2 Timote 1
1
SOPENA 1.
1Paul na Varisula hi Iesu Kristo suria Atua momejeia, sura vetiveti na Mauri topasuae me Kristo Iesu,
2Me Timote na matuu amejeia; motahonai Atua Tamaja, me Kristo Iesu na Moli hija, moaso tahonai meho, na lolona momalumu meho, morahu na lolo-ta-mautu meho.
3Aitavere hina ejieji me Atua, avarao suria, pala ra tamau teveia, hina matunalolou tahavoe, me na hisa aninima niho, pala aivea tui tui, me ra seu matapisi me na pohi me na rani.
4Ameje tohova na reniho suria aninima ra tihisimu, sura aejieji tohova.
5Aninima na rohoroho taharahu oipisea, na rohoroho torenia majiha me puimu Lois me tinam Unisi, tomotoho naanoi, aninima meho mono.
6Suria avaraiho oisuviseri na rahuvuso hi Atua mopilam tau atataa ra haveu meho.
7Na Talume Atua morahu ta meja mosasulae sura veja toine maa sura tohauhaua, tomeje, totapuja varese hija.
8Suria oitena tamatamalihi suri na vetiveti hina Moli hija, e suriau na taha-auri: maa oilavi na sanu hauhaua meho valuiau suri na Leo Tahonai pala Atua motui-turituam.
9Atua moveja tojolo, mooreja me na varao tapu, mosavea sura voli ra sanu tovera, maa suria na lolona momalumu meja. Na loloi Atua momalum meja mine na ulu movaere.
10Maa movavaha me na havui suria na pilaja Tahajolo Iesu Kristo momalua, isei movei na Mate mosori, movei vavaha na jolo me na mauri rusi tuitui hina Leo Tahonai.
11Suria moveau na taha-lalaa, na varisula, na tijer me ra lolopohitupu.
12Suri ra sanu naa teveioso meau; maa asatamatamalihi suria apinisi nie isei arohoroho mea, aninima hauhaua mopinisi na mata ra sanu airahu mea me na rani natuha.
13Hijetoho ra leo taharahu orohora meau me na rohoroho me na meje hi Kristo Iesu.
14Na sanu tahonai morahu meho oimata susuhia hina Talume Tapu isei tomotoho me na loloja.
15Apinisi hire vunuvunu me Esia teliliu tureau: ihire Vijelus me Hermojenes.
16Motahonai na Moli mololomalumu me ra uluo hi Onesivorus; vahatari movei na lolou mojovi, mosatamatamalihi suri ra asi me ra haveu;
17Me na rani tomotoho me Romu motiroau tahajia, mopasuau.
18Motahonai na Moli mlolomalumu mea me na Rani Natuha; paleve motuiturituau vahatari me Evisus oipinisi susuhia.
Currently Selected:
2 Timote 1: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.