Tika Lisano Ya Kopamela Basusu | Eteni 1Mwa ndambo

NZAMBE APONAKA BILONGI TE

Moto moko alobaki ete, soki ozali kokutana na Zabolo te na nzela na yo, boye ozali kokende na nzela moko na ye. Nandimi likanisi na ye mpamba te Satana azali monguna monene ya bato, mingi mingi Baklisto oyo babotami lmbala ya mibale. Nsima ya kobondela mpe kokila bilei na boumeli ya mikolo 40, nazalaki komizela komona baanzelu ya Nzambe koya koyamba Yesu, to koyoka mongongo moko kouta likolo oyo ezalaki kondimisa ye été azali mobikisi ya mokili lokola ezalaki bongo na ebala ya Yaladene. Likambo ya kokamwa ezali été Zabolo nde ayaki koyamba Yesu na komekama. Nzokande, Yesu alongaki ye na kosalelaka liloba ya Nzambe. Zabolo abangaka te mikolo 40 ya kokila bilei mpe kobondela kasi abangaka nde liloba ya Nzambe. Ata soki ozali kondondela mingi mpe ozali kokila bilei, esengeli kotondisama bomoi na yo na liloba ya Nzambe. Okoki bobele kotelemela Zabolo na nzela ya liloba ya Nzambe. Kobondela kaka te, kasi bondela mpe zala miso. Keba na liloba ya Nzambe, tosaka yango mpe salelaka yango na bomoi na yo ya mokolo na mokolo.

Nyoka akosaki ngai; Satana azali na nguya mingi te, kasi azali na mayele mabe mingi. Biblia azali komonisa ete Zabolo azali motongi, mokosi, moyibi, moto ya lokuta, mobebisi mpe mobomi. Azali lokola nkosi kasi azali nkosi te, azali bobele mokosi. Molakisi ya eteyelo ya mokolo ya lomingo atangisaka biso ete Zabolo azali moto mabe oyo azali na miso motane, maseke mibale ya moindo, manzaka milai na maboko mpe na makolo mpe mokila molai ya moindo. Kokosama te Zabolo azali moto ya mayele mingi mpe mayele oyo akosaka yo na emonani lokola solo mpe soki ozali na bokengi te mpe ozali ekenge te okokwea na mitambo na ye. Ayebi liloba ya solo ya Nzambe kasi akomeka kokabola yango mwa moke bobele mpo na komonisa ete ezali ya solo. Akomeka yo ntango nyonso na makambo oyo ozali na yango mposa to oyo olingaka. Ayebi makambo oyo olingaka mpe akoyela yo mombongo ya malamu mingi, kasi kobosana te ete soki mombongo eleki malamu mingi, kanisa mbala mibale.

Ayebaki ete Yesu azalaki na mposa ya kolya, ya kozala na bomoi ya bikamwa mpe nkombe, yango wana akabolaki komekana na ye na biteni misatu. Komekama eyaka na kotalela bamposa na biso ya nzoto yango wana tosengeli kobondela mpe kokengelaka liloba ya Nzambe mpe kosalela yango mpo na kotelemela Zabolo. Makomi ezali lokota bobele moko oyo Zabolo ayebi. Eloko nyonso ezali kongenga ezali wolo te, kobangisa kondima na yo te mpo na biloko ya mokili, okozwa litomba nini soki ozwi mokili mobimba mpe obungisi bomoi na yo? Zala na bomoi oyo etambwisami na Molimo mpe okokwea te kati na komekama.

Libondeli: Nazali kosakola ete nakozala ekenge mpe moto na mabondeli, ete liloba ya Nzambe ezala mingi kati na ngai mpo ete nakoka kotelemela zabolo mpe basali na ye. Mbala nyonso nakokutana na komekama, Molimo Mosantu akotombola nivo na ngai mpe akosalisa nga nalonga, mpamba te na nkombo ya Yesu nde nabondeli mpe nandimeli, AMEN.

Botangi mosusu: Ebandeli 3:1-7 | Matayo 4: 1-11| Ba Efeso 6:11 | Yakobo 4:7 | Bagalatia 5:16 | Baloma 13:13-14 | Ba Efeso 4:27 |