Etinda Monene Eteni 1Mwa ndambo

NTEMBE

Ezali mbala ya liboso te bayekoli wana zomi na moko bakutana na Yesu nsima ya lisekwa na ye, Te. Akutanaki bango kati na ndako moko moke na Yelusaleme, mpe asengaki na bango basimba ye na nzoto na ye mpe balya mwa ndambo mbisi mpo na kondimisa bango été azali na bomoi. Ndeko Toma azalaki te ; na esika wana, azalaki na mposa ya bilembeteli mosusu ; nsima ya mikolo 8 Yesu abimelaki bango lisusu mpe na mbala oyo, ndeko Toma azalaki wana ; Yesu alobaki na Toma été:

« Sembola mosapi na yo awa, mpe tala maboko na ngai ; mpe sembola loboko na yo awa, mpe tya yango na mopanzi na ngai : mpe kotya ntembe te, kasi zala na kondima » Na nsima, Toma andimaki été Yesu Klisto asekwi na liwa.

Mingi kati na biso tozali mpe bandimi mpe tozangaka kokende na misa te, kasi atoko bongo, mpo na ntina moko to mosusu, tomitunaka mituna na ntina na Nzambe. Yesu azali na makoki mpe ngolu mpo na kokutana na biso mpe kosilisa ntembe na biso, ata mpe kozanga kondima na biso, mpe apesi bosolo ya nguya mpe ya polele oyo ekomema biso na kondimela Ye mpo été tozwa bomoi ya seko na seko.

Libondeli: Na nkombo na Yesu, na pikoli ntembe nyonso kati na makanisi na ngai, Nandimi été Yesu Klisto azali Mokonzi na bakonzi mpe elongo na ye eloko moko te ekoki kozanga kosalema. Tika été kondima na ngai ekoba na kobakisama mokolo na mokolo wana nazali kotalela kaka monene mpe bosembo na ye, Amen.

Botangi mosusu: Malako 16:14-18 | Luka 24:36-49 | Yoane 20:19-29 | Malako 11: 22-24 | Jake 1:5-8 | Jide 1:22 | Ba Ebre’ 11:1