Matu 17
17
Yezu teere
(Maki 9.2-13; Luki 9.28-36)
1 #
2 Pit 1.17-18
Dabeha ayoobe n tole, Ti Yezu doohe la Pita, Yemesi la a suuɔ Yɔn zom zoore zuin zuin ha ba ma'a. 2Ti Yezu iŋa ta tee ba nɛŋan, ti a nɛŋa nyakera wuu wuntɛɛŋa la, ti a lɔgerɔ pelege kirikiri. 3Ba yeti ba bihɛ ti Moose la Eliya n bala niiɛ na zɛ'a la ba, tɔgera la Yezu. 4Ti Pita yele Yezu yeti, “N daana, ka'lam bɔŋa ani suŋa. Fum han bɔta, mam wan ti' suga atã ka'lam, fum deyima, Moose deyima, Eliya me deyima.” 5#Pi'il 22.2; Tii 18.15; Yoo 2.7; Aza 42.1; Mat 3.17; 12.18; Mak 1.11; Luk 3.22 En boi bini tɔgera la, ti sagbanɛ en nyagere n bala wa'am na pi' ba. Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, se'em ti mam nɔŋɛ paaɛ paaɛ. Mam nini n tigɛ la se'em n bala, kɛleha ya en.” 6A zahereba la en wum ŋwana la, ba lu la tiŋa ti dabeem sãɛ ba. 7Ti Yezu wa'am na kalum ba gee yeti, “Ihege ya, de tara ya dabeem.” 8Ban gorege bihɛ la, ba ka nyɛ nɛra nɛra gee Yezu a ma'a.
9Ban ze'ele zoore la zuo sigera na la, ti Yezu kagɛ ba yeti, “Da yele ya nɛra nɛra lilegere wa, ta paaɛ hansɛka ti Asaala Dayua la ta ihege a kum la puan.” 10Ti a zahereba la soke en yeti, “Ŋwani ti gɔnmi'ineba la yeti, Eliya n wan wa'am yia na?” 11Ti a lerege ba yeti, “Eliya sirum kini na, a wan bahɛ ti sɛla wuu lebe ze'ele suŋa. 12#Mat 11.14 Gee mam yeti ya yeti, Eliya pugum wa'am me na, gee ba ka baŋɛ en, gee iŋɛ en ban boti se'em. Bala mɛa ti Asaala Dayua la me yeti a nyɛ namehegɔ ba nu'uhen.” 13Ŋwana ti a zahereba la bɔkɛ ti a tɔgeri la Yɔn Ko'sɔɔra la yele.
Yezu tibɛ budibela
(Maki 9.14-29; Luki 9.37-43a)
14Ban paaɛ nɛrekuuŋɔ la zi'an la, buraa en paaɛ a zi'an na, kpa' duma a nɛŋan, 15gee yeti, “N Daana, zɔ n dayua wa nimbu'ɔ, se'ere en sɔi la, a luti la kilenki'ire. A nameheri mɛ paaɛ paaɛ. A ni ta'am ta lu bugum puan mɛ, bii a lu ko'om puan. 16Ti mam tari en wa'am fum zahereba la zi'an na, gee ba ka nyaŋɛ tibɛ en.” 17Ti Yezu lerege yeti, “Yamam akatare sakerɛ, la ŋmɛlema buuri wa, mam yeti n bɔna la ya yuue la ŋwani? Mam yeti n ŋmibe la ya ta paaɛ la ŋwani? Tari ya en wa'am ka'lam na bo' mam.” 18Ti Yezu tahɛ kulekpa'bɛ'a la, ti ka yehe a puan, ti bia la nyɛ ka tibegɔ bilam bilam. 19#Mat 10.1Pooren ti a zahereba la wa'am a zi'an na ba ma'a, soke en yeti, “Ŋwani ti tumam ka ta'am sa'ɛ kulekpa'bɛ'a la ti ka yehe?” 20#Mat 21.21; Mak 11.23; 1 Kor 13.2 Ti a yele ba yeti, “Ya sakerɛ la en pɔ'ɛ la en sɔi. Yelemɛŋerɛ ti en yɛta ya wa, ti ya han tara sakerɛ ti de zuna la nangembiileho, ya wan yele zoore yeti, ‘Vuuɛ ka'lam,’ ti de sirum vuuɛ, ti sɛla ka bɔna wan kpe'em bo' ya.” 21[Gee kulekpa'bɛ'a kana taaba kan yehe, han dagena pu'uhegɔ la nɔlurɛ ma'a.]#17.21 Diimen diimen gulehɛgɔ la tuseto tari ka'lam.
22Yezu la a zahereba la en ta lagehɛ Galilii la, ti Yezu yele ba yeti, “Ba wan koohe Asaala Dayua wa bo' iŋɛ saaleba nu'uhen, 23ti ba ku' en, gee dabeha atã daarɛ a wan vo'e.” Ti a zahereba la suya sagum paaɛ paaɛ.
Pu'uhegɔ yire Kuba yɛla
24 #
Yɛh 30.13; 38.26 Paaɛ Kapɛnum la, ti sɛba en to'ohe pu'uhegɔ yire kuba la wa'am Pita zi'an na yeti, “Yamam pa'ala la ka lagum yɔɔra pu'uhegɔ yire kuba la bii?” 25Ti Pita yeti, “Ɛ̃ɛ, a yɔɔri.” Ti ban ta kule yire na la, Yezu tɔgɛ la yele deni yia, soke yeti, “Fum ti'ihɛ la dinɛ Simɔn? Tiŋa wa zuo na'duma to'ohe kuba la bani zi'an? Ba mɛhi kɔma bii saama?” 26Ti Pita yele en yeti, “Saama zi'an” ti Yezu yeti, “La han dɛna bala, ba kɔma la yi boi la fai. 27Gee tumam en ka boti tu zeem ba la zuo, kiŋɛ mɔgeren ta lobe zim baŋa, zim sebo ti fum nyɔkɛ yia la, fum han ya'ɛ bu nuurɛ, fum wan nyɛ lagekɔberɛ. Dikɛ bumɔ ta bo' ba, ti la dɛna fum la mam en bala.”
Šiuo metu pasirinkta:
Matu 17: GBTP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gurenɛ New Testament © The Bible Society of Ghana, 2020.