2 Timote 2
2
SOPENA 2.
1Suria iniho matuu oihauhaua me na tahonai hi? Kristo Iesu.
2Ra sanu orohora meau, ra tajua ra tari terohoe oirahu me ra tajua taharahu isei pinisi na pisera me ra valura tajua.
3Oilavilavi ra sanu hauhaua palaiau, pala ra tahajumu taharahu hi Kristo Iesu.
4Na tahajumu mosatapuna vea moalati hina varao hina rani tuitui, sura movarao tahonai me na varese hina.
5Na tajua momeje na rovo jivi mosalavi na volina vai mojomuture na leo hauhaua hina rovorovo.
6Na tajua tahavarao me na uma mohani voroia na vana.
7Oisininima ra sanu aaso; na Moli moveho oipinisi susuhi.
8Oininima Iesu Kristo, na tavu hi Tevit, motamaraha hina mate pala na Leo Tahonai moaso:
9Suria teveioso meau pala inau na tahaoso, tehajiriau; maa tesapinisi na hajiri na leo hi Atua.
10Suria alavi ra sanu hauhaua suri ra uluo hi Iesu, sura telavi na jolo me Kristo Iesu me na hale tuitui.
11Naano na aso taharahu: vai tomate valuia, tomauri pa valuia mono.
12Vai tolavi ra sanu hauhaua tuitui tolavilavi na vonana majamaja: vai toiria, moirija pa mono.
13Vai tosarohoroho, inie tomotoho taharahu; mosapinisi na tapuna iria.
14Oivera teninima ra sanu naa, oivaraira me na pahoi Atua tesajumu hina aso-tipa suria movei leelee ra tajua terohoe.
15Oitapumu varao sura oipala Atua momejeiho, na tahavarao isei mosatamatamalihi, molalaa tataholo na Leo hina Taharahu.
16Oiine na aso murimuri me na asotipa suria movei na sanu oso motavere.
17Na sera aso mopala na vosa-turi moharani; ihire Haimineus me Vailitus.
18Telaho pele me na rohoroho, teaso na tamaraha hina mate mosori mine; tepovi na rohoroho hira valura tajua.
19Maa na vuna peru hi Atua tomotoho hauhaua, tiuli suria, Na Moli mopinisi ra uluo hina, mono, Motahonai hire vunuvunu teaso na hisei Kristo telaho ture ra sanu oso.
20Me na pea tahajia na huro hina sule hahara, hina sule voe maa mono na huro hina hau, hina tano, valura tetahonai tohova, valura tetahonai taiti.
21Vai te tajua motapuna vea movoevoe ture ra sanu oso, mopala na huro tahonai, motapu, motahonai me na varese, movavanao suri ra varao tahonai vunuvunu.
22Oirovo ture ra sanu manomano-oso hira uluo; maa oilaho me na tahuna mauri tataholo, na rohoroho, na meje, na lolotamautu valuira teore na Moli hina lolovoe.
23Oi jurituhe ra tuhatuha tahamuri tahamuha suria oipinisi tevei na jumu.
24Na tahavarao hina Moli itena jumu; maa oitamautu me ra tajua vunuvunu, oisipinisi na pisahi, oilohoti tamautu.
25Me na tamautu oipise ra tajua tahahusahusahi, vai Atua morahu ta mera na jomi sura tepinisi susuhi na taharahu.
26Sura te-ori-mahari me na sihoi hina tamate isei lulutira ihisa momejeia.
Currently Selected:
2 Timote 2: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.