Zala na bomoi ya ntina makasi!Mwa ndambo

“Kokolisa bolingo na biso na Nzambe”

Kokolisa bolingo na nzambe ezali mwa mpasi koleka kosala yango elongo na moninga moko to ndeko na biso ya libota. Moko ya bantina ezali ete, tokoki komona Nzambe te. Na yango kozwa mpe kobatela bolingo na biso na Mzambe ezali kosenga kondima.

“Nzokande kondima ezali ndanga ya kozwa biloko oyo tozali kolikya epai ya Nzambe, mpe kobika lokola nde tosili kozwa biloko yango atako tozali komona yango te.” Ba-Ebre 11:1

Kondima ezali kosalisa biso mpo na kotambwisa bolingo moko ya solo uta na motema na biso tii epai ya Nzambe, atako tokoki te komona ye na miso ya musuni. Mpo na kokolisa Bolingo na biso na Nzambe, kondima na biso esengeli ezala makasi na bomoi na biso ya Baklisto.

Tangu tozali kotanga liloba ya Nzambe, tangu tozali komona bolingo na ye mpe misala na ye na bomoi na biso mpe ya batu misusu mpe na boninga na ye na libondeli, tobandi koyeba Nzambe makasi penza. Koyeba ye malamu na boumeli ya tangu, ezali kokolisa bolingo moko ya solo mpo na Ye, oyo ezali kokomela na bomoi na biso.

Kokolisa bolingo yango mpo na Nzambe na nzela ya kondima na biso epai ya Nzambe ezali kolanda mpe lolenge tozali kosala mpo na kolakisa yango polele na misala:

“Ezali mpe bongo mpo na kondima: soki kondima ezangi misala, ezali ya kokufa.” Jake 2:17

Bolingo na biso na Nzambe na nzela ya kondima mpe komipesa na biso epai na Ye na nzela ya misala ezali bosangisi moko ya ntina mpo na Boyokani moko ya malamu mpe ya bokoli elongo na Ye.

Atako bolingo na biso na Nzambe ekokola lisusu makasi na kosalela kondima na biso, ezali mpe eloko ya motuya ya koyeba ezali ete misala na biso wana ezali kobonga te na bolingo mpe ngolu ya Nzambe mpo na biso.

Likambo ya solo ezali ete Nzambe abandaki kolinga biso makasi mpe na kozanga masengami liboso ya koyeba Ye. Bolingo ya Nzambe ezali eutelo na biso: bolingo na biso mpo na Ye mpe mpo na bato misusu.

“Biso, tolingaka mpo ete Nzambe alingaki biso, ya liboso.”1 Yoane 4:19