Etinda Monene Eteni 2Mwa ndambo

MOBIMBA YA TOLI YA NZAMBE

Koteya bango ete batosa makambo manso nasili kotangisa bino: Oyo ezali esika lingomba ya mboka ekokota. Moto nyonso oyo andimeli Nzambe sika azali na mposa ya lingomba ya mboka epai akoki koteyama liloba ya Nzambe mpo ete akoka kokola na molimo mpe akoma moyekoli malamu oyo akokende mpe kokomisa basusu bayekoli. “Makambo nyonso” Ntango tozali koteya bayekoli ya sika tosengeli koteya bango nsango malamu na mobimba kasi ya ndambo na yango te. Yango bokoli oyo ezali kosenga ntango mingi, motema petee mpe komipesa ya balakisi mpe bayekoli. Tosengeli te kobakisa to kolongola eloko moko na liloba ya Nzambe. Tika ete tozala sembo kati na kopalanganisa nsango malamu soki tolingi kokomisa bato bayekoli ya Klisto. Koteya mateya ya solo ezali na ntina mingi. Tozali kobika na mikolo ya nsuka, epai wapi bato bazali kolinga koyoka makambo oyo esepelisaka bango, yango wana tosengeli te kobebisa kondima na biso na koteya makambo oyo ezali mpenza ya solo te mpo na kosepelisa bato. Tika ete tozala sembo epai na Nzambe na kokokisaka etinda monene. Ezali mwango mpe esengaka motema molai, ntango mosusu okoki kozwa mbuma oyo ozalaki kozela te, kotindika yango makasi te, zala na motema molai osili kolonga nkona tika yango ekola mpe okomona mbuma na nsima ntango mosusu..

Libondeli: Molimo Mosantu sunga ngai nazala sembo na kopalanganisa nsango malamu, salela ngai lokola nzela ya kozalisa bayekoli mingi ya Klisto. Pesa ngai motema molai, komikitisa, bolingo mpe mpiko ya kolinga mikakatano na nzela na ngai mpe nasalela yo na bosembo, Eh NKOLO. AMEN.

Botangi mosusu: Ba Efeso 3:13 | Luka 12:35-48 | Matayo 25:23 |