Mobateli Malamu Ya Ba Mpate | Eteni Ya MibaleMwa ndambo

YESU AZALI MOBATELI YA MPATE OYO ALEKI MALAMU MINGI

Lingenda ezali mpona kobatela ba mpate na banyama mabe, nzoka nde nzete ezali mpo na kotambwisa ba mpate, bisaleli oyo mibale ezali kopesa libondisi epai na ba mpate. Lingenda ezali komonisa bokonzi, nguya, disiplini mpe kobatela bampate, nzoka nde nzete ezali kominisa motema molai mpe boboto. Ntango nyonso Nzambe apesaka biso disiplini asalaka yango mpo na bolamu na biso. Nzambe akoki kondima te tokende mosika na nzela naye, akosala nyonso ekoki mpo na kozongisa biso epai na ye. Tosengeli kaka kozala na botosi mpe motema molai. Liwa, lisumu, mitungisi mpe mikakatano ekozala ntango nyonso, kasi moko te na yango ekopekisa Nzambe apambola biso. Lokola tozali bana na Nzambe, moto moko te akoki kopekisa biso. Eloko nyonso ekoki kopekisa Yesu te, esengeli te epekisa biso. Mobateli mpate azalaki kotya mafuta na mitu ya ba mpate naye mpo na kobikisa ba mpota na bango mpe kobatela bango na banyama ya mikemike. Mpo na biso, Yesu azali mobateli na biso, motambwisi na biso, mobikisi na biso, molobeli na biso, mobundeli na biso mpe mosungi na biso.

Ebongiseli ya Nzambe eleky oyo tozali kokanisa, yango wana kopo na biso etondi. Nzambe akoki kopambola biso koleka ndenge oyo tozali kokanisa. Na nzela ya nguya na ye oyo esalaka kati na biso, Nzambe azali na nguya ya kosala makambo oyo nyonso tosengaka to tokanisaka (Ba Efeso 3 :20, Bibilia na Lingala ya lelo oyo).

Libondeli: Molimo Mosantu, natondi yo mpo na kobikisa ngai na molimo mpe na nzoto. Salisa ngai été nazala na botosi na mokano ya Nzambe mpo été nazwa matomba nyonso oyo Yesu Mobateli malamu na bampate azali kopesa. Kobikisama, kobatelema, lisungi mpe mapamboli ezali likabo na ngai na nkombo na Yesu nabondeli mpe nandimi, AMEN.