ទំនុកតម្កើង 23

ព្រះជាអ្នកគង្វាលរបស់ខ្ញុំ

បទតម្កើងរបស់ដាវីឌ។

1ព្រះយេហូវ៉ាជាអ្នកគង្វាលរបស់ខ្ញុំ

ខ្ញុំមិនខ្វះអ្វីឡើយ។

2ព្រះអង្គទ្រង់ឲ្យខ្ញុំដេកសម្រាកនៅវាលស្មៅខៀវខ្ចី

ព្រះអង្គទ្រង់នាំខ្ញុំទៅក្បែរទឹកស្ងប់ស្ងៀម។

3ព្រះអង្គទ្រង់ធ្វើឲ្យព្រលឹងរបស់ខ្ញុំបានដូចដើមវិញ#23:3 បានដូចដើមវិញ―ឬ “ត្រឡប់មកវិញ”។

ព្រះអង្គទ្រង់នាំខ្ញុំតាមផ្លូវនៃសេចក្ដីសុចរិត ដោយយល់ដល់ព្រះនាមរបស់ព្រះអង្គ។

4ទោះបីជាទូលបង្គំដើរក្នុងជ្រលងភ្នំស្រមោលនៃសេចក្ដីស្លាប់ក៏ដោយ ក៏ទូលបង្គំមិនខ្លាចមហន្តរាយឡើយ

ដ្បិតព្រះអង្គគង់នៅជាមួយទូលបង្គំ;

ដំបង និងឈើច្រត់របស់ព្រះអង្គកម្សាន្តចិត្តទូលបង្គំ។

5ព្រះអង្គរៀបតុអាហារនៅមុខទូលបង្គំ នៅចំពោះពួកសត្រូវរបស់ទូលបង្គំ

ព្រះអង្គលាបប្រេងលើក្បាលទូលបង្គំ;

ពែងទូលបង្គំក៏ពេញហូរហៀរ។

6ប្រាកដជាសេចក្ដីល្អ និងសេចក្ដីស្រឡាញ់ឥតប្រែប្រួល នឹងដេញតាមខ្ញុំ ក្នុងអស់ទាំងថ្ងៃនៃជីវិតរបស់ខ្ញុំ

ហើយខ្ញុំនឹងរស់នៅក្នុងដំណាក់របស់ព្រះយេហូវ៉ា រហូតអស់កល្បជានិច្ច៕

ទើបបានជ្រើសរើសហើយ៖

ទំនុកតម្កើង 23: GKHB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ខគម្ពីរពេញនិយមពី
ទំនុកតម្កើង 23