ទំនុកតម្កើង 4

សេចក្ដីសុខសាន្តជារបស់ព្រះយេហូវ៉ា

បទតម្កើងរបស់ដាវីឌ សម្រាប់អ្នកដឹកនាំចម្រៀង ត្រូវលេងដោយគ្រឿងតន្ត្រីមានខ្សែ។

1ព្រះនៃសេចក្ដីសុចរិតរបស់ទូលបង្គំអើយ

នៅពេលទូលបង្គំស្រែកហៅ សូមឆ្លើយមកទូលបង្គំផង!

ព្រះអង្គបានធ្វើឲ្យទូលបង្គំធូរស្បើយពីទុក្ខវេទនា។

សូមមេត្តាដល់ទូលបង្គំ ហើយសណ្ដាប់ពាក្យអធិស្ឋានរបស់ទូលបង្គំផង!

2ពួកអ្នកធំអើយ

តើសិរីរុងរឿងរបស់ខ្ញុំត្រឡប់ជាសេចក្ដីអាម៉ាស់ដល់ពេលណា?

តើអ្នករាល់គ្នានឹងស្រឡាញ់ការឥតបានការ

ហើយស្វែងរកសេចក្ដីភូតភរដល់ពេលណា?

សេឡា

3ចូរដឹងថា ព្រះយេហូវ៉ាបានញែកយកវិសុទ្ធជនសម្រាប់អង្គទ្រង់ស្រាប់ហើយ។

នៅពេលខ្ញុំស្រែកហៅព្រះយេហូវ៉ា ព្រះអង្គតែងតែសណ្ដាប់ជានិច្ច។

4ពេលខឹង#4:4 ខឹង―ន័យត្រង់គឺ “ញ័រ”។ ក៏កុំប្រព្រឹត្តបាប;

ពេលនៅលើគ្រែ ចូរសញ្ជឹងគិតក្នុងចិត្តរបស់ខ្លួន ហើយនៅស្ងៀមចុះ។

សេឡា

5ចូរថ្វាយយញ្ញបូជានៃសេចក្ដីសុចរិត

ហើយជឿទុកចិត្តលើព្រះយេហូវ៉ាចុះ។

6មានមនុស្សជាច្រើននិយាយថា៖ “តើនរណាអាចបង្ហាញឲ្យយើងឃើញការល្អ?”។

ព្រះយេហូវ៉ាអើយ សូមឲ្យពន្លឺនៃព្រះភក្ត្ររបស់ព្រះអង្គភ្លឺមកលើយើងខ្ញុំផង។

7ព្រះអង្គបានដាក់អំណរក្នុងចិត្តរបស់ខ្ញុំ

លើសជាងអំណររបស់គេក្នុងរដូវសម្បូរស្រូវ និងស្រាទំពាំងបាយជូរថ្មីទៅទៀត។

8ខ្ញុំនឹងដេក ហើយលង់លក់ដោយសុខសាន្ត

ដ្បិតគឺព្រះយេហូវ៉ាតែមួយអង្គគត់ដែលធ្វើឲ្យខ្ញុំរស់នៅដោយសុខដុមរមនា៕

ទើបបានជ្រើសរើសហើយ៖

ទំនុកតម្កើង 4: GKHB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
ទំនុកតម្កើង 4