Tika Lisano Ya Kopamela Basusu | Eteni 1Mwa ndambo

MOKUMBA

Kozanga botosi ekokani na kozanga kotosa mibeko to kozanga kotosa bokonzi. Diksionere moko (Oxford Dictionary) elobi ete kozanga botosi elimboli koboya kotosa mibeko to moto oyo azali na bokonzi. Na bantango mosusu, kozanga kotosa mibeko ezali likambo oyo ekoki kolongisama mpe yango tozali na batribunale ya mibeko, kasi kozanga kotosa liloba ya Nzambe ezali likambo ya kolongisama te. Engebene kondimana ya sika; kozanga botosi elimboli kozanga limemya mpo na bokonzi to boyangeli nzokande na kondimama ya kala elimboli kozala moto makasi mpe mobulu. Kati na 1 Samuele 15:23, kozanga botosi elimbolami lokola lisumu ya bondoki to ya koboya etinda ya Nkolo.

Nzambe asalaki Adama Mokonzi na kopesaka ye bokonzi likolo na bikelamu nyonso, mpe Adama ye moko apesaki nyama nyonso nkombo, bakisa mpe Eva. Kanisa nano kaka mwasi oyo okumisaki lobi nde ozali kopesa ye foti lelo oyo! Kokanisa ete bato nyonso bazali zingazinga na yo bazali ntango nyonso na bikateli malamu, ezali mokumba na yo kotala likambo yango na mozindo liboso ya kozwa ekateli mpamba te yo moko nde okosambisama mpo na misala na yo. Adama asengelaki kozwa mokumba na ye ya Mokonzi mpe kozwa ekateli ya malamu mpo na bolamu ya bango nyonso mibale, akokaki kopona kotosa Nzambe na esika ya kotosa Eva, kasi asalaki yango te mpe abandaki kopesa Eva foti. Soki osengeli kopona kati na Nzambe mpe moto, kobukana te pona Nzambe mbala moko. Adama atosaki Nzambe te, kasi Yesu atosaki Nzambe ata tii na liwa. Ntango amekamaki asalaki lokola Adam te, Yesu atelemelaki Zabolo na liloba ya Nzambe, yango ekomami.

Mokumba ya Mokambi nyonso ezali ya kozwa bikateli, kasi kaka ya kozwa bikateli te, kasi ya kozwa bikateli ya malamu mpo na bato na ye. Ezali na ekateli mosusu te ya malamu koleka kati na mokili oyo mpe kati na mokili ezali koya, oyo eleki kotosa liloba ya Nzambe. Kozanga botosi na liloba ya Nzambe ezali lisumu mpe lifuti ya lisumu ezali liwa. Osengeli te kopesa moto mosusu foti mpo na mabunga na yo, mpo na mikakatano okutanaki na yango to mpo na mabunga osalaki. Osengeli kozala na mokumba mpe kondima makambo nyonso oyo osali mpe bikateli na yo.

Epai nyonso oyo ozali na mokumba ya kokamba, sala nyonso mpo ozala na mokumba mpe okokisa mokumba na yo ya Bokambi na lolenge ya malamu. Yeba ete kozala Mokonzi esengaka kozala na mokumba, kasi te koluka komilongisa mpe kopesa basusu foti. Lokola okotelema liboso ya Nzambe yo moko, tika kopesa basusu foti mpe ndima ngambo mpo na misala na yo. Kozala mobali to mwasi oyo ayebi kokokisa mikumba na ye elimboli kotosa liloba ya Nzambe.

Libondeli: Molimo Mosantu, sunga ngai nazala na botosi na liloba ya Nzambe, kamba matambe na ngai mpe sunga ngai nazwaka bikateli ya malamu mpo na bokonzi ya Nzambe, mpo na bomoi na ngai, mpo na libota na ngai mpe mpo na ekolo na ngai. Na nkombo na Yesu nabondeli, AMEN.

Botangi mosusu: 1 Bakonzi 13:26 | Neyemi 9: 26 | Bagalatia 6: 4-6 | Baloma 14: 12