Etinda Monene Eteni 2Mwa ndambo

BIKAMBO

Nakozala ntango nyoso elongo na bino kino nsuka, ezali likambo ya kosepelisa na koyeba ete tozali biso moko te kati na likambo yango kasi Klisto Nkolo andimisi biso ete azali ntango nyoso elongo na biso. Eloko oyo esali ete nalingaka mosala monene wana ezali bongo elikya ya kozala na ye. Ntango mosusu babenganaka ngai na bandako ya bato, bafingaka ngai mpe batyolaka ngai kasi natikaka koteya te mpamba te nayebi ete Nzambe azali na ngai na makambo oyo nazali kosala.

Mokolo moko, nakotaki boloko mpo nazalaki likambo moko ya mabe te, kasi mpo nakokaki te kosomba bonsomi na ngai na mbongo, ndenge bana mboka mosusu bazalaki kosala. Natunaki Nzambe mituna mingi mpe nazalaki ata kondima te et azali na ngai. Mpo na nini bapagano oyo basalaki mabe batiki bango kasi mosaleli na yo nityami na boloko nasali ata mabe moko te. Mabe na ngai kaka mpo napesaki policier mbongo te. Nasalaki sanza moko na boloko mpe nasakolaki kuna lolenga oyo nasakola nano te, milimo mingi bayaki epai ya Klisto mpe Musilman oyo azalaki kofanda penepene na ngai andimelaki Yesu. Ntango nabimaki na boloko, nde nayaki kososola été Nzambe amemaki ngai kuna mpo na koteya baoyo bazalaki na mposa aya koyoka nsango malamu. Esengeli kosakola nsango malamu yango na ntango oyo ebongi mpe oyo ebongi te.

Libondeli: Nazali na nsoni te ya kosakola nsango malamu ya Yesu Klisto mpo été ezali nguya ya lobiko mpe kosikolama. Tata Nzambe tinda basali kati na elanga na yo mpo ete mbuma ezali mingi. AMEN.

Botangi mosusu: Yisayi 41:10 | Bakolosai 1:14 | Bakolosai 1:22, 5:5 |