Zwa applicationMakanisi Ya Mpongo | Eteni 1Mwa ndambo
KOZALA NA MAKOKI
Nzambe apesaka biso nguya na ba nzela mingi. APESKA NGUYA NA NZELA YA MBUMA YA Molimo Mosantu. Ezali kopesa biso likolo ya komonisa bolingo, esengo, kimya, motema molai, boboto, motema malamu, kondima, bopolo, mpe komipesa, oyo ezali KOMONISA BOMOTO YA Klisto, kati na biso. Azali kopesa biso nguya na bolingo na ye, azali bobele te kosikola biso na boumbu ya kosala mabe kasi azali mpe kopesa biso nguya ya kosala oyo ezali sembo, kopesaka biso likoki ya kosepelisa Nkolo kozanga kotalela misala na biso moko ya malamu lokola mwango ya kofuta masumu. Molimo Mosantu azali mosungi na biso apesaka biso nguya ya kosala bikamwaseli mingi mpo na bolamu na biso mpe mpo na nkombo na ye. Molimo Mosantu atubelisaka biso masumu mpe asimbaka molimo na biso ya kati, mpe azali kobatisa biso, mpe kopesaka biso makoki ya kozala na bomoi ya bulee.
Liloba ya Nzambe ezali na nguya ya kokokisa mikano na ye mpe ya kolonga na mosala oyo atindaki yango. Molimo Mosantu azali kopesa biso nguya ya koloba liloba na Ye mpe kosalela biso lokola mwango mpo na kobikisa basusu. Molimo Mosantu azali komonisa bolamu ya Nzambe ntango tozali kotikala kati na Yesu mpe tozali kobondela engebene mokano na Ye. Molimo Mosantu abotaka mbuma na ye kati na biso (Bolingo, esengo, Kimya, motema petee, mpe bongo na bongo) wana tozali kosala elongo na Ye, oyo emonisami na molimo ya bolingo mpe ya esengo, ya kimya mpe ya motema petee oyo ezali kokola. Molimo Mosantu apesaka bandimi nguya mpo na bomoi ya mosala, kosalela makabo mpe makoki na bango mpo na nkembo na Ye, mpe kokokisa yango wana bazali kosalela Ye. Nyonso oyo ezali komonisa ndenge Nzambe apesaka biso nguya, na makasi na biso te to na makoki na biso te, kasi na nzela ya Molimo na Y, Bolingo na Ye, mpe Liloba na Ye, oyo ezali kopesa biso likoki ya kozala na bomoi oyo ezali kokumisa ye mpe ezali komonisa bomoto na ye.
Libondeli: Tata Nzambe, na nkombo ya Yesu natondi yo mpo na kopesa ngai nguya mpo na nkembo na yo, Molimo Mosantu salisa ngai na kotikala sembo na komonisaka bomoto ya Nzambe na bomoi na ngai mobimba. AMEN.
Botangi mosusu: Ba Galatia 5:22-23, Baloma 8:1-4, Yoane 16:8-11, Misala 2:1-4, Misala 1:8, Baloma 15:13, Baloma10:14-17, Yisaya 55:11, 1 Bakolinto 12:4-6, Ba Efeso 4:7-12, Ba Galatia 5:22-23, Yoane 15:5-8, Baloma 8:26-27
Makomi
Oyo etali Ebongiseli oyo
Liboso ya kokokanisa bandimi na mpongo mpo na makoki mpe bizaleli nango ya kokamwa, oyo epesami epai na ba oyo bazali kotikala sembo epai na Nzambe mpe bazali kozela mbano na bango ya likolo, Yisaya akokanisi nguya ya Nzambe mpe bolembu mpe kolemba ya bato. Mosakoli alobi Nzambe akufaka te mpe abongwanaka te, mpe ete azali na likoki ya kosunga basaleli na ye atako bazali na bolembu.
More
Tolingi kopesa matondo mingi na Dennis Mutombo Mpanya mpo na kopesa mwango oyo. Mpo na koyeba makambo mosusu, talá na: https://www.facebook.com/Pastor.Wampayo?mibextid=LQQJ4d
