Tia Nzambe na esika ya LibosoMwa ndambo

“Nzambe alingi kotiama na esika ya liboso na Mitema na bino."

Na mokili ya Lelo, batu ebele batiaka mitema na bango na bozwi, na mikumba na kati ya kompanyi, matomba oyo kompanyi ezwaka to mpe batu oyo bayebani na bango.

Kasi soki vizio na biso ya makambo ya ntina ezali Kaka na biloko wana, tokomiyoka malamu na nzoto na biso Kaka tangu tozali lokola na makambu yango. Tangu bozwi na biso to matomba na biso ekokita, lolenge na biso ya komimona ekokita mpe, pamba te, moboko na biso ezali makasi te. Yesu alimbolaki yango boye:

“Kasi moto oyo ayokaka maloba na Ngai mpe atiaka yango te na misala akokani na moto oyo atongaki ndako na likolo ya mabele, ezanga moboko; tango kaka mpela emibwakaki na ndako, ndako yango ekweyaki mbala moko mpe epanzanaki.” Luka 6:49

Bomoto na biso ekozala ya kolanda penza Kaka soki totié yango na miboko. Na kotia bomoto na biso na moboko ya makasi, Yesu-Klisto, liyoki ya ntina na bomoi ekouta te na makambo ya tangu mukuse oyo ebalukaka tangu nyonso.

Tangu Kmisto azali moboko na biso, molende na biso ezali lokola oyo:

“Akokani na moto oyo, mpo na kotonga ndako, atimolaki mabele, akitaki penza na mozindo mpe atongaki moboko ya ndako yango na likolo ya libanga; tango mpela eyaki, mayi emataki makasi mpe emibwakaki na ndako yango kasi ekokaki te kobuka yango, pamba te etongamaki malamu.” Luka 6:48

Bokanisa naino na mikano nyonso oyo bokoki kozwa na bomoi na bino mpo na kotonga moboko ya motuya. Ekoki kozala ya Bozwi, ya Mosala, ya elingi, ya libota, ya lokumu, ya bikonzi to ya bae toyebani na Bango. Bozali komona biloko misusu ya kobakisa? Na biloko nyonso oyo tokoki kotongela bomoto na biso, Yesu Kaka nde azali kopesa elonga na bomoi y a Boklisto.

Kasi soki botali biloko misusu wana ezali mabe te, mabe penza te. Na kotala malamu, ezali makambo ya motuya oyo Nzambe apesi biso na kati ya Bomoi na biso. Kasi na mokanda ya Matayo, Yesu azali kosalisa biso mpo na kozala na bokatikati:

“Yango wana, nazali koloba na bino: bomitungisaka te na tina na bomoi na bino, na komituna: tokolia nini to tokomela nini? To na tina na banzoto na bino, na komituna: Tokolata nini? Boni, bomoi eleki bilei te na tina, mpe nzoto eleki bilamba te na tina? Botala ndeke ya likolo: elonaka nkona te, ebukaka bambuma te, ebombaka bilei te kati na bibombelo; kasi Tata na bino ya Likolo aleisaka yango. Boni, bozali na motuya te koleka yango?” Matayo 6:25-26

Tangu tozali kosalela koloba oyo na bomoi na biso, tozali kozwa kimya mpe esengo, na kozanga komibanzabanza mpe komitungisa. Tozali kozwa bokatikati yango tangu totiaka Yesu na esika ya liboso na bomoi na biso.

“Bolukaka nde liboso Bokonzi ya Nzambe mpe bosembo na Ye, bongo bakobakisela bino biloko wana nyonso.” Matayo 6:33

Biso nyonso, tozalaka na bandoto, bamyango mpe bamposa, mpamba te Nzambe akela biso bongo. Kasi kotia Yesu liboso ekotinda biso na kotalela makambo oyo totiaka na esika ya liboso mpe makasi oy etindaka biso toluka kozwa to kosala biloko yango. Soki Ye azali na esika ya liboso nabandoto mpe bamposa na biso, lobi na biso ekozala oyo etonda na lokumu mpe esengo!

Soki Nzambe abendi likebi na bino na likambo oyo ebongi te, eyano ya malamu ekozala milende na bino ya kondima kosala bambongwana. Mbongwana ekoki kozala pasi tangu mosusu, kasi Nzambe alingaka Kaka bolamu na bino mpe alingi ete bokola na elimo.