Kenesis 30
30
1Im Rētyel yokesi yetūvī nĭtnĭ iran Iēkob ĭm Rētyel yĭmesĭgo avĭnsī eni, mō menūwi memokū, Ovo‐yx ōvun nĭtni kū en tawi ya amas. 2Im narakī eni Iēkob yĭmtū?-?gon ĭran Rētyel, miyi yenūwi memokū, Yx sugkū Nōbū kū? mori yĭmorūleki novūan ūnetnĭn marug kĭk.
3Miyi yenūwi memokū, Pah, Bĭlha nasiven torugat enyx, Eve ūnesog iran, miyi mori ampī ra numpūne?-?terĭn enyx, ĭm ya ampi nĭtni ugi iyi. 4Im Rētyel yovugi iyi Bĭlha nasiven torugat eni retepon eni, ĭm Iēkob yivē pugi ūnesog. 5Im Bĭlha yisara mō ĭmpī nĭtni iran Iēkob. 6Im Rētyel yenūwi memokū, Nōbū ūrian irag, mō morĭgi naviag mō movoyx nĭtni miyi yatov nin eni memokū Dan.
7Im Bĭlha nasivēn torugat eni Rētyel yivī nĭtni sī mōmū iran Iēkob. 8Im Rētyel yōmenūwi memokū. Ugi sxeseleko tamas yx mesxeseleko ūndū avūgsī, ĭm yx ĭm tantevakepe iran, miyi yatov nin eni memokū Naftalī.
9Im Lia yokili yetūvī nĭtni, miyi yĭmtōri Sĭlpa nasiven torugat eni Lia yivī nĭtni iran Iēkob. 10Im Lia yenūwi memokū, 11sī tentūrū umampelum, miyi yatov nin eni memokū Kad.
12Im Sĭlpa nasiven torugat eni Lia yōĭmpī sī nĭtni iran Iēkob; 13ĭm Lia yenūwi memokū, Popōwo ugi navos enyx irora ĭtōvasiven wonatov nin enyx magkū nevĭeves; miyi yatov nin eni memokū Asher.
14Im Rūben yivē ran dan sū woralekon whit mō mokesi ov novūan sī ūnavonavo, mīyi yivī ĭmpelum irora pugi Lia dĭneme eni ĭm Rētyel yenūwi pugi Lia memokū, ovo‐yx, ya‐kūm nesenug kĭk novūan mori eni nĭtum.
15Miyi yĭmtamsi pugi memokū, Kīmagkū virok ūnĭmtum worevī paroko‐yx asūg kū? Kĭk ampī novūan eni nĭtūg sugkū kū? Im Rētyel yenūwi mokū. It iyi onalē ūndū kĭk imō pūmrok ra novūan eni nĭtum.
16Im Iēkob ivelum yĭmnē ra netē nūrū pōarap, ĭm Lia yivē ilat worevetet iran, mō menūwi pugi memokū, Kĭk ampelum ūnēsog irag, ĭt ya okesēevasi kĭk ugi novūan eni nĭtūg. Miyi yalē ūndū iyi ĭma pūmrok.
17Im Iehōva yorĭgi Lia miyi yōĭmpī nĭtnĭ sūkrĭm‐ugi iran Iēkob. 18Im Lia yomenūwi memokū, Iēhōva osī movo‐yx nĭpmi enyx, popōwo yx movugi asūg nasiven torugat enyx; miyi yatov nin eni memokū Isakar.
19Im Lia yōmisar mō ĭmpī nĭtnī mĭsekīugi iran Iēkob. 20Im Lia yenūwi memokū, Iehōva yitalokugi po yx ov ĭtemas ves; marima asūg antĭndōwi ūndū yx, ĭt yx ĭmpī ov nĭtni ĭtnateman sĭkes iran; miyi yatov nin eni memokū Sebūlon. 21Penūri vōĭmpī nĭtnī ĭtnasiven mō matov nin eni memokū Dīna.
22Im Iehōva yentĭme Rētyel, ĭm Iehōva yorĭgi iyi, mō movugĭ iyi nĭtni eni. 23Miyi yisar mō ĭmpī nĭtni mō menūwi memokū, Iehōva yivī pelah narumprum enyx. 24Miyi yatov nin eni memokū, Yōsef, memokū Iehōva ampo‐yx nĭtni sī mōmū.
25Mō metepū pol sugkū Rētyel yĭpmevī Yōsef eni Iēkob, Iēkob yenūwi pugi Lēban memokū, Tenĭmpe yx ĭm ya ampe ra nūrū enyx; 26tenĭmpe po yx ōvun retūg, mōvun nĭtūgeme nĭsekonda mori yx mĭntorugat iran, īm tenĭmpe yx woreve, ĭt e kĭk emagkili ov numpūrah sū enyx morĭ yx numpi nĭsekom.
27Im Lēban yenūwi pugi memokū, Ya kum mĭntagkelok nagkū kĭk emagkū aremī orokote lap wi, ĭt ya kum magkū magkili ma Iehōva yivīeves yx popōwo ugi kīk. 28Miyi yōmenūwi memokū, Kĭmagkūn‐tiē ugi nĭpmi enugkĭk, enūwi po yx ĭm ya ampunok.
29Miyi yenūwi pugi memokū, Kĭk emagkili nokowo yx mĭntorugat iram, ĭm nokowo ovnūrah sū enugkĭk dūti dal yx. 30It nōete enugkĭk ūrekĭs ra nĭmpugon yx ĭmpelum punok, kō marima nōete enugkĭk apa. Iehōva yivīeves kĭk polekū yx marokote ūndū kĭk, ĭm nĭgī ya antipe nōetē nĭsekonda ra mumpon nimō enyx?
31Miyi yĭmtamsi memokū, Tiē ya ampun‐ok? Im Iēkob yōmenūwi, memokū, kĭk otū ampo‐yx sī en tiē sī, nagkū kĭk onumpi imō nĭsekog ya antĭndōwi mō mavos, ya ofĭnte ōvun sĭmsĭmak sū enugkĭk. 32Ya avan irē ĭlebōteven sĭmsĭmak sū enugkĭk mō mantipē pelah ōvun niuriur, ĭm tasĭgi‐tasĭgi, īm navilara, dal irora ovun pugipugi, mōvun tasĭgi‐tasĭgi, mōvun niuriur dal irora ōvun nani, mirora mori wanti nĭpmi enyx. 33Im tanepō enyx antesūwī nĭsekog ran dan ampelum nĭmpugon irora wampelum ūnĭmtum nĭpmi enyx; omwisū mori tawi niuriur ĭm tasĭgi‐tasĭgi dal irora ōvun nani, ĭm navilara dal ōvun pugipugi sū enyx, irora mori wanti numprok.
34Im Lēban yĭmtamsi memokū, Pah aremī nagkū antepū sugkū nam enugkĭk. 35Ran dan mori iyi yetipe pelah ōvun nani ĭtnateman toritori ĭm niuriur, mov nani itnasiven niuriur ĭm tasĭgi‐tasĭgi, momwisū gi tasĭgi nesebo mirora navilara dal irora ov nĭtni ōvun pugipugi, mō movugi ōvun nĭtnĭme eni. 36Miyi yetipe woravan dan desel ĭlebōteven iyi ĭm Iēkob; ĭm Iēkob yovugon‐ōra ōvun sĭmsĭmak sū eni Lēban.
37Im Iēkob yivī telie‐nē poplar ĭterĭmtē, mō marugi nē hēsel ĭm yesnut, mō metipe memsara ra nesebo iranda, yumpi woretūratumpeni nesebo ūnesog irora. 38Miyi yetipe telie‐nē mori ūnimĭnda ōvun sĭmsĭmak sū ra nxipe ĭm ra nūrah sū woromoneki pol sugkū ōvun sĭmsĭmak sū dūve woromoneki nū ma irora wonati potni worisa ra nĭmpugon dūve woromoneki. 39Mōvun sĭmsĭmak sū dūsar, ra mokoren ōvun telie‐nē mō mūvī nĭtĭn deme toritori ĭm nelumelum ĭm niuriur.
40Im Iēkob yitampoli ōvun ĭtni pugipugi, mō metipe ov nimĭnda sĭmsĭmak sū mesareki ov navilara mōvum tōritori dal irora sĭmsĭmak eni Lēban; miyi yetipe pelah sĭmsĭmak eni, metū tipe dal ōvun sĭmsĭmak sū eni Lēban. 41Mō metepū pol sugkū ov nūrah mori horog ra sĭmsĭmak dūsar Iēkob yetipe telie‐nē ūnimĭnda ov nūrah sū ra nxipe ma irora wosar ra nokoren ōvun telie‐nē. 42Im nĭmpugon ov nūrah sū dūmūremlĭmlū yetūtipe ōvun telie‐nē, mōvun neteremlĭmlū eni Lēban, mōvun morugo eni Iēkob.
43Miyi neteme mori yetepū horogesah tamas dūti ov nūrah sū sikat eni, mōvun torugat ĭtnasiven, mōvun torugat ĭtnateman mōvun kamel mōvun as.
Published by the British and Foreign Bible Society: Genesis in 1914, and Ruth in 1932.
