پێدایش 36
36
ایسّوئے نَسل و پَدرێچ
1ایسّو که آییئے دومی نام اِدوم اَت، آییئے نَسل و پَدرێچئے کِسّه چُش اِنت:
2ایسّوا دو کَنهانی جَن گِپت، یکّێئے نام آدَه اَت و یکّێئے نام اُهولیبامَه. آدَه ایلون هیتّیئے جنکّ اَت و اُهولیبامَه اَنائے جنکّ و سِبون هێویئے نُماسگ اَت. 3ایسّوئے سئیمی جَنئے نام بَسێمَت اَت. بَسێمَت اِسماێلئے جنکّ و نِبایوتئے گهار اَت. 4ایسّوئے چُکّ اِلیپاز چه آدَها پێدا بوت و رئوێل چه بَسێمَتا. 5یَهوش و یَهلام و کۆرا چه اُهولیبامَها پێدا بوتنت. اِش اَتنت ایسّوئے مردێن‌چُکّ که کَنهانئے سرڈگارا پێدا بوتنت.
6ایسّوا وتی جَن و بَچّ و جنکّ و لۆگئے سجّهێن مردم، وتی مال و دَلوَت و جانوَر و هرچے که آییا کَنهانا چِتگ و نَزّ آورتگ‌اَت، گۆن وت زُرتنت و چه وتی برات آکوبا دور دگه مُلکێا شت. 7آیانی مال و هستی سکّ باز اَتنت، پمێشکا هۆر نِشتِش نکرت، چێا که زمین و کَهچر په آیانی رمگ و گۆرُمان بَسَّ نبوت. 8گڑا ایسّو بزان اِدوم، سَهیرئے کۆهستگا جَهمنند بوت.
9سَهیرئے کۆهستگئے اِدومیانی بُنپیرُک ایسّوئے نَسل و پَدرێچئے کِسّه چُش اِنت: 10ایسّوئے مردێن‌چُکّانی نام اِش اَنت:
اِلیپاز که ایسّو و آدَهئے چُکّ اَت، رئوێل که ایسّو و بَسێمَتئے چُکّ اَت.
11اِلیپازئے مردێن‌چُکّ تیمان و اومار و سِپو و گَتام و کِناز اَتنت. 12ایسّوئے چُکّ اِلیپازا سُریَتے هست‌اَت که نامی تِمنَه اَت و اِلیپازئے چُکّ اَمالیک چه هماییا پێدا بوت. ایسّوئے جَن آدَهئے اۆبادَگ همِش اَتنت.
13رئوێلئے مردێن‌چُکّ نَهات و زارَه و شَمّا و مِزّا اَتنت. ایسّوئے جَن بَسێمَتئے اۆبادَگ همِش اَتنت.
14ایسّوئے جَن اُهولیبامَه، اَنائے جنکّ و سِبونئے نماسگ اَت. یَهوش و یَهلام و کۆرا ایسّوئے هما مردێن‌چُکّ اَتنت که چه اُهولیبامَها پێدا بوتگ‌اَتنت.
اِدومئے ٹَکّ و بادشاه
15بنی ایسّوئے ٹَکّانی سردار:
اے سردار، ایسّوئے ائولی چُکّ اِلیپازئے مردێن‌چُکّ اَتنت: تیمان و اومار و سِپو و کِناز و 16کۆرا و گَتام و اَمالیک. اِدومئے سرڈگارا اِلیپازئے ٹَکّانی سردار همِش اَتنت. اے آدَهئے اۆبادگ اَتنت.
17ایسّوئے چُکّ رئوێلئے مردێن‌چُکّ که ٹَکّانی سردار بوتنت، اِش اَنت: نَهات و زارَه و شَمّا و مِزّا. اے اِدومئے سرڈگارا رئوێلئے ٹَکّانی سردار اَتنت و ایسّوئے جَن بَسێمَتئے اۆبادَگ اَتنت.
18ایسّو و آییئے جَن اُهولیبامَهئے مردێن‌چُکّ که سردار بوتنت، اِش اَنت: یَهوش و یَهلام و کۆرا. اے هما ٹَکّانی سردار اَتنت که چه ایسّوئے جَن اُهولیبامَها پێدا بوتنت. اُهولیبامَه، اَنائے جنکّ اَت. 19اے، ایسّوئے، بزان اِدومئے مردێن‌چُکّ اَتنت که هر یکّے وتی ٹَکّئے سردار بوت.
هۆرایی ٹَکّانی سردار
20سَهیر هۆراییئے مردێن‌چُکّ که آ مُلکا نِندۆک اَتنت، اِش اَنت: لوتان و شوبال و سِبون و اَنا و 21دیشون و اِسِر و دیشان. سَهیرئے اے چُکّ اِدومئے سرڈگارا هۆرایی ٹَکّانی سردار اَتنت.
22هۆری و هێمام، لوتانئے مردێن‌چُکّ اَتنت. تِمنَه، لوتانئے گهار اَت.
23شوبالئے مردێن‌چُکّ اَلوان و مَنَهات و اێبال و شِپو و اۆنام اَتنت.
24سِبونئے مردێن‌چُکّ ائیا و اَنا اَتنت. اے هما اَنا اِنت که وتی پت زِبیانئے هرانی چارێنگئے وهدا گیابانا گرمێن چمّگی در گێتکنت. 25اَنائے مَردێن‌چُکّ دیشون اَت و جنێن‌چُکّ اُهولیبامَه.
26دیشونئے مردێن‌چُکّ هِمدان و اِشبان و اِتران و کِران اَتنت.
27اِسِرئے مردێن‌چُکّ بِلهان و زاوان و اَکان اَتنت.
28دیشانئے مردێن‌چُکّ اوز و اَران اَتنت.
29هۆرایی ٹَکّانی سردار اِش اَتنت: لوتان و شوبال و سِبون و اَنا و 30دیشون و اِسِر و دیشان. سَهیرئے سرڈگارا هۆرایی ٹَکّانی سردار یکّ یکّا همِش اَتنت.
اِدومئے بادشاه
31اے هما بادشاه اَتنت که اِدومئے مُلکا بادشاهی‌اِش کرت. چه اِد و پێسر اِسراییلیانی سرا بادشاهێا هاکمی نکرتگ‌اَت. 32بِهورئے مردێن‌چُکّ بێلَها مان اِدوما بادشاهی کرت. بێلَهئے شهرئے نام دینابَه اَت. 33چه بێلَهئے مَرکا رند، زارَهئے مردێن‌چُکّ یوباب آییئے جاها بادشاهیا نِشت. یوباب بُسرَهئے مردمے اَت. 34یوبابئے مَرکا رند هۆشام آییئے جاها بادشاه بوت. هۆشام تیمانیانی مُلکئے مردمے اَت. 35هۆشامئے مَرکا رند بِدادئے مردێن‌چُکّ هَداد، هۆشامئے جاها بادشاه بوت. اے هما هَداد اَت که موآبئے دشتا میدیانی‌ای جَتنت. هَدادئے شهرئے نام ائویت اَت. 36هَدادئے مَرکا رند سَملَه، هَدادئے جاها بادشاه بوت. سَملَه مَسریکَهئے مردمے اَت. 37سَملَهئے مَرکا رند شاوول، سَملَهئے جاها بادشاه بوت. شاوول رَهوبوتئے مردمے اَت. رَهوبوت پَراتئے کئورئے کرّا اِنت. 38شاوولئے مَرکا رند اَکبورئے مردێن‌چُکّ بَهَل‌هانان شاوولئے جاها بادشاه بوت. 39اَکبورئے چُکّ بَهَل‌هانانئے مَرکا رند هَداد آییئے جاها بادشاه بوت. هَدادئے شهرئے نام پاهو اَت و جَنئے نامی مِهتَبِل اَت. مِهتَبِل، مَترِدئے جنکّ اَت و مَترِد میزاهَبئے جنکّ.
40اے، ایسّوئے ٹَکّانی سردار اَتنت. آیانی نام، ٹَکّ و دَمگانی رِد و بندئے هسابا تِمنَه و اَلوَه و اَتیت و 41اُهولیبامَه و اێلَه و پینون و 42کِناز و تیمان و مِبزار و 43مَگدێل و ایرام اَتنت. اے وتی هلک و مێتگانی هسابا اِدومئے ٹَکّانی سردار اَتنت، هما مُلکا که آیانی وتی مِلکت اَت. اے، اِدومیانی بُنپیرُک ایسّوئے پَدرێچ اَت.
© 2016-22 Wycliffe Bible Translators, Inc.
