Tobikisami Mpo Na Kosala | Eteni 2Mwa ndambo

OKOSALELA NZAMBE NDENGE NINI?

Soki kompanyi moko ezwi yo na mosala, osengeli kosalela yango na kolanda mibeko na yango. Bakoki kobengana yo na mosala mpo ete obuki mibeko ya kompanyi mpe bakoki komatisa yo pete mpo ozali kosala mosala malamu na boyokani na mibeko ya kompanyi. Tosambelaka Nzambe na kolanda mitinda na ye, kasi te na kolanda makambo nyonso ya mpamba.

Ya liboso, tosengeli kosalela Nzambe na bosembo mpe na motema mobimba. Nzambe azali na mposa ya basaleli minene te, kasi azali na mposa ya basaleli ya sembo. Na mokolo ya nsuka, bakotalela yo te lokola moto monene ya Nzambe, kasi lokola mosakoli malamu mpe ya sembo. Ya mibale, Tosengeli kosalela Nzambe na molongo. Osengeli kozala na komikitisa mpo na komemya bakonzi na yo mpe kolanda mibeko mpe malako oyo bakonzi na yo Bapesi. Soki ozali na likoki te ya Kotambwisama na moto mosusu, na bongo okoki kozala mokambi te. Uza akufaki kaka mpo asimbaki sanduku ya Nzambe. Azalaki na likanisi malamu, kasi lokola azalaki Molevi te, azalaki na ndingisa te ya kosimba sanduku ya Nzambe, akokaki kolanda malako, kosolola na Molevi moko mpe kotika ye azongisa sanduka ya Nzambe na esika na yango. Matondi na Nzambe mpo lelo biso tozali na lotomo ya kopusana penepene na kiti na ye ya bokonzi ya ngolu mpe kozwa lisalisi. Ya misato, tosengeli kosalela Nzambe na motema moko mpe na esengo. Ya minei, tosalela Nzambe na komikitisa: totya ba mposa na biso moko pembeni mpe totya likebi na ba mposa ya bosusu. Ya nsuka, kasi ya ntina mingi, tosengeli kosalela Nzambe na bolingo mpamba te nyonso tozali kosala kati na mokili oyo kozanga bolingo ezali mpamba.

Libondeli: Nkolo Nzambe, salisa ngai nasala na bosembo mpe na bolingo nyonso, nalingi te kosala lokola moto oyo bazali kopusa. Tika ete komikitisa mpe bolingo ezala motambwisi na ngai mpo na kosalela yo. Na Nkombo na Yesu, Amen.

Botangi mosusu:

Deterenomi 10:12 | 1 Timote’ 1:12 | Matai 25:35-40 | Baloma 15:1-2 | 2 Samwele 6:1-7 |

Colossians 3:23-24, 1 Samuel 12:24 | 1Corinthians 14:40 | Psalms 100:2 |1 Chronicles 28:9 |

Matthew 23:11-12 | 1 Peter 4:10-11 | 1 Corinthians 13:1-13 |