1 Timote 3
3
SOPENA 3.
1Vai te tajua momeje movarese hina lotu, momeje na sanu tahonai.
2Motahonai na varese hina lotu sapa te sanuoso mea, na tupuna na hajae motea, momata susuhia, tomonevu, momauri tahonai, na tajua hani rau rau, mopinisi na pisahi,
3Mosaoo na hae, mosajumu, mosatali pilana sule, mosiroroho hire,
4Movarese tahonai me na sipeana, ra matuna teroho mea;
5Suria vai te tajua mosavarese tahonai me na sipeana, paleve momata susuhi ra uluo hi Atua?
6Moso na tajua mo-varihi-paptais movarese, mosasehetia e moveioso pala na tamate.
7Motahonai inie na tajua isei ra tajua taha-toho-tipa teaso tahonai suria, e teaso oso suria, mojovi me sihoi hina tamate.
8Palahi ra varese teninima tamautu, mosa tajua jiuererua, mosaoo na hae, mosatali pilana sule;
9Molavi na sanu liholiho hina rohoroho hina matunalolona tahavoe,
10Motahonai ototapusira majiha; tau tevarao na varao hina varese taiti sapa te veioso mera.
11Motahonai ra tupura mono tetoho tamautu, tesaetieti, tetenevu, tetaharahu suri ra sanu vunuvunu.
12Motahonai na varese taiti motalahia me na hajae motea isei momata susuhi ra matuna me na sipeana.
13Hire tevarao susuhi na varao hina varese taiti me ra tajua teaso tahonai surira, tehauhaua me na rohoroho hi Iesu Kristo.
14Ra sanu naa aiulira ta meho, vahatea ameje na numai ta meho.
15Vai asasumai vileahi, oipinisi ra sanu motahonai oivera me na peai Atua, ra uluo hina Atua tahamauri, hire tepala na peru me na tano hina taharahu.
16Io, ra leo taharahu hina pilaja lotu teuloulo: Atua motapuna pisea me na epena tajua, motataholo me na talumena, ra enjel terenia, tevetiveti suria me ra lolopohitupu, ra tajua me na ulu terohoroho mea, ilavia motasahe me na vonae-majamajana.
Currently Selected:
1 Timote 3: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.