Aˇ dahˬ 36
36
Iˇsawˇ-euˬ zaˬ deuˬ uˆ deuˬ
(1 Laˬsaˬbaˬ 1.34-37)
1Heu-aˬ, Eˬdoˬ lehˇ kuˇ-euˬ Iˇsawˇ-euˬ zaˬ deuˬ uˆ deuˬ meh. 2Iˇsawˇ-aˬ, Kaˬnaˬ miˇ kʼahˬ-ahˇ jawˇ-eu zaˬ miˬ zaˬ deuˬ-ahˇ sheuˬ-euˬ meh. Aˬ yawꞈ-euˬ miˬ zaˬ kʼoeˇ deuˬ-aˬ, Heˬtaˆ tsawˇ jeuˬ Eˇloˬ-euˬ aˬ buˇ Aˬdaˇ, Hiˇbiˇ tsawˇ jeuˬ Ziˇbyoˬ-euˬ aˬ li Aˇnahˬ-euˬ aˬ buˇ Oˬhoˬliˇbaˬmaˇ hawˇ-eu, 3Iˇshaˬmeˬlaˇ-euˬ aˬ buˇ Naˬbaˬyoˇ-euˬ dmˇ ma Baˬseˬmaˇ meh. 4Aˬdaˇ gʼaˬ o neh Eˇliˇpaˬ dehꞈ le-awˇ, Baˬseˬmaˇ gʼaˬ o neh Yoeˬlaˇ dehꞈ le-euˬ meh. 5Oˬhoˬliˇbaˬmaˇ gʼaˬ o neh dehꞈ le-euˬ deuˬ-aˬ, Yuˇshaˆ, Yaˬlmˬ, Kawˇlaˆ, aˬ ha smˬ mehˇ nmˇ meh. Iˇsawˇ-euˬ aˬ li heu deuˬ dawˬ tawˆ luꞈ, Kaˬnaˬ miˇ kʼahˬ laꞈ kʼoeˇ dehꞈ le-euˬ meh.
6Iˇsawˇ-aˬ, aˬ yawꞈ-euˬ miˬ sawˇ zaˬ dawˬ tawˆ luꞈ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ yawꞈ-euˬ jeˬ zaˬ dawˬ tawˆ luꞈ teh-awˇ, Kaˬnaˬ miˇ kʼahˬ-ahˇ jawˇ ngeh aˬ yawꞈ neh kʼaˇ mˇ kʼaˇ shaˇ za-euˬ pyuˇ shuiˇ myawˬ gahˬ dawˬ tawˆ luꞈ kʼawꞈ yuˇ-awˇ, Yaˬkoˆ jawˇ gaˇ neh gaˇ mahˇ kaˬ-eu miˇ kʼahˬ-ahˇ jawˇ-iˇ-eu lehˇ doˆ-iˇ-euˬ meh. 7Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh. 8Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.
9Heu-aˬ, Eˬdoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Iˇsawˇ-euˬ zaˬ deuˬ uˆ deuˬ meh. 10Iˇsawˇ-euˬ aˬ li deuˬ-euˬ tsawˇ myahˇ heu loꞈ-ehˇ meh. Iˇsawˇ-euˬ miˬ zaˬ Aˬdaˇ o neh jawˇ le-euˬ gʼaˬ-aˬ, Eˇliˇpaˬ pyeuꞈ-awˇ, Iˇsawˇ-euˬ miˬ zaˬ Baˬseˬmaˇ o neh jawˇ le-euˬ gʼaˬ-aˬ, Yoeˬlaˇ meh. 11Eˇliˇpaˬ-euˬ aˬ li deuˬ-aˬ, Teˬmaˬ, Awˇmaˬ, Zeˬpawˬ, Gaˬtmˬ, Gaˬnaˆ aˬ ha mehˇ nmˇ meh. 12Kʼoeˇ uˬ taꞈ, Eˇliˇpaˬ-euˬ ma nyiˇ Tmˇnaˬ o neh, Aˬmaˬlehˇ lehˇ myahˇ-euˬ aˬ li tiˬ li jawˇ le-euˬ meh.
Kʼoeˇ taˆ paw ehˇ dzeuˇ yaꞈ-euˬ tsawˇ haˬ heu deuˬ-aˬ, Iˇsawˇ-euˬ miˬ zaˬ Aˬdaˇ-euˬ aˬ li deuˬ pyeuꞈ-eu meh. 13Yoeˬlaˇ-euˬ aˬ li deuˬ-aˬ, Naˬhaˆ, Zeˬlahˬ, Shaˬmahˇ, Miˇzah aˬ ha mehˇ nmˇ meh.
14Ziˇbyoˬ-euˬ aˬ li Aˇnahˬ-euˬ aˬ buˇ pyeuꞈ-eu Iˇsawˇ-euˬ miˬ zaˬ Oˬhoˬliˇbaˬmaˇ-euˬ aˬ li deuˬ-aˬ, Yuˇshaˆ, Yaˬlmˬ, Kawˇlaˆ aˬ ha mehˇ nmˇ meh.
15Heu-aˬ, Iˇsawˇ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh. Iˇsawˇ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Eˇliˇpaˬ-aˬ, Teˬmaˬ tsawˇ jeuˬ, Awˇmaˬ tsawˇ jeuˬ, Zeˬpawˬ tsawˇ jeuˬ, Gaˬnaˆ tsawˇ jeuˬ, 16Kawˇlaˆ tsawˇ jeuˬ, Gaˬtmˬ tsawˇ jeuˬ, Aˬmaˬlehˇ tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Aˬdaˇ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.
17Iˇsawˇ-euˬ aˬ li Yoeˬlaˇ-aˬ, Naˬhaˆ tsawˇ jeuˬ, Zeˬlahˬ tsawˇ jeuˬ, Shaˬmahˇ tsawˇ jeuˬ, Miˇzah tsawˇ jeuˬ, heu deuˬ-euˬ aˬ da yaw dzahˇ pyeuꞈ-eu meh. Heu deuˬ dawˬ tawˆ luꞈ, Iˇsawˇ-euˬ miˬ zaˬ Baˬseˬmaˇ o neh jeuˬ le o le-euˬ tsawˇ jeuˬ tsawˇ ca deuˬ pyeuꞈ-eu meh.
18Aˇnahˬ-euˬ aˬ buˇ pyeuꞈ-eu Iˇsawˇ-euˬ miˬ zaˬ Oˬhoˬliˇbaˬmaˇ o neh jeuˬ le o le-euˬ Iˇsawˇ-euˬ zaˬ deuˬ uˆ deuˬ-aˬ, Yuˇshaˆ tsawˇ jeuˬ, Yaˬlmˬ tsawˇ jeuˬ, Kawˇlaˆ tsawˇ jeuˬ heu deuˬ meh. 19Tsawˇ jeuˬ heu deuˬ dawˬ tawˆ luꞈ-euˬ aˬ da yaw dzahˇ gʼaˬ-aˬ, Iˇsawˇ pyeuꞈ-eu meh.
Siˇyaˆ-euˬ zaˬ deuˬ uˆ deuˬ
(1 Laˬsaˬbaˬ 1.38-42)
20Eˬdoˬ miˇ kʼahˬ laꞈ kʼoeˇ jawˇ dahˬ beh-euˬ tsawˇ jeuˬ deuˬ-euˬ aˬ da yaw dzahˇ gʼaˬ-aˬ, Hawˇlaˆ tsawˇ jeuˬ pyeuꞈ-eu Siˇyaˆ meh. 21Siˇyaˆ o neh jeuˬ le o le-euˬ tsawˇ jeuˬ tsawˇ ca kʼoeˇ deuˬ-aˬ, Lawˇtah tsawˇ jeuˬ, Shawˇbaˬlaˇ tsawˇ jeuˬ, Ziˇbyoˬ tsawˇ jeuˬ, Aˇnahˬ tsawˇ jeuˬ, Diˇshoˬ tsawˇ jeuˬ, Eˇzaˬ tsawˇ jeuˬ, Diˇshaˬ tsawˇ jeuˬ, heu deuˬ meh.
22Lawˇtah-aˬ, Hawˇliˬ aˇ jeuˬ hawˇ-eu Heˬmaˬ aˇ jeuˬ-euˬ aˬ da yaw dzahˇ pyeuꞈ-eu meh. Tmˇnaˬ lehˇ kuˇ-euˬ Lawˇtah-euˬ dmˇ ma kʼawꞈ tiˬ gʼaˬ jawˇ-eu meh.
23Shawˇbaˬlaˇ-aˬ, Aˬlaˬbaˬ aˇ jeuˬ, Maˬnaˬhaˇ aˇ jeuˬ, Eˇbaˬlaˇ aˇ jeuˬ, Sheˬpoˬ aˇ jeuˬ, Awˇnaˬ aˇ jeuˬ, heu deuˬ-euˬ aˬ da yaw dzahˇ pyeuꞈ-eu meh.
24Aˬiˇyaˬ hawˇ-eu Aˇnahˬ lehˇ myahˇ-euˬ Ziˇbyoˬ-euˬ aˬ li nyiˬ li jawˇ-eu meh. Bawˇ tsahˬ bawˇ dahˇ-ahˇ aˬ yawꞈ aˬ da-euˬ mahˬ tahˬ laˆ bo luꞈ ngeh, cuˬ tiˬ cuˬ mawˇ-euˬ gʼaˬ-aˬ, Aˇnahˬ meh.
25Aˇnahˬ-euˬ zaˬ deuˬ-aˬ, aˬ yawꞈ-euˬ aˬ li Diˇshoˬ hawˇ-eu, aˬ yawꞈ-euˬ aˬ buˇ Oˬhoˬliˇbaˬmaˇ meh. 26Diˇshoˬ gʼaˬ o neh jeuˬ le o le-euˬ tsawˇ jeuˬ tsawˇ ca deuˬ-aˬ, Heˬdaˬ aˇ jeuˬ, Eˇshaˬbaˬ aˇ jeuˬ, Eˇdaˬlaˬ aˇ jeuˬ, Ciˇlaˬ aˇ jeuˬ heu deuˬ meh.
27Eˇzaˬ-aˬ, Biˇlaˬhaˬ aˇ jeuˬ, Zaˬbaˬ aˇ jeuˬ, Aˬgaˬ aˇ jeuˬ, heu deuˬ-euˬ aˬ da yaw dzahˇ pyeuꞈ-eu meh.
28Diˇshaˬ-aˬ, Uˇzaˆ aˇ jeuˬ hawˇ-eu Aˬlaˬ aˇ jeuˬ-euˬ aˬ da yaw dzahˇ pyeuꞈ-eu meh. 29Eˬdoˬ miˇ kʼahˬ laꞈ kʼoeˇ jawˇ-eu Hawˇlaˆ tsawˇ jeuˬ tsawˇ ca deuˬ-aˬ, Lawˇtah tsawˇ jeuˬ, Shawˇbaˬlaˇ tsawˇ jeuˬ, Ziˇbyoˬ tsawˇ jeuˬ, Aˇnahˬ tsawˇ jeuˬ, 30Diˇshoˬ tsawˇ jeuˬ, Eˇzaˬ tsawˇ jeuˬ, Diˇshaˬ tsawˇ jeuˬ heu deuˬ meh.
Eˬdoˬ miˇ kʼahˬ-euˬ sahˬ paˬ deuˬ
(1 Laˬsaˬbaˬ 1.43-54)
31Iˇsaˬleˬlaˆ miˇ kʼahˬ laꞈ kʼoeˇ sahˬ paˬ maˬ jawˇ mi naˆ-ehˇ, Eˬdoˬ miˇ kʼahˬ-ahˇ tiˬ gʼaˬ saˇ-iˬ tiˬ gʼaˬ uˆ lahˇ ka leꞈ-euˬ sahˬ paˬ deuˬ-aˬ, heu deuˬ meh. 32Beˬyoˇ-euˬ aˬ li Beˬlaˬ-aˬ, Deˬnaˬbaˬ meuˬ-ahˇ jawˇ-awˇ, Eˬdoˬ miˇ kʼahˬ-ahˇ uˆ lahˇ-euˬ meh. 33Beˬlaˬ gʼaˬ shiˇ ngeh jawˇ, Bawˇzaˬlahˬ-ahˇ jawˇ-eu Zeˬlahˬ-euˬ aˬ li Yawˇbehˆ uˆ lahˇ-euˬ meh. 34Yawˇbehˆ gʼaˬ shiˇ ngeh jawˇ, Teˬmaˬ miˇ kʼahˬ-ahˇ jawˇ-eu Huˇshaˬ uˆ lahˇ-euˬ meh. 35Huˇshaˬ gʼaˬ shiˇ ngeh jawˇ, Mawˇbaˆ deh ga-ahˇ Miˇdiˬyaˬ tsawˇ jeuˬ-ahˇ guiˇ deuˆ gʼaˬ-euˬ gʼaˬ pyeuꞈ-eu, Beˬdaˇ-euˬ aˬ li Haˬdaˇ gʼaˬ, Aˬbiˇ meuˬ-ahˇ jawˇ-awˇ uˆ lahˇ-euˬ meh. 36Haˬdaˇ gʼaˬ shiˇ ngeh jawˇ, Maˬsaˬleˇkaˬ meuˬ-ahˇ jawˇ-eu Saˬmaˬlahˬ uˆ lahˇ-euˬ meh. 37Saˬmaˬlahˬ gʼaˬ shiˇ ngeh jawˇ, Uˇpaˬlaˇ lawˇ baˬ lawˇ deh-ahˇ jaˆ-eu Leˬhawˇboˆ meuˬ-ahˇ jawˇ-eu Shawˇlaˆ uˆ lahˇ-euˬ meh. 38Shawˇlaˆ gʼaˬ shiˇ ngeh jawˇ, Aˬkaˬbawˇ-euˬ aˬ li Baˬlaˇhaˬnaˬ uˆ lahˇ-euˬ meh. 39Aˬkaˬbawˇ-euˬ aˬ li Baˬlaˇhaˬnaˬ gʼaˬ shiˇ ngeh jawˇ, Haˬdaˇ lehˇ myahˇ-euˬ gʼaˬ Paˇoˇ meuˬ-ahˇ jawˇ-awˇ uˆ lahˇ-euˬ meh. Aˬ yawꞈ-euˬ miˬ zaˬ-aˬ, Maˬheˬtaˬbeˬlaˇ meh. Maˬheˬtaˬbeˬlaˇ-euˬ aˬ ma-aˬ, Maˬtaˬlehˇ pyeuꞈ-awˇ, Maˬtaˬlehˇ-euˬ aˬ da-aˬ, Meˬzaˬhaˇ meh.
40Iˇsawˇ-aˬ, Eˬdoˬ tsawˇ jeuˬ tsawˇ ca deuˬ-euˬ aˬ da yaw dzahˇ pyeuꞈ-eu meh. Eˬdoˬ tsawˇ jeuˬ tsawˇ ca deuˬ-aˬ, Tmˇnaˬ tsawˇ jeuˬ, Aˬlaˬbahˬ tsawˇ jeuˬ, Yeˬtehˆ tsawˇ jeuˬ, 41Oˬhoˬliˇbaˬmaˇ tsawˇ jeuˬ, Eˇlahˬ tsawˇ jeuˬ, Piˇnahˬ tsawˇ jeuˬ, 42Gaˬnaˆ tsawˇ jeuˬ, Teˬmaˬ tsawˇ jeuˬ, Miˇbaˬzaˬ tsawˇ jeuˬ, 43Maˬgaˬdeˬlaˇ tsawˇ jeuˬ, Iˇlamˬ tsawˇ jeuˬ, heu deuˬ pyeuꞈ-eu meh. Tsawˇ jeuˬ heu deuˬ neh kʼaˇ jawˇ-euˬ jawˇ duˬ deuˬ-ahˇ, aˬ yawꞈ maꞈ tsawˇ jeuˬ-euˬ tsawˇ myahˇ myahˇ nehˬ-euˬ meh.
Šiuo metu pasirinkta:
Aˇ dahˬ 36: AHK
Paryškinti
Dalintis
Kopijuoti
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
Akha Bible Revision (Latin Script) © Thailand Bible Society, 2011.