Tobikisami Mpo Na Kosala | Eteni 2Mwa ndambo

BA NZELA YA KOSALELA NZAMBE

Kati na Bokonzi ya Nzambe, mosala na yo ezali esika ya ntina mingi mpo na kokokisa mikano ya lobiko. Nzambe azali na nguya nyonso mpe azali na mposa ya eloko moko te epai na biso, na yango tosengeli koyeba soki kosalela Ye elimboli nini.

Nzambe apesaka biso ngolu, makoki mpe mposa makasi mpo ete tokokisa mokano na ye kati na mokili. Kosalela Nzambe elimboli kolanda ndakisa ya Yesu mpo na kosalela basusu, ata kino kopesa bomoi na ye lokola mbeka mpo na biso. Tozali kosalela Nzambe na kokokisaka ba mposa ya mosuni lokola; koleisa bato oyo bazali na nzala, kopesa mai na baoyo bazali na mposa ya mai, kopesa esika ya kolala na bato bazangi ndako, kotala bato ya maladi mpe bakangami, kokunda bakufi mpe kopesa makabo ya mosolo epai na babola. Na ntina na bamposa ya molino, tozali kosalela Nzambe na kosakolaka mateya ya solo, na kopesaka toil epai na baoyo bazali na ntembe, na kopesaka malako epai na baoyo bayebi eloko te, mpe na kosakolaka epai na basumuki na bolingo nyonso, na kobondisaka baoyo bazali na mawa, na kolimbisaka mabe mpe mbeba, mpe na kobondelaka mpo na bandimi mpe bato bazangi kondima. Salela mayele na yo mpe mosala na yo mpo na libela. Moto moko alobaki ; okoki kozala moto ya politiki oyo azali na bokeseni, mosani ya ndembo oyo azali na bokeseni, mpe bongo na bongo….

Libondeli: Tata Nzambe, nazali kotonda yo mpo na ngolu mpe makoki oyo opesi ngai, nazwi ekateli été nakosalela yango mpo na kosalela yo malamu. Nakosalela mayele na ngai na ndenge ya mabe te to nakosalela ngolu na yo na ndenge ya mabe te. Nakosalela mosala na ngai lokola esaleli mpo na kosalela Nzambe mpe bato. Nkolo salisa ngai mpo ezali na nkombo na Yesu nasambeli, Amen.

Botangi mosusu: 1 Peter 4:10-11 | James 1:17 | Matthew 25:14-30 | 1 Corinthians 6:20