Tobikisami Mpo Na Kosala | Eteni 2Mwa ndambo

MATOMBA YA KOSALELA NZAMBE

Petelo amitungisaki mpe atunaki Yesu ete : “Tosili kotika biloko nyonso mpe tolandi yo ; bongo tokozwa nini?” Yesu ayebisaki Petelo mpe biso nyonso bayekoli na ye et; tokofanda na ba kiti ya bokonzi zomi na mibale ya Yisalaele mpo na kosambisa mabota zomi na mibale ya Yisalaele, tokozwa mbala nkama na bomoi oyo mpe na bomoi oyo ekoya bomoi ya seko. Mpo na koyebisa yo ete matomba ya liboso oyo tokozwa soki tosalela Nzambe ezali bomoi ya seko. Verse yango elimboli kaka ete soki tosalela Nzambe, tokozwa matomba na molimo mpe na nzoto.

Na kosalela Nzambe, boyokani na biso elongo na ye ekokoma mozindo. Nakosalela Nzambe, tozali na esengo mpe kimya na motema. Nakosalela Nzambe, tokutanaka na makamwisi mpe na makambo ya kokamwa. Ntango tazali kosalela Nzambe, kondima na biso ekokoma makasi. Kosalela Nzambe ezali kokolisa kati na biso ezaleli ya kosanzola mpe ya kozongisa matondi. Yehova azali na bolingo mpe na motema mawa. Ntango tozali kosalela Nzambe, azali kokoba kopambola biso. Kosalela Nzambe elongo na baklisto mosusu ezali kokomisa boyokani makasi, wana tozali kosala elongo mpo na kotombola Bokonzi ya Nzambe. Kosalela Nzambe kopesa biso likoki ya komonisa bizaleli ya Klisto, komonisa bolingo, motema mawa, mpe kosalela basusu, lokola Yesu asalaki yango. Kosalela Nzambe elongo na bilenge ekoki kozala na bopusi monene, kobongisa kondima, elikya, mpe bomoto, mpe kopesa ndakisa malamu epai na basusu. Kosalela Nzambe ezali kopesa biso mabaku ya kozala bateyi mpe ba ndakisa, wana tozali komonisa boyokani malamu, kosilisa matata, mpe bizaleli epai na basusu. Osengeli koyeba ete matomba oyo nyonso mazali te bobele mpo na bato to mpo na ezalela ya makambo ya sikisiki, kasi mazali mpo na baoyo nyonso baponi kosalela Nzambe na motema ya botosi.

Libondeli: Nkolo Yesu, sunga ngai nasalela yo na sembo, nasalela yo ntango oyo ebongi na oyo ebongi te. Osaleli ngai ya mingi, natikali na nyongo ya kosalela yo bomoi na ngai nyonso. Pesa ngai makasi mpe mayele ya kosalela yo, oyebi motema mpe mabanzo na ngai, Sunga ngai na nkombo na Yesu, Amen.

Botangi mosusu: Yoane 3:15-17|Kobima 23:25-26|Yoane 16:2|Nzembo 68:19, 116:5|

Nzembo 33:12-22|1 Bakolinto 15:58|1 Samwele 12:24|2 Petelo 3:18|Nzembo 68:19|

Ba Efeso 4:19|Matayo 25:40|Nzembo 103:1-3|Yoane 2:1-11|Ba Efeso 3:20|