Matu 16
16
Daalehum eere
(Maki 8.11-13; Luki 12.54-56)
1 #
Mat 12.38; Luk 11.16 Farasii la Sadusiiduma la wa'am na ti ba makɛ la Yezu bihɛ. Nyaa yele en yeti, iŋɛ daalehum en ze'ele saazuo na. 2Ti Yezu lerege ba yeti, “Yinɛ han ma'ɛ, ya ni yeti, ‘Zina dela dabehesunɛ, se'ere en la sɔi la, sagbama la mu'ɛ mɛ.’ 3Ti bulika me, ya wan yeti, ‘Sabeeo wan lobe zina se'ere en sɔi la, sagbama la mu'ɛ mɛ gee bɔta saa.’ Ya mi' sagbama yɛla pa'ala, gee ya kan ta'am pa'alɛ saŋa woo daalehum en de se'em. 4#Mat 12.39; Luk 11.29 Be'em la tuunfi'iha buuri saŋa en eere daalehum. Gee daalehum ka boi en wan bo' ba han dagena Yona daalehum la ma'a.” Ti a bahɛ ba gee kiŋɛ.
Farasii la Sadusii dabelɛ
(Maki 8.14-21)
5Yezu zahereba la en yakɛ ateko la yakenɛ deyima ha la, ba tamɛ mɛ ka tara dia. 6#Luk 12.1 Ti Yezu yele ba yeti, “Tara ya mɛhi suŋa, gee la ya mina Farasii la Sadusiiduma dabelɛ la yele.” 7Ti ba yɛta taaba yeti, “Tumam en ka tari dia na la en sɔi ti a tɔgera bala.” 8Yezu en mi' ba puti'irɛ la, ti a yele ba yeti, yamam asakerɛ pɔ'ɛ ya duma wa, “Ŋwani ti ya tɔgera ya ka tari dia na yele? 9#Mat 14.17-21 Yamam kelum ka bɔkera? Yamam ka tɛri boroboro banuu la n daa diihe nɛreba tuha anuu la, la pitɔ se'em ti ya daa doohe va pirɛ la? 10#Mat 15.34-38 Bii boroboro bayopɔi ti n daa dikɛ diihe tuha anaahi la, la pitɔ se'em ti ya daa doohe va pirɛ la? 11Ŋwani ti ya koŋe ya bɔkɛ ti n ka tɔgeri dia yele? Mini ya Farasii la Sadusiiduma la dabelɛ la yele!” 12Bala ti ba nyaa bɔkɛ ti a ka yeti ba ba tara mɛhi suŋa, dabelɛ la yele, gee Farasii la Sadusiiduma la pa'alegɔ la.
Pita pa'alɛ Yezu en de se'em
(Maki 8.27-30; Luki 9.18-21)
13Yezu en paaɛ Kasariya Filipi tiŋa puan ba'ahɛ la, ti a nyaa soke a zahereba la yeti, “Nɛreba yeti mam Asaala Dayua wa dela ani?” 14#Mat 14.1-2; Mak 6.14-15; Luk 9.7-8 Ti ba yeti, “Sɛba yeti fum dela Yɔn Ko'sɔɔra la, ti sɛba me yeti fum dela Eliya, ti basɛba mɛ kelum yeti fum dela Yɛremiya bii nɔtɔgeheba la ayima.” 15Ti a yele ba yeti, “Gee yamam yeti mam dela ani?” 16#Yɔn 6.68-69 Ti Simɔn Pita lerege yeti, “Fum n de Kiresta la, Yinɛ vua la Dayua.” 17Ti Yezu lerege en yeti, “Sum boi mɛ la hɔ Simɔn, Yona dayua wa. Se'ere en sɔi la, dagi ingɔŋɔ la ziim n lilege dina wa bo' fum, gee mam Sɔ se'em en boi saazuo ha. 18N yeti fum, fum dela Pita, tankana wa zuo ti mam wan mɛ en pu'uhegɔ yire la, ti kum paŋa kan malum nyaŋɛ dɛ. 19#Mat 18.18; Yɔn 20.23N wan bo' fum saazuo sɔ'ɔlum la kparehi, sɛla woo ti fum bobe tiŋa wa zuo, saazuo ha me wan bobe. Sɛla wuu ti fum lorege bahɛ tiŋa wa zuo, saazuo ha me wan lorege bahɛ.” 20Ti a kagɛ a zahereba la paaɛ paaɛ ti ba da yele nɛra nɛra ti eŋa n da Kiresta la.
Yezu ti'ele yele a kum, la a vo'ore
(Maki 8.31—9.1; Luki 9.22-27)
21Sankaŋa puan yɛ'a ha, ti Yezu pɔhɛ yɛta a zahereba la yeti, la dela kiŋɛ Yerusalɛm ta namehɛ namehekãtɛ kiinduma la, malema kiinduma duma la gɔnmi'ineba la nu'uhen, gee ti ba ku' en. Gee dabeha atã daarɛ a wan vo'e a kum la puan. 22Ti Pita kɔkɛ Yezu lebe kinkɛleŋa ta ɔbera a tuba ti a da tɔgera bala. Yinɛ gu'. “Daana! Dina kan malum paaɛ ya.” 23Gee Yezu ŋmɛregɛ yele Pita yeti, “Fɔregɛ mam zi'an Sagena wa. Fum dela pirega pita mam, se'ere en sɔi la, fum puti'irɛ ka boi saazuo yɛla puan, gee asaala yɛla puan.”
Pumpuuredɔɔ la namehegɔ
24 #
Mat 10.38; Luk 14.27 Ti Yezu yele a zahereba la yeti, “Se'em woo en boti a dɔla mam, a daana zagehɛ a mɛŋa gee dikɛ a pumpuuredɔɔ zi dɔla mam. 25#Mat 10.39; Luk 17.33; Yɔn 12.25 Se'ere en sɔi la, se'em en boti a gu' a vom, wan bɔregɛ bɔ bahɛ. Ti se'em me en bɔregɛ a vom mam zuo, wan nyɛ bɔ. 26Beni nyuurɔ ti a wan nyɛ, a han nyɛ tiŋa wa lɔgerɔ za'a gee koŋe a nyɔvore? Bii a wan dikɛ la beni ta'am tee ba nyɔvore?
27 #
Mat 25.31; Yoo 62.12; Arom 2.6 “Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em. 28Yelemɛŋerɛ ti n yɛta ya wa, ti basɛba boi yan ze' wa puan kan lem kum, gee wan nyɛ Asaala Dayua la kinɛ a sɔ'ɔlum la puan na.”
Šiuo metu pasirinkta:
Matu 16: GBTP
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Gurenɛ New Testament © The Bible Society of Ghana, 2020.