Mobateli Malamu Ya Ba Mpate | Eteni Ya YamboMwa ndambo

LIBANDA YA YESU KILISTO, OZALI NA MPOSA YA ELOKO MOKO TE.

Dawidi azali kolobela ndako ya Nzambe oyo engebene ye, ezali esika moko kitoko, ya kimya mpe oyo eleki ntina, esika moko malamu mpo na kofanda. Dawidi alobi bongo; biloko nyonso oyo tozali na yango mposa ezali na ndako ya Nzambe. Na ndako ya Nzambe, tozali na biloko mingi oyo tosengeli na yango.

Nzambe alingi ete biso bana naye totosa liloba naye. Liloba yango ezali eloko te, kasi ezali nde moto mpe moto yango azali Yesu Klisto oyo azali na biloko nyonso oyo tosengeli na yango na bomoi na biso kati naye.

Klisto azali nyonso mpona biso mpe na kati naye tozali na biloko nyonso oyo tazali na mposa na yango. Lokola ozali mwana na Nzambe, ozali na mposa ya kolula eloko ata moko te oyo ezali libanda ya Klisto. “Soki Nzambe akoki kopesa yo yango te, boye ezali na ntina te mpo na yo” (MD Wampayo).

Libondeli: Tata Nzambe, natondi yo na ndenge opesaka ngai nyonso nasengeli na yango na kati ya Klisto. Natye elikya na ngai epayi na Klisto, natye makanisi na ngai epayi na Ye mpe nandimi Ye mpona nyonso mpe kati na nyonso. Na nkombo oyo eleki nyonso na motuya, nkombo ya Yesu Klisto, nabondeli mpe nandimi, AMEN.