Tika Lisano Ya Kopamela Basusu | Eteni 1Mwa ndambo

BIPONO MPE BOKOKILI

Lokola tozali bato, mokolo na mokolo tosengeli kozwa bikateli ebele. Babuku ndenge na ndenge emonisa ete bana bazwaka bikateli 3000 na mokolo moko, nzokande mikolo bazwaka bikateli 33000 to 35000 na mokolo. (A simple way to make decisions by Amanda Reill). Nakolya nini? Nakolata nini? Nakokende wapi? Nakoloba nini? Ntango nini mpe ndenge nini na koloba yango? Nakosala nini? Mpe bongo na bongo…. Mpo na liponi nyoso tozali kosala, ekozala na mbuma na yango malamu to mabe, na yango ezali na ntina mingi ete tokanisa malamu liboso ya kozwa ekateli nyonso.

Tosengeli kozala na makanisi ekuba mpe mayoki mpo na koyeba makambo oyo ekoki kobima mpe kondima bokokili ya bikateli tozali kozwa. Tosengeli kondima mpe kozwa mokumba ya mbuma oyo bikateli na biso ekobimisa.

Nzambe alakelaki ata moto na bango mabe te mpo na likambo yango, kasi azalaki bobele koyebisa bango bokokili ya bikateli na bango. Ekateli moko ya mabe ekoki kobebisa bomoi na yo, keba na bikateli oyo ozali kozwa mpo Nzambe akolimbisa yo kasi osengeli kondima mpe kobika na mbuma mabe ya bikateli na yo mpamba te bikateli ezalaka na mbuma na yango. Mpo na kozwa bikateli ya malamu, osengeli ozala na bwanya oyo euti na likolo. Salomo alobi boye: “Motema ya moto ya mayele ezwaka boyebi, mpe litoi ya bato ya bwanya elukaka kozwa boyebi”.

Danyele aboyaki kosambela ekeko mpe babwakaki ya na libulu ya bankosi, kasi Nzambe abikisaki ye, mpe Mokonzi apesaki motindo ete bato nyonso ya Babilone basambela Nzambe ya Danyele. Ntango tozali kozwa bikateli ya malamu, bikateli oyo ezali kotya matomba ya Nzambe na esika ya liboso, Nzambe akosala ete bikateli na biso ebota mbuma ya malamu mpe ya kokamwa. Tozali na bonsomi ya kopona, kasi mpo na kozala na libateli tosengeli kopona na kolandisama na liloba ya Nzambe.

Libondeli: Nkolo, tika ete nayokaka liloba na yo na bokebi mpo na kotosa mpe kotya yango na misala. Tika ete bikateli na ngai ya mikolo nyonso ezala engebene na liloba na yo. Na nkombo na Yesu nabondeli, AMEN.

Botangi mosusu: Jozue 24:15 | Yakobo 1:5 | Lisese 18:15 | Daniele 6:13-28 | Lisese 3:31-33 | Bagalatia 6:7-8 |