1 Timote 2
2
SOPENA 2.
1Majiha, aaso motahonai otomatapisi, otoaso tahonai, otoaso suri ra tajua vunuvunu;
2Suri ra moli me ra varese hina sanu tataholo vunuvunu; sura tomauri malumu, tomauri tamautu, tomauri tahonai me na tataholo.
3Suria na sanu naa motahonai me na pahoi Atua na Tahajolo hija, momejeia;
4Isei momeje ra tajua vunuvunu tejolo, momejeira tepinisi na taharahu.
5Suria Atua motea, motea moaso-tuiturituara me Atua, na tajua Kristo Iesu
6Isei motapuna rahu nie sura vahoro me ra tajua vunuvunu. Na sanu naa tosivetivetia.
7Suri na varao naa inau na Varisula, inau na tahalalaa (aaso taharahu, asalope) na tijer hira lolopohitupu me na rohoroho me na taharahu.
8Suria ameje ra tajua vunuvunu tematapisi, teau ra havera, na aso-jurae mojoa.
9Palahi mono ameje ra hajae teriri ra visivisira tamautu; tetinevu; moso tejavejave, tesamajamaja hina sule hahara, e na sule na volina motavere e na visivisi majamaja tohova.
10Maa, pala ra hajae telotu me Atua, temajamaja hina vei tahonai.
11Motahonai ra hajae teroho tamautu me ra pilara tijer,
12Asameje ra hajae hire ra tijer, asamejeira te-varese hira sanu tataholo; maa tetitoho tamautu.
13Suria Atam momajiha, me na tahuna Ivi.
14Mosajihae Atam, maa mojihae na hajae, tau moveioso.
15Maa ra hajae tejolo pa suria na palapala, vai hire tesajuri na rohoroho, na meje, na mauri tahonai, tetoho tamautu. Na lalaa naa motaharahu.
Currently Selected:
1 Timote 2: TLM9109
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
This is a historic text maintained by the British and Foreign Bible Society.