Etinda Monene Eteni 1Mwa ndambo

BOKONZI MPENZA

Liloba “Nguya” kati na molongo oyo libongolami uta na monoko ya Greke “exousia” oyo elimboli kopesa nguya to bokonzi elongo na lotomo ya kosalela yango. Nsima ya liwa mpe lisekwa na ye, Yesu azwaki bokonzi “exousia” ya koyangela na likoli mpe na mabele. Kotinda bayekoli mpo na kokokisa etinda monene ezalaki likambo petee te, na yango Yesu asengelaki kondimisa bayekoli na ye mpe biso nyonso oyo tokondimela ye ete; Tata apesi ye Bokonzi na lolenge ya mibeko lotomo ya koyangela na likolo mpe na mabele mpe na yango azali sikawa kopesa biso nyonso etinda ya kokende mpe kosalela lotomo yango mpo na koyangela zabolo mpe basali na ye nyonso wana tozali kosakola nsango malamu. Tala, napesi bino nguya ya konyata banyoka mpe nkoto, mpe likolo na nguya nyonso na monguna, mpe eloko moko te ekosala bino mabe.

Nguya nyonso ezali ya Nzambe, ezali te bobele eloko oyo Ye azali na yango, kasi ntango tosengeli kososola yango; Nguya nyonso euti na Nzambe mpe apesaka yango epai na moto oyo ye alingi. Akoki kosalela yango na likambo nyonso to kokabola yango na ndenge oyo amoni malamu. Mpo na biso, Yesu apesi biso etinda, tozali na lotomo ya kosalela nguya to bokonzi na ye mpo na koteya nsango malamu. Na bantango mosusu ezalaka likambo ya kobulunganisa ntango omoni moko oyo basi Bapesi ye bokonzi ya kosakola nsango malamu, ya kobikisa bato ya maladi, ya kosekwisa bakufi mpe ya kobengana bademo azali kobanga kosalela bokonzi oyo Yesu apesaki ye. Yesu atikaki banyoka mpe ba nkoto na nzela na biso mpo apesaki biso nguya ya konyata yango, yango wana esengeli te kobanga mikakatano, bondoki to mpe mikakatano mpo ete osi opesameli makoki likolo an yango.

Ezali na makambo oyo ozali kobondela mpo na yango mpe makambo mosusu oyo ozali na mposa ya kobondela mpo na yango te kasi ozali kosalela bokonzi na yo mpe ozali kosilisa yango. Nakoki te kolekisa ntango na ngai na kotuna bademo mituna na esika ya kobengana bango. Bokonzi oyo Bapesi ngai ezali ya kobengana bango, kasi te ya kotuna bango mituna, soki te, nakosalela bokonzi na ngai na ndenge ya mabe. Ya mibale, zabolo azali mokosi. Ezali na nzela te ete solo ebima na monoko na ye.

Libondeli: Na nkombo na Yesu, Nakosalela na ndenge ya moke te, nakosalela na lolenge ya mabe to na ndenge ya mabe te bokonzi oyo Yesu apesi ngai, kasi nakosalela yango na lolenge ya malamu mpo na komonisa Yesu mpe kokokisa mosala na ngai kati ya etinda monene. Amen.

Botangi mosusu: Luka10:19 | Malako 16:16 | Yoane 3:27 | Ba Ebre’ 1:20-21