Kenesis 29
29
1Im Iēkob yavan ra selat eni mō ĭmpe ra nūrū en irora ōveteme ūnūrū. 2Miyi yokesi ĭm pah, nū‐ĭtokeli ra sī nūrū, mōvun sĭmsĭmak en desel ra ōvun pugi‐pugi dūmalē ra nokoren pe, marugi nū‐ĭtokeli mori ōveteme dūvun‐ora ōvun sĭmsĭmak sū nū, ĭm nevat tamas yeti ra naveran eni nū‐ĭtokeli. 3Mōvun sĭmsĭmak dūsĭmsĭm?-?ugi yūi, dūovolevoli nevat ra naveran nū‐ĭtokeli mō movun‐ora ōvun sĭmsĭmak nū mō mūtipe nevat ran tan naveran nū‐ĭtokeli ra nūrūn pe.
4Im Iēkob yenūwi pun ōra memokū, Ravūgeme, kūm nēa? Mirora dūtamsi mūmokū, Kā ke lemnē Hēran. 5Miyi yĭmtagkel‐ōra memokū, Kĭmi umagkili Lēban nĭtni eni Nēhor kū? Mirora dūtamsi mūmokū, Ka kĭm lagkili iyi. 6Miyi yōmenūwi pun ōra memokū, Iyi ra nĭnparata kū? Mirora dūtamsi mūmokū, Nĭnparata, ĭm pah Rētyel, nĭtni ĭtnasiven eni, umprokevelum dal ōvun sĭmsĭmak.
7Miyi yōmenūwi memokū, Pah, pōakas wokon, aremī mesĭmsĭmok‐onda ov nūrah sū marima kū? Miyi yōmenūwi memokū Uvun‐ōra ōvun sĭmsĭmak nū mō mūve worevōvū. 8Mirora dūnūwi, Ka ke letū faneteme mafeli nĭmpugon sĭmsĭmak sū wosĭmsĭmok‐onda, pol ka ke lenevolevoli nevat marugi naveran nū‐ĭtokeli, ĭm ka ke lampun‐ōra ōvun pugipugi nū.
9Polekū iyi yumprokam pun ōra Rētyel ivelum dal ōvun sĭmsĭmak sū eni ĭtemen, ĭt iyi yafĭnte irora. 10Mō metepū pol sugkū Iēkob yokesi Rētyel nĭtni eni Lēban, avĭnsī eni dĭneme eni Iēkob, yive potipot mō mevolevoli nevat marugi naveran nū‐ĭtokeli mō movugi sĭmsĭmak eni avĭnsī dĭneme eni nū. 11Im Iēkob yĭmsūgū iran Rētyel, mō ĭm tugageri sah. 12Im Iēkob yenūatumpeni pugi Rētyel memokū iyi avĭnsī eni dĭ neme eni, nĭtni eni Rebeka; ĭm Rētyel yalō mō manūatumpeni pugi ĭtemen eni.
13Mō metepū pol sugkū Lēban yorĭgi nam ugi Iēkob nĭtni eni vĭven, iyi yalō worevetĭt iran miyi yĭmalekep mō ĭm sūgū iran, mō ĭmtōri ra nimō eni. Miyi yitampĭgi imo sū pugi Lēban. 14Im Lēban yenūwi pugi memokū, Itnesog kĭk oti nōirag ĭm fan enyx. Im Iēkob yetĭndōwi ūndū iyi sī itīs omwi sū.
15Im Lēban yōmenūwi yugi Iēkob memokū, Popōwo kĭk oti avĭnsī yx kĭk otū ontarugat irag wokon, Enūwi po yx, antĭn nevasi enugkĭk, Kĭmagkūn‐tiē? 16Nĭtni ĭtnasiven en durū eni Lēban, nin eni ĭtnetemefi Lia, ĭm nin eni ĭtevirok Rētyel. 17Nĭpmi eni Lia yeti nĭmtumdi, kō Rētyel yeti fanasiven, yalepēves. 18Im Iēkob yelīntugi Rētyel mō menūwi memokū, ya ontarugat iram nevi sū seven ra Rētyel nĭtni ĭtnasiven ĭtevirok enugkĭk. 19Im Lēban yōmenūwi memokū, Mōmū aremī worovunok iyi ra neteme sī, Etĭndōwi ūndū yx. 20Im Iēkob yitorugat iran nevi sū seven ra Rētyel, miyi yimokū irora nĭmpugon potipot popōwo ugi nelĭntugi eni nĭsekon Rētyel.
21Im Iēkob yenūwi pugi Lēban, Ovo‐yx retepon enyx, ĭt yx mĭntampeli dan sū woretorugat iram, ĭm ya ampe ūnesog iran. 22Im Lēban yesĭmsĭmok‐onda ōveteme sū ra nūrū mori mō mumpi narĭgari. 23Mō metepū ra pōarap‐arap iyi yivī Lia nĭtni ĭtnasiven eni mō ĭmtōri pugi. Im Iēkob ivē ūnesog pugi. 24Im Lēban yovugi Lia nĭtni eni Sĭlpa ĭtnumpōkon eni woreti nasiven torugat eni Lia.
25Mō metepū prūbokom, pah, Lia; ĭm Iēkob yōmenūwi pugi Leban memokū, Tiē imō kumpi irag? Yx ĭm torugat iram ra Rētyel kū? Irantie kĭm nĭmpiri‐woko?-?yx? 26Im Lēban yĭmtamsi memokū, Ra nūrū kam ka ke letū ampugi nĭtni ĭtevirok mam‐pum; 27okompeli wik eni ĭm ka ke lampunok iyi mori sugkū, ĭm kĭk ontarugat irag nevi sū seven mōmū.
28Im Iēkob yumpi sugkū mō mokompeli wik eni Rētyel, ĭm Lēban yovugi iyi Rētyel nĭtni eni nĭsekon retepon eni Iēkob. 29Im Iēkob yovugi Rētyel nĭtni eni Bĭlha ĭtnumpokon eni ra nasiven torugat eni Rētyel. 30Miyi yive ūnesog iran Rētyel, miyi yelĭntugi Rētyel mōmū aremī ra Lia, mō ĭm torugat iran Lēban, nevi sū seven mōmū.
31Im Iehōva yokesi ma Lia yeti nokesisat, miyi yovugi nĭtni, kō Rētyel yeti umlat. 32Im Lia yisara mōĭmpī nĭtni mō matov nin eni memokū, Rūben, ĭt iyi yenūwi memokū, itnesog, Iehōva yokesi norĭg‐umpūnū enyx, ĭm marima asūg onelĭntugi yx.
33Miyi yōmisara mō ĭmpī nĭtni mō menūwi memokū, Iehōva yorĭgi ugi nokesi sat po yx ĭt iyi yovo‐yx imō sugkū, miyi yatov nin eni memokū Sĭmion.
34Miyi yōĭmpī nĭtni sī mōmū mō menūwi memokū, Imō nĭmpugon asūg onelĭntugi yx tamas, ĭt yx mevī iran nĭtnĭ en desel, popōwo pe sugkū sī yatov nin eni memokū Livī.
35Miyi yōĭmpĭ nĭtni sī mōmū mō menūwi memokū, Nĭmpugon marima ya onaaves Iehōva, popōwo pe sugkū yatov nin eni memokū Yūda: miyi yōmetūvī nĭtni.
Published by the British and Foreign Bible Society: Genesis in 1914, and Ruth in 1932.
