe'göh nä̱ˑgä̱' neħˑhuh' niˑya'wä̱ħ'öh, neh noħˑgai'waˑye'ih neħ thosˑnyĭëħ'öh Na'wënˑni'yuħ, neħ ho'gwa hoˑwä̱'nitˑgä̱h'dahˑgöh haˑyaħ'daˑdek, noˑdo'gä̱sˑda'niˑak, haˑwä̱,
23Nä̱' dah neh'huh nä̱'ya'wä̱h', neħ ne yaˑgö''gweħˑda'seeħ' ah'söh goˑyaħ''daˑwa'döħ', ä̱ˑyeˑne'öħˑheħt; neħ, kuh, ä̱'öˑwa̱nˑdeħ'dööħ' na'jiˑnöh; neħ kuh, ä̱'öˑwa̱ˑyas'thaak, Emˑmanˑuˑel; neħ' gä̱nˑdöh', ne deˑga''wä̱ˑna̱n'deˑnyööħ', Deˑdwa'di' Na'wënˑni'yuħ.
24Oˑnä̱h', naeh, ne Joˑseph sha'atˑgä̱h hoˑdaħ'öˑnöħ, neħˑhuh' na'oˑyä̱ˑna̱'wä̱h nö'öˑyaħˑge'oˑna̱ħ Naˑyaħ'daˑgwënˑni'yuħ naˑoħ'niˑgo'oħˑdä̱s; neħ neh doˑgä̱s', shö, wa'oˑdiˑnyaak' ne' yòħ,
25Neħ, kuh, ne tä̱ħ'ä̱h deħˑsha'goˑyä̱n'deħˑöh he'niˑyo'oˑweħ' sha''öˑwanˑdeeħ'dööħ' ne dyaˑgo'deħˑdöh'göh; neħ ne Jeˑsus hö'wa̱ˑyaˑsöh'.
Šiuo metu pasirinkta:
Matthew 1: SEE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gospels published by the American Bible Society in 1872, Psalms in 1892.