Oˑi'waħ (Psalms) 29
29
OˑI'WAĦ DE WUS'HĂ̱ DYIUHˑDO̱H' SGAEĦ. (PSALM XXIX.)
1Sasˑheˑjöh Naˑyahˑdaˑgwënˑni'yuħ, O iis neh swah sä̱ˑnoˑwaˑnä̱s, sasˑheˑjöh Naˑyahˑda gwënˑni'yuħ heh nohˑdeˑaä̱ħ sä̱ˑöħ kuh heh niaħˑhasˑdeˑsyohˑdä̱.
2Sasˑheˑjöh Naˑyahˑdaˑgwënˑni'yuħ heh nöhˑdeˑaˑä̱ħˑsä̱ˑöħ heˑniˑyöˑwä̱h noˑsä̱ˑnöh; heˑjiˑwaˑyä̱ˑniˑak Naˑyahˑdaˑgwënˑni'yuħ saˑdyea̱ħ dahˑgöˑök heˑniˑyoˑyä̱sˑdöħ no syöˑnyaˑsa̱ˑdoˑgä̱hˑdiħ.
3Neh naˑwä̱ˑnöh Naˑyahˑdaˑgwënˑni'yuħ nehˑhuh gaˑeh noˑneh gaˑgesˑhöħ; neh Naˑwënˑni'yuħ daˑsä̱öˑgöh gaˑwä̱ˑnoˑdahs; neh Na yahˑdaˑgwënˑni'yuħ heaˑyahˑdaˑdeh gaˑgweˑgö heˑni weˑsuħ' noˑneˑgaˑnos.
4Neh naˑwä̱ˑnöh Naˑyahˑdaˑgwënˑni'yuħ gahˑhasˑdeˑshoˑwaˑnä̱ħ; noh naˑwä̱ˑnöh Naˑyaˑdaˑgwënˑni'yuħˑgaˑnoˑhoħˑnehˑgahˑhas deħsˑha̱.
5Neh naˑwä̱ˑnöh Naˑyahˑdaˑgwënˑni'yuħ deˑgaˑyahs nosˑwahˑdaħ; doˑgä̱s, neh Naˑyahˑdaˑgwënˑni'yuħ deˑaˑyahs nosˑwahˑdaħ neh tgaˑnöˑgeħ ne Lebˑaˑnon.
6Neh kuh nehˑhuh neaˑyehˑhaħ nä̱ˑwa̱ dwahˑtgat heˑniˑgaˑye hah notˑwaisˑhä̱ neh dyusˑgwaˑönt; neħ kuh ne Lebˑaˑnon kuh Sirion heh niˑgaˑyeˑhahˑnotˑwaisˑhä̱ˑneh dyusˑgwaˑönt otˑwaisˑhä̱ neh gaˑnyooħ.
7Neh naˑwä̱ˑnöh Naˑyahˑdaˑgwënˑni'yuh deˑgaˑkahˑsös neh deˑwä̱ˑniˑwaħs.
8Neh naˑwä̱ˑnöh Naˑyahˑdaˑgwënˑni'yuħ höˑdaaħˑtħä̱ħ heöˑweh dehˑeˑnöˑgeˑnyoh; neh Naˑyahˑdaˑgwënˑni'yuħˑhöˑdaaħˑtħä̱ħ heh deħˑe nöˑgeˑnyöħ ne Kaˑdesh.
9Neh naˑwä̱ˑnöh Naˑyahˑdaˑgwënˑni'yuħ niˑgaˑyeˑhah oˑnä̱ħˑä̱ˑwä̱ˑnöˑgätˑnä̱ˑwa̱ˑdehˑdooħ neh dyusˑgwaˑönt yoˑdahˑsos kuh hehˑgahˑha daˑyä̱ħ; kuh heöˑweh niˑoˑnöhˑsòt gaˑgwe goh haˑdiħˑsnyet heh nohˑdeˑaä̱ˑsä̱öħ.
10Neh Naˑyahˑdaˑgwënˑni'yuħ nehˑhuh hä̱hˑdyöħ noˑnoˑdösˑhä̱hˑgeh; doˑgä̱s', neh Naˑyahˑdaˑgwënˑni'yuħ hä̱ħˑdyöh goˑwäħˑgoˑwa dyotˑgont;
11Neh Naˑyahˑdaˑgwënˑni'yuh ä̱öˑgoħˑhosˑdes shöˑniħˑnaˑohˑgweħˑdahˑshoħ; neh Naˑyahˑdaˑgwënˑni'yuħ ä̱öˑgoˑyaˑdahˑswiˑyosˑdä̱ naˑoh gweħˑdoħˑsħoħ ä̱ˑa̱ˑyeähˑdʋk neh sgaˑnoˑtiˑgai wiˑyuħ'.
Šiuo metu pasirinkta:
Oˑi'waħ (Psalms) 29: SEE
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gospels published by the American Bible Society in 1872, Psalms in 1892.