Mokano ya Ntina na Bomoi na Bino!Mwa ndambo

“Batisimo ya mayi: eyambweli na miso ya bato nyonso ya bomoi oyo ebongwana”

Batisimo ya mayi ezali lolenge ya motuya ya koyambola na polele lobiko na bino. Batisimo ya mayi ezali kolakisa bosukisi ya bomoi ya kala mpe ebandeli ya bomoi ya sika. Yesu ateyaki ntina ya batisimo ya mayi na bandimi na ye liboso ya kokende na lol ana nsima ya lisekwa na ye. Alobaki,

“Bokende, bokomisa bato ya bikolo nyonso bayekoli na Ngai, bobatisa bango na Kombo ya Tata, ya Mwana mpe ya Molimo Mosantu.” Matayo 28:19

Na kati ya Kondimana ya sika, tozali komona bandakisa ebele ya bandimi oyo bazwaki batisimo. Batisimo ya mayi ezali ndimbola ebele ya ntina mpo na moto oyo azali kozwa yango mpe mpo na ba oyo bazali kotala ye. Batisimo ya mayi ezali kolimbola polele: Bosukisi ya bomoi na bino ya kala tangu ozali kozinda na mayi; ebandeli ya bomoi na bino ya sika kati ya Klisto tangu ozali kobima ya kopetolama na mayi mpe ozali ekelamu ya sika kati ya Nzambe.

Luka 3:3 ezali komonisa batisimo ya mayi lokola “batisimo ya kobongwana” mpe ezali kolakisa ntina ya koyambola na polele ete to sundoli bomoi na biso ya kala mpe masumu na biso. Atako batisimo ya mayi ezali te kobikisa biso to pe kobungisa masumu nab iso, ezali likamabo moko ya motuya na bomoi nab iso ya bandimi ya Klisto – eyambweli oyo ezali kolakisa ete okomi ekelamu ya sika, bomoi ebongwana! Soki ezalaki na moto oyo azalaki na posa ya kosala yango te, ezali ya solo Yesu-Klisto, pamba te, azalaki na lisumu ata moko te tangu azalaki na mabele. Kasi Luka 3:21 elobi:

“Wana bato nyonso bazalaki kokende kozwa libatisi, Yesu mpe azwaki libatisi.” Luka 3:21

Yesu azwaki batisimo mpo ete biso mpe tolanda ndakisa na ye. Tokoki kopesa batisimo ya mayi motuya moleki ndelo te. Soki ozwi naino batisimo ya mayi te, esengeli kozwa mokano ena. Bibliya ezali kosenga biso ete tosala eyambweli na miso ya bato nyonso mpo na lobiko na biso, mpe mangomba ebele oyo endimelaka Bibliya ezali kopesa litomba wana ya kozwa batisimo ya mayi. Kolanda ndakisa ya Yesu ezalaka kaka likanisi ya elonga. Nzambe akopambola bino mpe akopesa bino mbano ebele mpo na bosembo na bino mpe botosi na bino epai na Ye!