Tia Nzambe na esika ya LibosoMwa ndambo

“Nzambe apesa bino esika ya liboso na motema na ye”

Okanisi Nini soki mutu alimboleli yo ete Nzambe azali kotala bino loko moto oyo atikala kosumuka te! Likambo ya ntina ezali ya koyeba ete, na nzela ya misala ya bopetoli ya Yesu na ekulusu, Nzambe azali komona bino bongo. Lokola tozali Baklisto, tozali ya kolimbisama, ya kopetolama mpe na bonsomi!

Yango elingi koloba ete bozali basantu: moto oyo akomi na esika moko sipesiali boyengebene na Klisto. Bozali bato ya kokoka, basantu mpe batu oyo bazanga mbeba na miqu ya Nzambe. Azali kobenga bino bana, bazwi ya libula monene, mpe baninga ba ye.

“Kasi bino bozali libota oyo eponama, Banganga-Nzambe ya Mokonzi, ekolo ya bule mpe basikolami ya Nzambe mpo na kosakola misala minene ya Ye oyo abenga bino mpo ete bolongwa na molili mpe bokota kati na pole na Ye ya kokamwa.” 1 Petelo 2:9

Mpo na kolimbola malamu lolenge oyo Nzambe azali komona biso, tosengeli koyeba naino lolenge oyo biso tozali komona ye. Nzambe atalaka biso na mosika te na kozela kaka ete tosala mbeba moko mpo ete aya kokatela biso etumbu. Wana ezali likanisi ya lokuta penza!

Botala oyo elobami na versé oyo:

“Nzokande bato nyonso oyo bayambaki Ye, ba-oyo bandimelaki Kombo na Ye, apesaki bango makoki ya kokoma bana na Nzambe. Bakomi bana na Nzambe na nzela ya mbotama ya bomoto te, na posa ya bomoto te to mpe na mokano ya moto te, kasi na mokano ya Nzambe.” Yoane 1:12-13

Nzambe azali komona mokomoko na bino lokola mwana ya motuya mingi. Azali tata ya bolingo oyo atondiselaka biso bototo na likebi na mawa na ye oyo ezanga suka. Mikapo misusu ya loyembo ya Salomo ezali kolimbola molende ya bolingo ya NZambe mpo na biso, oyo ezali kokamwisa na kokokanisa yango na bolingo oyo ezalaka na kati ya mwasi na mobali. Hébreux 11:6 ezali koloba été Nzambe azali mofuti ya ba oyo nyonso balukaka ye.

Lolenge oyo Nzambe azali komona mokomoko ya bana ekeseni na na lelenge oyo biso moko tozali komimona. Koyeba lolenge nini Nzambe azali komona mokomoko na biso euro na Mosala oyo Klisto abandaki na bomoi na biso tangu tozwaki lobiko.

“Yango wana, soki moto azali kati na Klisto, akomi ekelamu ya sika: makambo ya kala eleki, mpe makambo ya sika eyei.” 2 Bakolinto 5:17

“Ye oyo atikalaki kozala na lisumu te, Nzambe akomisaki Ye lisumu mpo na biso, mpo ete tokoma bosembo ya Nzambe kati na Ye.” 2 Bakolinto 5:21

Ekelamu ya sika oyo ezali mosala ya Nzambe. Mbobgwana mobimba ya lolenge na biso ya kozala na elimo mpe kibomoto na biso ya kati. Alimbisi biso mpe apetoli biso penza na masumu nyonso - ya kala, ya tangu oyo mpe ya tangu oyo ezali koya. Tozali na boyokani ya malamu na Ye.

“…ndenge este ezali mosika ya weste,

ndenge wana mpe abwakaka masumu na biso

mosika na biso.” Banzembo 103:12

Tozali ekólo ya Nzambe oyo ezanga litono ya lisumu; lolenge moko na boyengebeni na ye na nzela yae Mosala ya Yesu na ekulusu. Nzambe atia biso ya solo na esika ya liboso kati ya motema na Ye!