Mobateli Malamu Ya Ba Mpate | Eteni Ya YamboMwa ndambo

KOZONGISAMA YA SIKA

Yesu ayaki mpo na kozongisa milimo na biso epai na Nzambe mpe tobyangami bayengebene mpo na mosala oyo Yesu asalaki an ekulusu. Apesaki bomoi na ye mpo na kobikisa biso na lisumu mpe liwa. Yesu azali mobateli malamu koleka babateli nyonso ya mpate. Auti kolongola biso na liwa mpo na komema biso na bomoi, na lisumu mpo na komema biso na boyengebene, mpe na molili mpo na komema biso na pole. Tika nkombo naye ekumisama seko na seko.

Yesu ayaki mpo na kozongisa boyokani oyo ebebaki kati na Nzambe mpe bato, mpe na nzela ya mosala naye ya ekulusu tokoma bayengebene.

Na ekulusu, Yesu akufaki kaka te mpo na komema biso na likolo, kasi mpe mpo na komema likolo epai na biso na kobikisaka mitema na biso oyo ebukanaki.

Yesu Klisto azali na makoki ya kozongisa sika:

Boyokani oyo ebebaki kati ya Nzambe na bato,

Mabala ekufa, Misala ebungaki, Mombongo ebebaki mpe mabaku ya mosala,

Nzoto kolongono oyo ebebaki na oyo nyonso zabolo asalaki ya mabe kati na bomoi na biso.

Ezali mpenza na ntango mpamba te Yesu azangaka te kokoma na ntango. Azali ntango nyonso na ntango oyo ebongi mpo na kozongisa biso epai na Nzambe.

Ntango bozongisami esalemi kati na bomoi na yo, oyo nde ekosalema:

Kokitana: Nzambe akolongola mitema na biso ya libanga mpe akopesa biso mitema ya misuni. Kobongwana: Na kotyaka likebi na Bibilia, makanisi na biso makoki ntango nyonso kobongwana. Kozongisama na bomoi: Na nzela ya lisikwi ya Yesu, tozwi bomoi ya sika, bomoi ya seko.

Kosangana lisusu: Na nzela ya mosala ya kobikisa ya Yesu likolo na ekulusu, Tosangani lisusu elongo na Nzambe.

Yambola masumu na yo liboso na Nzambe, Ye azali sembo mpe ya sembo mpo na kolimbisa yo (1 Yoane 1:9), mpe bolimbisi ezali oyo ezongisaka boyokani oyo ebebaki. Tya makanisi na yo epai ya Klisto mpe ndimela Ye mpo na kozongisama na yo ya sika, mpo na litambwisi mpe mpo na boyengebene mpona nkembo ya nkombo ya Nzambe.

Nkombo ya Nzambe esengeli kokumisama na makambo nyonso oyo tozali kosala to koloba. Na maye manso tozali kozwa epai ya Nzambe esengeli na biso tokumisa nkombo naye.

Libondeli: Tata Nzambe. Natondi yo mpo ozongisi molimo na ngai ya sika epai na yo, natondi yo mpo okomisi ngai moto ya sika na molimo mpe na nzoto. Natondi yo mpo na kozongisa sika boyokani na ngai oyo ebebaki. Natondi yo mpo na kozongisa sika libota na ngai mpe mombongo na ngai. Matondi mingi mpo na kozongisama mobimba ya lingomba ya Klisto na kati ya Africa mpe na mokili mobimba. Na Nkombo na Yesu oyo eleki motuya, Nabondeli mpe nandimi, AMEN.