Zwa applicationEtinda Monene Eteni 1Mwa ndambo
KOSALELA NZAMBE EZALI LIBAKU MALAMU
Nsango malamu ya Klisto ekoki kotelema te mpe moto moko te azali na ntina mingi mpo na kopalanganisa yango. Na ebendali, Yesu azalaki na bayekoli 12, kasi moko na bango, Yuda Mokeliota, atekaki ye mpe amibomaki liboso kutu babaka Yesu na ekulusu. Na yango, na ntango Yesu asekwaki, bayekoli na ye bazalaki 11. Nsima ya komata na Ye na likolo, bayekoli 11 babondelaki Nzambe mpe babwakaki mbese mpe mbese ekweaki likolo na Matiasi, na bongo azwaki esika ya Yuda Mokeliota. Ezali na makambo mibale tokoki kozwa na verse oyo; ya liboso ezali ete bilaka ya Nzambe ezali solo mpe ezali amen. Nsima ya lisekwa na ye, Yesu alakaki bayekoli été bakutana na bango na Galilai mpe yango emonisi été Yesu akosaka te, makambo alobaka yango asalaka mpe makambo alakaka akokisaka yango. Ata soki ekozwa ntango boni, kolemba te ; ndima ete nyonso Yesu alaki yo na nzela ya liloba na ye ekokokisama kati na bomoi na yo.
Ya mibale, tosengeli koyeba été, moto moko akoki kozongisama te to azali na ntina mingi koleka kati na Bokonzi ya Nzambe. Moto moko te akoki kopekisa nsango malamu ya Klisto. Kozanga ya Yuda Mokeliota ekokaki te kopekisa nsango malamu ekende liboso, Matias azwaki esika na ye mpe nsango malamu ekobaki kosakolama na lolenge ya nguya mingi lokola nde Yuda Mokeliota azalaki te. Talela ntango nyonso été kosalela Nzambe ezali libaku malamu, kokanisa soko moke te été ozali na ntina mingi to été moto mosusu akoki kozwa esika na yo te. Salela Nzambe na motema na yo mobimba, na makasi na yo nyonso mpe na mayele na yo nyonso mpe salela Ye na komikitisa nyonso, koyebaka été Ye akoki kozanga te, kasi yo okoki kozanga Ye te. Mokonzi Dawidi azwaki esika ya Mokonzi Sauli, mpe Ester azwaki esika ya Mama Mokonzi Vasti. Nzambe azali na bato malamu mingi koleka.
Kosalela Nzambe ezali libaku te kasi ezali libaku malamu. Soki omoni yango neti libaku, okomi mbala moko moto oyo alukaka kaka matomba na ye kaka mbala moko, mpe soki ozali moto oyo alukaka kaka matomba na ye, ozali na libaku ya kokoma na lolendo, kasi soki omoni kosalela Nzambe lokola libaku malamu, okozala ntango nyonso na komikitisa mpe okosalela Ye na bosembo.
Libondeli: Tata Nzambe, natondi yo mpo na libaku malamu opesi ngai mpo nasalela yo. Elongo na komikitisa mpe bolingo nakosalela yo na kati ya bosembo mpo na lokumu ya nkombo na yo. Molimo Mosantu sunga ngai na kokisa mosala ya etinda monene. Amen.
Botangi mosusu: Ba Ebre’ 6:18 | Mitango 23:19 | Ester 1:1-22; 2:1- 18 | Luka 14:11 | Jake 4:10 | 1 Samuele 16:13
Makomi
Oyo etali Ebongiseli oyo
Etina monene ezali te likambo ya kopona, kasi ezali nde etinda ya kosala, kopesaka malako epai na bandimi ete bakende, bateya, babatisa, mpe bakomisa bato bayekoli na mabota nyonso, kopalanganisa nsango malamu ya Yesu Klisto, kobimisa bayekoli ya Klisto oyo bakomeli, mpe kotosa malako ya nsuka ya Yesu. Mobeko yango ezali bobele mpo na bayekoli ya liboso te kasi mpo na biso nyonso tondimeli Klisto.
More
Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d
