Zala na bomoi ya ntina makasi!Mwa ndambo

“Bozala batatoli ya malamu”

Koyeba ndenge ya kozala motatoli ya malamu na mokili oyo ezali kobanda na koyeba nini oyo Mzambe alingi ete bato misusu a Mona penza na bomoi na biso. Eyano ya mukuse ezali ya Yesu. Kasi elingi koloba nini?

Yesu apesi ndakisa na lolenge oyo Nzambe alingi ete tozali. Atako Yesu afandaka na mokili oyo ekeseni na oyo ya biso lelo, azalaki penza kolakisa bomoto mpe apesaki ndakisa ya malamu penza mpo na mokili na biso ya lelo.

Nzambe alingi ete tozala na bomoto na Ye na bomoi na biso mpe bato misusu batala yango. Oyo nyonso ekokokisama na ndenge ya boyokani ya biso moko na Yesu. Yesu alobaki:

“Nazali nzete ya vino; bino, bozali bitape. Moto oyo akowumela kati na Ngai, mpe Ngai kati na ye, akobotaka bambuma ebele, pamba te bokoki kosala eloko moko te, soki na lisungi na Ngai te.” Yoane 15:5

“Soki boboti bambuma ebele mpe botalisi, na nzela yango, ete bozali bayekoli na Ngai, Tata na Ngai azwa lokumu.” Yoane 15:8

Lokola etape oyo etikalaka na vinyo ekobaka kobimisa bambuma, ezali ndenge moko na biso mpe soki totikali kati ya Yesu – tozali kobimisa bambuma – tozali kolakisa polele bomoto ya Nzambe na nzela ya bomoi na biso.

“Kasi mbuma ya Molimo ezali: bolingo, esengo, kimia, kokanga motema, bondeko, kosala bolamu, kondima, 23boboto mpe komikanga. Mibeko epekisaka te makambo ya lolenge oyo.” Bagalatia 5:22-23

Bomoto ya Nzambe ezali kosala kati na biso, na nzela na biso – Bolingo na ye, esengo na ye, kimya na ye, motema molai na ye, boboto na ye, Bolamu na ye, bosembo na ye, bopolo na ye mpe bomipekisi na ye, tozali Kokoma batatoli moko ya malamu na bomoi na biso ya mikolo nyonso.

Ndenge moko na tangu ya Yesu, lolenge moko ya kolakisa bomoto ya Nzambe na bomoi – mbuma ya elimo- ezali na ntina koleka. Yango ezali kobenda likebi ya Baklisto mpe baoyo bandimelaka ye te. Mingimingi batu batunaka likambo yango:

“Kasi, kati na mitema na bino, bopesaka Klisto lokumu lokola Nkolo. Botatolaka tango nyonso tina ya elikya na bino epai ya bato nyonso oyo bakotuna bino tina yango,” 1 Petelo 3:15

Bozala ya Kobongama. Moto moko à koku komona bino mpe kotuna bino mituna na ntango oyp babandaki komizela te. Ndakisa ya yo moko na oyo etali lobiko mpe ya makambu oyo Nzambe azali kokoba kosala na bomoi na bino moko ezali esika malamu ya kobandela. Kutu mokanda oyo ezali esaleli monene oyo okoki kosalela mpo na kosalisa moto ayoka na maloba ya pete nsango ya malamu ya bolingo mpe lobiko ya Mzambe oyo epesamela moto nyonso.