LIPOH 49
49
Jakob Yuchang
1Jakob-nü atsurüti dsibülung yocho, “I mükang püm ko aronungla nührü chah tu tikehnung hütsü yonung:
2“Jakob tsurüti, shibülung ko nyieng.
Nührü au Israel te nyieng.
3“Reuben, nüh I tsurü aukhuba,
nüh I tase ko I longde akhudiba tsurü.
I tsurü atümung yola akhacheh-u
ko re azehba.
4Nüh shühchi khong yaba kihloh kyo,
Ta nüh ayingba müthsanung,
Tunüo nühnü I ashamtpü te yüpko
ko nüu chongnong münyijüko.
5“Simeon e Levi nyüh jüninyü,
Arühnü arüh thsunohrü shühkhatohnungla bichire.
6Arüh rang chotala Ih müzehnung,
Mahkhang arüh lümtrümla mühzehnung,
Tunüo arühnü zichüro nyitsarü müpsehko,
Ko arüh künyangtade misüpungti letsuko.
7Arüh zichürochola chokehcholaang,
tunüo hütsü adrünung khüdu,
Arüh rihlongla chokehcholaang, tunüo hütsü khütang akhürah.
Ihnü arüh Israel jeng shupishuzasohnung.
Ihnü arüh nyitsarüti yola tsishosohnung.”
8“Juda, nü jünirütinü nüh senung.
Nühnü nü rorüh ahongnü rangcho.
Nü jünirütinü nü jingte mükhukehnung.
9 #
Khi 24.9; Mis 5.5 Juda tsü kihkhünying kyole,
Abi nyihrü kyüsehpü abi kulang thalire,
Müyungchüpü yüpjore.
Sünüsü abi küdrüdrü mülongmüzire.
10Juda-nü yangthsaba ja binung,
Ko abi trahnü lede yangthsanung.
Yuchotinü abi khyang roh-tüpnung,
ko ajingte mükhukehnung.
11Abinü agadu za shükusih chah xohchingre,
shükusih atsauba chah.
Abinü abi shü yongkha amoh shüh la thsüre.
12Anah tsü yongkha yongchonü amoh,
Aha tsü nyikih yongchonü athru.”
13“Zebulun kihdi te linung.
Abi kihbekhüm tsü kihkuh müdongchah kangnung.
Abi lurü tsü Sidon chihnung.”
14“Isakar tsü pümji anyüh kahla
müyungchüpü yüpjoba gadu kyole.
15Ta abinü kyahshangchah tsü tsa ngucho,
Ko alih tsü akhyünyünung.
Hütsünü abinü khe hinung arung mükhure.
Ko ayurü kyo khing nguchire.”
16“Dan tsü amüyurü michah yangthsanung.
Arüh tsü Israel hung apa kyo linung.
17Dan tsü langjüp mürü linung,
Langjüp müyüh mürü thsanung,
Hütsünü kuri thsühza mükyühnung,
Hütsükhu hütsü chah pümba tsü akhanglang dhichahchüpehnung.”
18Ih nüh anüchehba yingre, Abüdongba.
19“Gad tsü fükhohrü mülungnü benung,
Ta abinü ximüla arüh iinung.”
20“Asher lih lanü tsang bholo chüronung.
Abinü yangthsarünü tsuba adekheng tsang chixinung.”
21“Naftali tsü ayah atsa kehba,
shangchi rachiba shümüshü.”
22“Josef tsü kihna te rangmü gadu kyole,
ko azong chah rangmü gaduza kyole.
23Abi rorütinü abi zi becho.
Ko arüh singthsalu ko tbüdeng bipü abi iicho.
24Ta abi singthsalu drengdreng licho,
Ko abi kheh khahkhah licho.
Jakob Akohba Tsingrang ko Israel
tsungtiba san nyahba nüh.
25Hi nüu Tsingrang sünü nüh troro,
Akohba Tsingrang sünü nüh müwajüro
Amilang tsing ko alih yonglangnü kih züchehsoba amüwa.
Kanglungrü ko tsuzarü khütang müwajüba.
26Fürü ko yungpi amüwa,
Jümü azong amüwa ko achangka
müliba zong lanü akünyangnung kohroti.
Hiri amüwa hi Josef thah chah lisohng.
Amungrü tenü pathsa yohpüba chah lisohng.”
27“Benjamin tsü amünyo rangfü kyonung.
Anyangnyü ko amalang abinü müpsehre ko tsukhangre.”
28Hiri hi Israel hung dhüreanyüh ko arüh müipite yuchangjüde aunü aphishu yu yochoti lile.
Jakob Sücho ko Merangcho
29Hütsüpü Jakob-nü atsurüti te yuzengjo yocho, “Adelü Ih tpurü yang asülang würe, 30#Lip 23.3-20nührünü Ih Kanan lih la, Mamre nyüchürolang Makpela la Hit-rü Efron luh la lungkhi la tsü Iurü yola dhrürang. Abraham-nü hiba luh ko lungkhi hi merangji thsanung Efron te lihcho. 31#Lip 25.9-10; 35.29Abraham ko anitpü Sara hütsüla dhrürangcho; hütsüla Isak ko anitpü Rebeka dhrürangcho; ko Ihnü hütsüla Lea-sü dhrürangcho. 32Luh ko hütsüla lungkhi tsü Hit-rü te lihcho. Ih hütsüla dhrürang.” 33#R. Ngu 7.15Khode Jakob-nü atsurüti te yu changkacho, abinü khülukehcho ko amüci longcho.
Currently Selected:
LIPOH 49: SANGBSI
Tya elembo
Kabola
Copy
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.