ទំនុកតម្កើង 29
29
ឫទ្ធានុភាពរបស់ព្រះ
បទតម្កើងរបស់ដាវីឌ។
1កូនទាំងឡាយរបស់ព្រះអើយ ចូរថ្វាយដល់ព្រះយេហូវ៉ា
ចូរថ្វាយសិរីរុងរឿង និងឫទ្ធានុភាពដល់ព្រះយេហូវ៉ា!
2ចូរថ្វាយដល់ព្រះយេហូវ៉ានូវសិរីរុងរឿងនៃព្រះនាមរបស់ព្រះអង្គ
ចូរថ្វាយបង្គំព្រះយេហូវ៉ាក្នុងភាពរុងរឿងនៃភាពវិសុទ្ធ#29:2 ចូរថ្វាយបង្គំព្រះយេហូវ៉ាក្នុងភាពរុងរឿងនៃភាពវិសុទ្ធ―ឬ “ចូរថ្វាយបង្គំព្រះយេហូវ៉ាដ៏មានភាពរុងរឿងនៃភាពវិសុទ្ធ”។។
3ព្រះសូរសៀងរបស់ព្រះយេហូវ៉ានៅលើទឹក
ព្រះនៃសិរីរុងរឿងបញ្ចេញផ្គរលាន់
ព្រះយេហូវ៉ាគង់នៅលើទឹកដ៏ច្រើន។
4ព្រះសូរសៀងរបស់ព្រះយេហូវ៉ាមានឫទ្ធិអំណាច
ព្រះសូរសៀងរបស់ព្រះយេហូវ៉ាមានអានុភាព
5ព្រះសូរសៀងរបស់ព្រះយេហូវ៉ាបំបាក់ដើមស៊ីដា
ព្រះយេហូវ៉ាបំបាក់ដើមស៊ីដានៅលីបង់។
6ព្រះអង្គទ្រង់ធ្វើឲ្យលីបង់លោតកញ្ឆេងដូចកូនគោ
ក៏ធ្វើឲ្យស៊ីរានលោតកញ្ឆេងដូចកូនគោព្រៃ#29:6 ព្រះអង្គទ្រង់ធ្វើឲ្យលីបង់លោតកញ្ឆេងដូចកូនគោ ក៏ធ្វើឲ្យស៊ីរានលោតកញ្ឆេងដូចកូនគោព្រៃ―ឬ “ព្រះអង្គទ្រង់ធ្វើឲ្យលីបង់ និងស៊ីរានលោតកញ្ឆេងដូចកូនគោ ក៏ធ្វើឲ្យពួកគេលោតកញ្ឆេងដូចកូនគោព្រៃ”។។
7ព្រះសូរសៀងរបស់ព្រះយេហូវ៉ាដាប់ឲ្យចេញជាអណ្ដាតភ្លើង
8ព្រះសូរសៀងរបស់ព្រះយេហូវ៉ាធ្វើឲ្យទីរហោស្ថានរញ្ជួយ
ព្រះយេហូវ៉ាទ្រង់ធ្វើឲ្យទីរហោស្ថានកាដេសរញ្ជួយ។
9ព្រះសូរសៀងរបស់ព្រះយេហូវ៉ាធ្វើឲ្យក្ដាន់ញីកើតកូន ហើយធ្វើឲ្យព្រៃអស់រលីង។
នៅក្នុងព្រះវិហាររបស់ព្រះអង្គ អ្វីៗទាំងអស់ស្រែកឡើងថា៖ “សិរីរុងរឿង!”។
10ព្រះយេហូវ៉ាគង់លើទឹកជំនន់
ព្រះយេហូវ៉ាគង់លើបល្ល័ង្កជាស្ដេច ជារៀងរហូត។
11ព្រះយេហូវ៉ាប្រទានកម្លាំងដល់ប្រជារាស្ត្ររបស់ព្រះអង្គ
ព្រះយេហូវ៉ាប្រទានពរប្រជារាស្ត្ររបស់ព្រះអង្គជាសេចក្ដីសុខសាន្ត៕
ទើបបានជ្រើសរើសហើយ៖
ទំនុកតម្កើង 29: GKHB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
GLOBAL KHMER BIBLE©
Copyright © 2023 by Global Bible Initiative