Kenesis 28
28
1Im Isak yovrugi Iēkob mō ĭmpīeves iyi mō mĭmpase?-?wugi memokū kĭk otū ampī retepon enugkĭk ra ĭtōvasiven Kēnan. 2Etūok meve ra Padanaram ra nimō eni Betūel mori ĭtemen eni dĭnum mō ĭmpī retepon enugkĭk ra ōvun nĭtnĭme eni Lēban avĭnsī eni dĭneme kĭk; 3ĭm Nōbū ra nūsian ugo sū pīeves kĭk, mumpi kĭk woretandamsah, melegetevtevi kĭk sĭmsĭmak nūsian ra ōvun numpūn lō sū; 4mō movunok nevīeves oni Ebraham, mov novsen enugkĭk ūndū kĭk; mō movunok nemap mori yūi kĭk oti dōmō, nūrū mori Iehōva yovugi Ebraham.
5Im Isak yĭmtamūli pelah Iēkob, miyi yive ra Padanaram pugi Lēban nĭtni eni Betūel mori neteme Sĭria, miyi avĭnsī eni Rebeka dineme eni Iēkob ĭm Iso.
6Pol sugkū Iso yokesi ma Isak yivīeves eni Iēkob mō ĭmtamūli iyi ra Padanaram worevī retepon eni marugi nūrū yūi, ĭm pol sugkū yivī e ves iyi yĭmpasewugi memokū, 7Kĭk otū ampī retepon ra ĭtōvasiven Kēnan, ĭm Iēkob yĭmsĭndiuki ĭtemen eni ĭm dĭneme eni mō ĭmpe ra Padanarum; 8Iso pol sugkū iyi yokesi ma Isak yokesĭndi iranda ĭtōvasiven ra Kēnan. 9Iso yive pugi Ismēel mō mesepen nevī eni nasiven sī mōmū, nin eni Mahalat nĭtni eni Ismēel mori nĭtni eni Ebraham, ĭm vĭven eni Nebēōt retepon eni.
10Im Iēkob yive ilat yĭmnē ra Birsiba mō ĭmpe ra Hēran. 11Miyi yive ra nūrū mori iyi yalē lap pūmrok, popōwo nĭpmĭnen yimyep; miyi yivī ōvun nevat ra nūrū mori mō metipe irora nĭmsĭn woretamperak eni mō malē ra nūrū mori worelēepō.
12Miyi yemĭviak ĭm pah nōrĭvsx yeti netipe ra nemap, ĭm nūvan‐e‐pe ra pōkop, ĭm pah ōvun agelō eni Iehōva dūmprokōī sah mūiyep mō mūlesi sah nūsah. 13Im pah Iehōva yevietūrū yūi mō menūwi memokū, Yx Iehōva Nōbū eni Ebraham, ĭtemen‐e‐kĭk, ĭm Nōbū eni Isak; nemap mōri ran tan pe kĭk umnalē‐wi ya kampunok mov novsen enugkĭk. 14Mov novsen enugkĭk wanti sugkū navivon nemap, ĭm kĭk amkoreve nelekumpeni mūnūrū ĭm nempatap ĭm nempak; mugi kĭk ĭm novsen enugkĭk wanti nevīeves ov numpūn lō sū ra nemap. 15Im pah ya oti ūndū kĭk mō mafĭnte kĭk ra nūrū sū kĭk ampe mō mĭntōrok ra nūrū ĭgko, ĭt ya otū awi kĭk mafeli nĭmpugon ya onekompeli imō nĭsekom mori yx menūwi pug kĭk.
16Im Iēkob yevsora mō menūwi memokū, It nesog Iehōva oti ra imō nūrū ĭm ya otū kili pe. 17Miyi yĭmtetugi mō menūwi memokū, Pah oti nūrū ūntam ĭgko; ĭtnesog imō oti nimō eni Nōbū, mimō pūketampet ra pōkop.
18Im Iēkob yĭmtūok ra numtĭn dan mō ĭmpī nevat mori iyi yetipe nĭmsĭn woretamperak eni, metipe sugkū pĭlar momwosĭlĭgi dumpon ran tan pe mori. 19Miyi yatov nin nūrū mori memokū Betel, ĭm nĭn e pe ra nōbum ūntĭmne yeti Lus.
20Im Isak yenūwi nam ūnam memokū, Nagkū Nōbū anti manti ūndū yx, mō mafinte yx ra selat mori ya kum mampe, mō mampo‐yx yōūp woreni ĭm nemas worevī‐ugi, 21sugkū ya antorĭleki ra nimō eni dĭneme yx ra nĭnparata, 22Iehōva anti Nōbū enyx, mimō nevat mori ya otipe ra pĭlar anti nimō eni Iehōva, mō marugi omwisū mori kĭk ampo‐yx, ĭtnesog ya ampunok sīugi ra narolĭm‐go.
Published by the British and Foreign Bible Society: Genesis in 1914, and Ruth in 1932.
