Tia Nzambe na esika ya LibosoMwa ndambo

“Bolonga bitumba ya Bomoi na lisalisi ya Nzambe.”

Etumba moko ya makasi ezali kobundama na bomoi na biso - na ngambu, tozali na bopusi ya Bomoi na biso ya kala ya kosumuka – bamposa wana ya kala oyo esilaka te, momekano ena mpe masumu oyo emonisaki biso pasi mpo na kolo ta yango. Malembe malembe, tangu tozali kokola na botamboli na biso elongo na Nzambe, bopusi ya Bomoto na biso ya masumu ezali kolemba. Na ngambu mosusu, tozali na bopusi ya makasi ya molimo musantu kati ya Bomoi na biso. Eza bopusi mibale oyo oyo ezali kobunda, lokola elimbolami na Bagalatia:

“Boye, tala makambo oyo nazali koloba na bino : Botambola kolanda baposa ya Molimo, mpe bokokokisa te baposa ya bomoto na bino. Pamba te baposa ya bomoto ebundisaka baposa ya Molimo, mpe baposa ya Molimo ebundisaka baposa ya bomoto. Nyonso mibale ebundisanaka mpo ete bolonga te kosala makambo oyo bolingi kosala.” Bagalatia 5:16-17

Koloba ya Nzabe ezali kolendisa biso mpo na "kozala na bomoi na elimo”. Na lolenge mosusu ya koloba, tosengeli kopesa ndingisa na bopusi ya molimo mosantu mpo na kolonga bopusi ya bomoto ya masumu na bomoi na biso.

Koloba yango ezalaka pète, kasi kosalela yango ezalaka pasi. Bomoto ya masumu etindaka biso na kozwa mikano ya kokokisa bamposa mpe mayoki na biso moko Kaka. Yango nde tobengaka komekama, Jake asosoli yango boye:

“Tika ete moto moko te, liboso ya komekama, aloba : “Nzambe nde azali kotindika ngai na kosala mabe.” Pamba te mabe ekoki te kotindika Nzambe na mabe, mpe Nzambe atindikaka moto moko te na kosala mabe. Kasi moto nyonso atindikamaka na mabe soki abendami mpe akangami na motambo ya baposa mabe ya nzoto na ye moko.” Jake 1:13-14

Ezali kaka soki tondimi kolongisa komekama nde ekomaka lisumu.

“Bongo soki baposa mabe yango ekoli kati na moto, ebotaka lisumu ; mpe lisumu ememaka na kufa.” Jake 1:15

Kasi ezali kokamwisa na komona ete, na bolingo mpe ngolu monene ya Nzambe mpo na Baklisto, Nzambe azali kolimbisa mpe kopetola biso na masumu na biso nyonso. Tolimbisami ya solo na 100%.

“Soki toyamboli masumu na biso, Nzambe akolimbisa biso mpe akopetola biso na mabe nyonso, pamba te azali Sembo mpe Moyengebene.” 1 Yoane 1:9

Soki totiki lisumu na kozanga kotalelama, ezalaka Kaka na likama. Atako Nzambe azali kolimbisa mpe kopetola biso, kasi azali kolongola penza te matomba ya mabe oyo lisumu etikaka na nsima na yango. Atako Nzambe asalisaka biso na tangu ya pasi, atako pasi yango eutaka mingimingi na mikano na biso, eloko ya motuya oyo tosengeli kosala ezali kosala nyonso oyo tosengeli mpo na koboya kozwa mikano yango.

1 Bakolinto ezali kolimbola makambo mibale ya motuya mpo na kolonga komekama mpe lisumu:

“Komekama oyo ekomelaki bino ekomelaka bato nyonso ; mpe Nzambe azali Moyengebene ; akotika te ete bomekama koleka makasi na bino. Kasi na tango ya komekama, akobongisela bino nzela ya kobima na komekama yango, mpe akopesa bino makasi ya kotelemela yango.” 1 Bakolinto 10:13

Ya liboso, tozali biso moko te na etumba yango. boyeba été ezali nae Baklisto mosusu, ezala basali kaka Mikolo 30 to bambula 30 na kotambola elongo na Nzambe, bango mpe, bazali kobundisa lisumu mpe komekama lokola bino.

Ya mibale, Nzambe akotika te ete tomekama tii na esika oyo eleki makoki na biso ya kozwa mikano ya kokoma lisumu. Akofongola kaka nzela ya kobima. Mosala na biso, atako ezali makasi, ekozala ya kokuta nzela yango na kati ya komekama na biso.

Eteni oyo elandi, ezali kolakisa mayele oy euro na bibliya mpo na kolonga komekama mpe lisumu. Kosalela mwango yango ezali lolenge mosusu ya kotia Nzambe na esika ya liboso na bomoi na biso!