Zala na bomoi ya ntina makasi!Mwa ndambo

“Kokolisa bolingo mpo na ba misusu”

Tangu bolingo ya makasi mpe ya bokoli mpo na Nzambe ezali kosala na bomoi na bino, makomi na biso ya kolinga batu misusu ekokola mpe makasi. Soki bolingo na biso Mpo na ba misusu ezali ya kokomela, toko koma na mposa makasi ya kolakisa yango, na yango toko kokisa mwango moko ya ntina oyo Mzambe a kelaki biso:

“Solo, tozali mbuma ya mosala ya Nzambe: Akelaki biso kati na Yesu-Klisto mpo ete tosala misala ya malamu oyo Nzambe abongisa wuta kala mpo ete tokokisa yango.” Ba-Efeso 2:10

Mwango ya Nzambe ezalaka kaka ete tolakisa bolingo na biso na misala. Mokomoko na biso azali na kati ya mwango ya Nzambe mpo na kosimba bomoi ya batu misusu na nzela ya misala malamu.

Tangu nyonso oyo tosimbaka bomoi ya mutu na nzela ya liloba ya sukuli, tangu toyanolaka na bosenga na ye, to tangu toyokaka na likebi likambo na ye oyo ezali kouta na motema ya kozoka, tozali kaka te kolakisa ye bolingo na biso kasi bolingo ya Nzambe na nzela na biso. Na yango tozali kokoma bana misala ya ntina mpo na kongengisa lokumu ya Nzambe na mokili oyo etondisami na molili mpe bozangi elykia. Botalela maloba oyo ya Yesu:

“Bozali pole ya mokili. Engumba oyo batongi na likolo ya ngomba ekoki kobombama te. Moto moko te apelisaka mwinda mpo na kotia yango na se ya katini; nzokande, atiaka yango na likolo ya etelemiselo ya minda mpo ete engengisa bato nyonso oyo bazali kati na ndako. Yango wana, tika ete pole na bino engenga liboso ya bato, mpo ete bamona misala malamu na bino mpe bakumisa Tata na bino oyo azali kati na Likolo.”

Matayo 5:14-16

Kopanza pole na biso ezali penza kopesa ndingisa na pole ya Nzambe mpo ete egenga na nzela na biso. Ezali na balolenge misatu ya kopanza pole ya lokumu ya Nzambe epai ya batu misusu: kozala motatoli ya malamu; kosalela ba misusu misala; kozala na boninga na Baklisto. Kolakisa kondima na yo na bandenge wana 3 ezali kopesa ndingisa na ba misusu ya komona mpe koyeba bolingo, ngolu mpe mawa ya Nzambe, nyonso wana kaka mpo na lokumu na Ye.