Matthew 2
2
1Neħ noˑnä̱h' ne Jeˑsus shaˑä̱'na̱ˑgääd' ne Bethˑleˑhem tgaˑnön'daˑyä̱ħ, heh tgaˑnök'daˑyä̱ħ ne Juˑdeˑa, neħ dwä̱ˑnĭs'häˑdeˑnyök chiˑgo'wähˑgoˑwaah ne Herˑod, nä̱' na̱ħˑa̱'wä̱h, tgääh'gwitˑgä̱ħs'gwa daˑä̱'nehˑdʋk nö'gweh, naaħ'deˑyöö' hoˑdiħ'niˑgö'ä̱ˑyä̱nˑdaħs, Maˑgi haˑdi'yaˑsöh, neħˑhuh' hoˑdi'yösˑöh ne Jeˑruˑsaˑlem.
2Hoˑnä̱, Gaˑä̱h' ne gä̱ħ no'na̱ˑgäˑdöh' ne go'wähˑgoˑwaah' ne Jews no'nöˑä̱n'joħˑdä̱ħ'? neħ, sä̱ħ'ä̱h, ne ho'öˑweh tgääh'gwitˑgä̱ħs'gwa waħˑa'gwaˑgä̱ħ' no'jih'söħˑdaħ; neħ, kuh, neˑgä̱ħ waħˑa'gwaˑyöħ'dʋk nä̱'shaˑgwa'dä̱ˑna̱ˑyä̱'ös.
3Neħ, dih, noˑnä̱h' ne Herˑod, ne go'wähˑgoˑwaah sha'iˑwa̱'ökˑhööħ nä̱ˑgä̱, weˑsuħ' oħtˑhoħ'niˑgöhˑhä̱ä̱h'gwä̱ħ; haeħˑgwah', kuh, gaˑgwe'göh nö'gweh he'gaˑnön'daˑyä̱ħ ne Jeˑruˑsaˑlem.
4Neħ, dih, noˑnä̱h' shaˑa'göˑyaħ'de'oˑek gaˑgwe'göh na'diˑgoˑwaˑnä̱s haˑdi'yaħ'döntˑhwʋs, kuh ne shaˑgo'diˑyaˑdöˑnih ne gänˑdyuh'gwaħˑgëh, haˑgö'ya'önˑdöħ ga'ä̱nˑdiħˑgwa'öˑweh na'ä̱ˑna̱ˑgääd' ne Christ?
5Neħ nö'wä̱'a̱hˑseeh, Neħ neh Bethˑleˑhem' tgaˑnön'daˑyä̱ħ, he'yö'ä̱n'jaˑdeħ ne Juˑdeˑa; nä̱nˑdah', sä̱ħ'ä̱h, ni'gaˑye'ä̱hˑho'yaˑdöħ' noˑdo'gä̱sˑda'niˑak;
6Neħ, kuh, niis, ne Bethˑleˑhem, he'öˑweh dyöˑä̱n'jaˑdeħ ne Juˑda, tä̱ħˑä̱h, naeh, deħˑsʋs'thöh he'niˑyööh' ne gaˑnök'daˑyä̱nˑdöħ' ne Juˑda; neħ, sä̱ħ'ä̱h, niis gëh ä̱ntˑha'yaˑgä̱ħt ne Thä̱ˑnöh'döˑa̱ħ, neħ ä̱ntˑha'göˑyä̱n'nöhˑdö'niˑak naˑgö'gweħˑdaħ Isˑraˑel.
7Da oˑnä̱h' ne Herˑod oˑdah'sehˑdöħ'gëh heˑa''göˑnö'göh' nä̱' nö'gweh ne Maˑgi, haˑgö'iˑwa'dahˑgwah''seeh' heˑniˑyo'waħˑgëh shaħ'oˑyä̱nˑdeet'heħt noˑjih'söħˑdaħ.
8Haˑgö'ha̱ħˑöh neħˑhuh' ha'ä̱ˑnöh'get ne Bethˑleˑhem, haˑgö'yä̱ˑa̱h'seeh, ha'wä̱', Swah'dä̱nˑdih', swai'wihˑsaak noˑdo'gä̱ħˑööħ' he'aˑyaħ'daˑdeħ naakˑsaħ'aah; neħ, kuh, noˑnä̱h' ä̱sˑhes'waˑgä̱ħ, dä̱ntˑsgwa'oˑnya'neħ', kuh; neħ nä̱ħ iiħ ne neħ huh' ha'geeħ'; a'eˑya'dä̱'na̱ˑyä̱''a̱s nä̱ħ' iiħ.
9Neħ noˑnä̱h' hoˑna̱'öˑgä̱h he'na̱'yeä̱'nööħ neˑgo'wähˑgoˑwaah, hoˑnöh'dä̱nˑdyööh; da, nä̱' na̱ħˑa̱'wä̱h, neeħ' shaħˑga'jihˑsöħ'daat thoˑdi'gä̱ˑna̱ħ tgääħ'gwitˑgä̱ħs'gwa, o'ä̱nˑdö'gwa heˑya'weˑnööh he'wa'oˑneˑnö'a̱nˑdyiëħ; neħˑhuh' heˑyu'ä̱ħˑheħ'öh heħtˑgä̱'gwa oˑdo'gä̱hˑdöh he'ä̱ħˑdyöħ na'akˑsaħ'aah.
10Neħ, dih, noˑnä̱h' sha'aˑdiˑgä̱ħ' noˑjih''söħˑdaħ, neħ naaħ'deˑyòˑdoħk' weˑsuħ' wa'ä̱ˑna̱nˑdöh'ha̱'ä̱ħ.
11Neħ, kuh, noˑnä̱h' neħˑhuh' he'oˑdiˑyööh heh tgaˑnöh'sòt, hö'wa̱ˑgä̱' naakˑsaħ'aah, neħ, kuh, ne Maˑry, no'noħ'ä̱h; neħ, noˑdi'yaħ'dye'nä̱ħˑöh, höˑwa̱n'dä̱ˑna̱'yä̱ˑnii; neħ, kuh, no'na̱'weħˑsä'gwä̱h' he'öˑweh iˑwaat noˑna̱s'hä̱ˑnö'nyʋsˑhäħ; höˑwa̱'geˑöˑnii, höˑwa̱'wiiˑöħ, jitˑgwääħ'ä̱ä̱ħ na̱ħˑo'wĭsˑdoħ'dä̱ħ; neħ, kuh, noˑso'waħˑdaħ gaˑsä̱'nöˑgaħ'öhˑshöħ'öh, frankˑinˑcense, kuh ne myrrh gaˑya'söh.
12Da neħ', dih, Na'wënˑni'yuħ haˑgö'oˑwiih noˑe''sä̱hˑdaˑgö'gwa, neħ na'gä̱ˑa̱k neħ ho'gwa theħ'shoˑne'nööħ heh thä̱ħˑdyöħ' ne Herˑod; neħˑhuh' hesˑho'neˑnööh thoˑnö'ä̱nˑjaˑdeħ', o'yaħˑji'gwa hesˑho'nehˑdah'göh.
13Neħ noˑnä̱h' chiˑshö'nöhˑdä̱nˑdyööh', nä̱' na̱ħˑa̱'wä̱h, oˑnä̱h' no'öˑyaħˑge'oˑnöħs'häħ Na'wënˑni'yuħ o'yä̱nˑdeet' hoˑda'döˑni haˑyaħ'daˑdeħ' ne Joˑseph, oˑe'sä̱hˑdaˑgö'gwa; haˑwä̱'a̱hˑseeh, Dĭsˑdaħt, deˑe'jaħˑdak naakˑsaħ'aah, kuh no'noħ'ä̱h; swaˑdeħ'guh, Eˑgypt dyöˑä̱n'jaˑdeħ hä̱ˑswa'deħˑgwʋs'hä̱ä̱ħ; neħˑhuh' shö hä̱hˑsiħ'dyönˑdaħk heˑniˑyò'oˑweħ' hä̱sˑgö'oˑwiħ; neħ, sä̱ħ'ä̱h, ne Herˑod ä̱ˑo'yaħˑdih'saak naakˑsaħ'aah, neh aˑi'wahˑdöħt hö'heħ.
14Da neħ, dih, noˑnä̱h' detˑho'daħˑöh, heˑa'göˑa̱a̱h naakˑsaħ'aah, kuh no'noħ'ä̱h, neh sö'eh; neħˑhuh' heˑa'weˑnööh ne Eˑgypt dyöˑä̱n'jaˑdeħ.
15Neħˑhuh' shö heˑä̱h'dyöħ, he'niˑyò'oˑweħ' heˑa'weˑeˑyööh' ne Herˑod; neħ neħˑhuh' niˑya'wä̱ħˑöh, oˑi'waˑye'iħˑöh na'wä̱ˑna̱ħ Na'wënˑni'yuħ ne ho'gwa hoˑwä̱'nĭtˑgä̱h'dahˑgöh haˑyaħ'daˑdeħ noˑdo'gä̱sˑda'niˑak, ha'wä̱', Eˑgypt gëh hësˑhe'nöˑgöh ne'aˑwak.
16Da neħ', dih, ne Herˑod, noˑnä̱h' shaˑä̱'niˑna̱nˑdok, neħ'gwah nöˑwa̱nˑdä̱nˑdo'nyaħˑdöh nä̱' nö'gweh ne Maˑgi, neħ naaħ'deˑyòˑdoħk' oħˑtha'deˑnyä̱ħ'doħk; waˑa'dä̱hˑha̱ħt, kuh, wa̱'öˑwä̱ˑna̱ħ'wä̱ntˑhuħ gaˑgwe'göh naˑdĭk'saħˑshöħ'öh, he'niˑyöh' Beth'leˑhem' thaˑdi'na̱ˑgeħ; gaˑgwe'göh, kuh, ne wak'daˑdyĭëħ haˑdi'na̱ˑgääˑdyĭëħ; neħˑhuh' dyuhˑsaaħ' ne dekˑni' hësˑho'diˑäˑhwä̱h, gaˑoħ, kuh, dyuˑgön'dahˑgöh, he'niˑyò'oˑweħ' chiˑwa'eh sha'iˑwʋs'hä̱ˑwiħ neħ haˑgö'iˑwa'dahˑgwah'seeh nä̱' nö'gweh ne Maˑgi haˑdi'yaˑsöh.
17Oˑnä̱h' oˑi'waˑyeiħ'öh no'osˑnyĭëħ'öh noˑdo'gä̱sˑda'niˑak' Jeˑreˑmiˑah, he'aˑwä̱,
18Neħ ho'öˑweh ne Raˑma höˑwa̱n'diˑwä̱'na̱ˑöˑgä̱h, deˑä̱'nöhˑsä̱ntˑhwʋs'; neħ, kuh, nä̱'nös'dä̱'öˑnyöħ; weˑsuħ', kuh, hä̱ˑnön'dä̱ˑna̱ħs; Raˑchel deˑö'wä̱ˑnös'dä̱ˑnih neˑgukˑsaħ'daħˑshöħ'gä̱ˑa̱a̱ħ; tä̱ħ'ä̱h, kuh, deħˑa'öh a'yaˑgoˑgaˑyä̱h da'yönˑdah'niˑgön'döˑnyööħ, neħ gai'öˑnih heh deħˑshä̱'nöˑheħ.
19Da neħ, dih, noˑnä̱h' chiˑa'weˑeˑyöh' ne Heˑrod, nä̱' na̱ħˑa̱'wä̱h, no'ö'yaħˑge'oˑnöħs'häħ Na'wënˑni'yuħ oˑe'sahˑdaˑgö waˑo'yahˑda'doˑgaħ'theħt haˑyaħ'daˑdeħ' ne Joˑseph, Eˑgypt höˑweh, haˑwä̱'a̱hˑseeh,
20Dĭsˑdaħt, deˑe'jaħˑdʋk naakˑsaħ'aah kuh no'noħ'ä̱h, neħˑhuh' höˑsa'seeh' heˑthoˑnö'ä̱nˑjaˑdeħ ne Isˑraˑel; oˑnä̱h', naeh, deħˑshä̱'nöˑheħ nä̱ˑnih'saasˑgwaħ na̱'öˑwa̱ˑnyuħ naakˑsaħ'aah.
21Oˑnä̱h' detˑho'daħˑöh, detˑho'aah naak'saħ'aah, kuh no'noħ'ä̱h, neħˑhuh' na̱ħˑdët''hoˑne'nööh' ho'nö'ä̱nˑjaˑdeħ ne Isˑraˑel.
22Neħ, gwa', noˑnä̱h shaˑi'wa'ök neħ'gwah neh Arˑcheˑlaˑus dëtˑhä̱'nöhˑdö'a̱ħ ne Juˑdeˑa, neħ shoˑdyaħ'dönˑdah'göh noħ'ni'gä̱ˑa̱a̱ħ' Herˑod, oˑnä̱h' hohˑdyu̱ħ'öh ne' neħˑhuh' hö'saˑeħ'; neħ, dih, heh Na'wënˑni'yuħ waˑoh''dyaˑwä̱'ä̱nˑdä̱ħ' noˑe'sä̱hˑdaˑgö, oˑnä̱h shotˑga'ä̱ˑgwä̱h, neħˑhuh' heˑa'weˑnööh Galˑiˑlee dyöˑä̱n'jaˑdeħ.
23Neħˑhuh', dih, he'oˑyööh', heˑo'na̱ˑgääˑdöh' hetˑgaˑnön'daˑyä̱ħ ne Naˑzaˑreth gaˑya'söh; neħ noˑi'waˑyeiħ'öh he'niˑoˑdi'wä̱ˑna̱'wä̱ħ''öh noˑdi'doˑgä̱s'daˑnö'niˑak, Neħ Naˑzaˑrene ä̱''öˑwaˑyaas'thaak.
Šiuo metu pasirinkta:
Matthew 2: SEE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gospels published by the American Bible Society in 1872, Psalms in 1892.