Makanisi Ya Mpongo | Eteni 1Mwa ndambo

BOKONZI MPE BOKANISI YA NZAMBE

“Oyebi te? Nano oyoka te? Yawe azali Nzambe ya libela na libela, azali Mokeli ya basuka ya mabele; alembaka te mpe apemaka te, mpe moko te akoki kososola mayele na ye». Na verse yango, mosakoli alobi ete Nzambe, Mozalisi ya molongo mobimba, alembaka te. Yango ezali komonisa nguya na Ye oyo ezangi nsuka mpe makoki na Ye ya kosala mpo na bolamu ya libota na Ye. Yango nde esalaka ete bana ya mpongo baluka lisalisi mpe libateli epai ya baboti na bango. Lokola tozali bandimi, tosengeli koyeba ete biso moko to mizalisaki te, Nzambe nde asalisaki biso, azali Tata na biso mpe biso tozali bana na ye; na yango, tosengeli kotalela bobele makoki na ye, bonene na ye mpe nguya naye ezangi nsuka mpo na kokokisa bamposa na biso. Mpongo asalaka ndako esika ya kimya mpe ya molunge mpo na maki mpe bana na yango, ebatelaka bango na banyama mabe mpe na moi makasi. Na ngambo na biso, Nzambe ayebaki biso liboso ebandeli ya mokili, asalaki biso kati na libumu ya ba mama na biso. Nzambe amibanzabanzaka mingi na boye ete apesaki biso Yesu. Yesu akendaki na ekulusu mpo na kosilisa mosala, akufaki mpe asekwaki mpo na kondimisama ete Zabolo azali na eloko moko te ya koloba na ntina na biso. Yesu asalaki likambo oyo moto te akokaki kosala mpo na biso. Biso tozali na bolembu kasi Yesu azali na bolembu te.

Bana ya mpongo balyaka kaka biloko oyo baboti na bango bapesaka bango, balyaka mpe biloko mosusu oyo baboti na bango babimisaka na nzoto na bango tii ntango bango moko bakokoma na makoki ya koboma nyama. Lokola tozali bandimi, tosengeli kotya motema na makoki ya Nzambe ya kosunga biso mpe kopesa biso nguya, ata kati na bolembu mpe kolemba na biso. Tobosana te et lokola tozali bato, tozali na bandelo mpe tosengeli kondima été tozali na mposa ya nguya mpe bwanya ya Nzambe oyo ezangi nsuka. Mpongo abatelaka bana na ye bobele na boumeli ya sanza 2 to sanza 6, Kasi Tata na biso Nzambe abongwanaka te, abatelakibiso lobi, azobatela biso lelo mpe akobatelaka biso libela na libela. Lokola Nzambe na mayele ya kososola oyo moto akoki koyeba yango te, yango esengeli biso bandimi topusana penepene na ye na limemya mpe na komikitisa.

Libondeli: Tata Nzambe, na nkombo ya Yesu, namikitisi lelo oyo na kondimaka été na bokonzi likolo ya bato nyonso. Natyelaka yo motema mobimba mpo na makambo nyonso oyo eleki makoki na ngai mpe oyo nakoki kokanga ntina na yango te, mpamba te ngai nazali na bondelo kasi yo ozali na bondelo te. Matondi mingi mpo na lisungi mpe Komibanzabanza mpo na ngai. Amen.

Botangi mosusu: Nzembo 90:12, Yobo 11:7, Mosakoli 8:7, Yisaya 40:130-14, Yakobo1:21, Lisese 9:9