Mobateli Malamu Ya Ba Mpate | Eteni Ya MibaleMwa ndambo

KOBANGA TE

Liwa ezali monguna monene ya moto kasi nsango malamu ezali ete Yesu alongaki liwa mpe biso bayekoli naye tokolongi yango. Na yango, ntina ya kobanga liwa to mikakatano mosusu ezali te. Nzambe apesi biso molimo ya kobanga te, kasi ya mpiko mpe makanisi malamu. Na ntango ya Dawidi, kozala ya Nzambe ezalaki kati na bango te, Nzambe akoya mpe akokende, kasi Dawidi andimaki ete kozala ya Nzambe ezalaki naye bisika nyonso ezalaki kokende. Lisusu, na ntango na biso tozali bamemi ya kozala ya Nzambe mpamba te Klisto ezali kati na biso elikya na nkembo. (Bakolose 1:27). Tosengeli kozala na kondima mingi epai na Nzambe koleka Dawidi. Tosengeli kozala na kondima ete ata mikakatano ya lolenga kani Nzambe azali na biso, soki Nzambe azali na biso nani akoki kotelemela biso? Mokolo na mokolo na bomoi nayo, osengeli kopona kati na kobanga mpe kondima, pona kozala moto na kondima mpamba te soki ozangi kondima okoki kosepelisa Nzambe te.

Libondeli: Na Nkombo ay Yesu Klisto, naboyi milomo nyonso ya kobanga, nazali koklisa molimo ya mpiko, ya elikya mpe ya makanisi malamu kati ya bomoi na ngai. Elongo na Nzambe nazali molongi, lokola mwana na Nzambe, nazali na bomoi ya kondima, nakobanga te. Na nkombo ya Yesu oyo eleki motuya, AMEN.